រាជធានីភ្នំពេញ ៖ យុវជនម្នាក់ជាអ្នកបើកម៉ូតូកង់បីឥណ្ឌាដឹកម៉ូយជាស្ត្រី២នាក់ចេញពីផ្ទះសំណាក់គោល បំណងទៅផ្ទះម្តុំផ្សាររាត្រី ខណៈពេលបើកមកដល់ចំណុចផ្លូវកោងបួងចង្កូតខ្លាំងពេក បណ្តាលឱ្យក្រឡាប់ផ្ងារជើងឡើងលើធ្វើឱ្យស្ត្រីជាភ្ញៀវទាំង២នាក់រងរបួសធ្ងន់ម្នាក់ និងស្រាលម្នាក់ ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី៤ ខែមិថុនា ឆ្នាំ២០១៨…
រាជធានីភ្នំពេញ ៖ យុវជនម្នាក់ជាអ្នកបើកម៉ូតូកង់បីឥណ្ឌាដឹកម៉ូយជាស្ត្រី២នាក់ចេញពីផ្ទះសំណាក់គោល បំណងទៅផ្ទះម្តុំផ្សាររាត្រី ខណៈពេលបើកមកដល់ចំណុចផ្លូវកោងបួងចង្កូតខ្លាំងពេក បណ្តាលឱ្យក្រឡាប់ផ្ងារជើងឡើងលើធ្វើឱ្យស្ត្រីជាភ្ញៀវទាំង២នាក់រងរបួសធ្ងន់ម្នាក់ និងស្រាលម្នាក់ ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី៤ ខែមិថុនា ឆ្នាំ២០១៨ តាមបណ្តោយផ្លូវបឹងកក់ នៅចំណុចម្តុំស្ថានីយរ៉ារថភ្លើង ស្ថិតនៅក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មានពីអ្នកបើកបរម៉ូតូកង់បីឥណ្ឌាបានអោយដឹងថា មុនពេលកើតហេតុ គាត់បានបើកម៉ូតូកង់បីឥណ្ឌាដឹកស្ត្រី២នាក់ចេញពីផ្ទះសំណាក់មួយកន្លែងនៅម្តុំបឹងកក់ គោលបំណងដឹកទៅម្តុំផ្សាររាត្រី ពេលបើកបរមកដល់ចំណុចកើតហេតុខាងលើជាផ្លូវកោង ហើយម្តុំនោះងងឹត គាត់បើកលឿនមិនបានប្រយ័ត្នក៏ជ្រុលចង្កូតក្រឡាប់ផ្ងារជើងឡើងលើ បណ្តាលអោយស្ត្រី២នាក់រងរបួសធ្ងន់ម្នាក់ និងស្រាលម្នាក់ ភ្លាមៗនោះដែរ រថយន្តសង្គ្រោះបានមកដល់ ហើយដឹកយកស្ត្រីរងគ្រោះទាំង២នាក់យកទៅព្យាបាលនៅមន្ទីរពេទ្យកាល់ម៉ែត ។
ក្រោយពេលកើតហេតុ អ្នកបើកបរម៉ូតូកង់បីឥណ្ឌាសុខចិត្តចេញថ្លៃព្យាបាលដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ