រាជធានី​ភ្នំពេញ ៖ Star Food Enterprise Co., Ltd ដែល​ជា​ក្រុមហ៊ុន​នាំ​ចូល​ភី​ហ្សា​ម៉ាក PEZZO ដែល​ជា​ម៉ាក​ភី​ហ្សា​ក្នុងស្រុក​ដែល​មានឈ្មោះ​ល្បីល្បាញ​នៅ​ក្នុង​ប្រទេស​សិង្ហ​បុរី បាន​មក​ដល់​ព្រះរាជាណាចក្រ​កម្ពុជា និង​មានការ​ផ្តល់​ជូន​នូវ​ប្រ​ម៉ូ​សិន​ពិសេស​ជូន​ប្រជា​ពលរដ្ឋ​កម្ពុជា នៅ​ក្នុង​រយៈពេល​បើក​សម្ពោធ​លក់​សាកល្បង (Soft Opening) រាល់​ការ​ទិញ Pizza ចំនួន​២ ចំណិត គឺ​ថែម​ជូន Pizza ១ ចំណិត​ផ្សេង​ទៀត ដោយ​ឥត​គិតថ្លៃ​រហូត​ដល់​ថ្ងៃ ១៥ មិថុនា ឆ្នាំ​២០១៨ ។

លោក ជា គឹ​ម​សុង នាយក​ប្រតិបត្តិ​ទូទៅ​នៃ​ក្រុមហ៊ុន Star Food Enterprise Co., Ltd បាន​មាន​ប្រសាសន៍​ថា​៖ PEZZO Pizza ជា​ម៉ាក​របស់​ប្រទេស​សិង្ហ​បុរី ដែល​បង្កើត​ឡើង​កាលពី​ឆ្នាំ​២០១២ ហើយ​ការ​ពី​៦​ឆ្នាំ​មុន គាត់ (​សិង្ហ​បូ​រី​) បាន​នាំ​ចូល​នូវ​គំនិត​លក់ Pizza ជា​ចំណិត ជូន​ប្រជាពលរដ្ឋ ហើយ​គាត់​ទទួល​បានការ​គាំទ្រ​ខ្លាំង​។ តែ​នៅ​ខ្មែរ​យើង​ទស្សនៈ ឬ​គំនិត​លក់​ភី​ហ្សា​ជា​ចំណិត​នេះ​មិន​ទាន់​មាន​នោះ​ទេពី​មុន អ​ញ្ចឹ​ង​យើង​មើលឃើញ​ថា វា​ជា​គំនិត​អាជីវ​ម្ម​មួយ​ថ្មី និង​ចង់ឱ្យ​ប្រជាពលរដ្ឋ​កម្ពុជា​បាន​ទទួលយក​នូវ Pizza មួយ​ចំណិត​​ដែល​អាច​ឱ្យ​ពួក​គាត់​ញុំ​តែ​១ ចំណិត​មាន​អារម្មណ៍​ថា ឆ្អែត​ហើយ​តម្លៃ​សមរម្យ​អាច​ទទួលយក​បាន​គ្រប់​ៗ​គ្នា​»​។

លោក​បា​នប​ន្ថែម​ទៀត​ថា ក្នុង​ឱកាស​បើក​សម្ភោ​ធលក់​សាកល្បង​របស់ Pezzo Pizza Cambodia ផ្តល់​ជូន​ប្រូ​ម៉ូ​សិន​ពិសេស​ជូន​ប្រជាពលរដ្ឋ រាល់​ការ​ទិញ​ភី​ហ្សា​ចំនួន​២​ចំណិត ថែម​ជូន​ភី​ហ្សា ១​ចំណិត​ទៀត​ដោយ​ឥត​គិតថ្លៃ​រហូត​ដល់​ថ្ងៃ​១៥ ខែមិថុនា​ខាង​មុខ ក្នុង​គោលបំណង​ចង់ឱ្យ​ពលរដ្ឋ​បាន​សាកល្បង​នូវ​រសជាតិ​ភី​ហ្សា ទាំង​១០ ប្រភេទ​មាន​ដូច​ជា​រសជាតិ Carnival Seafood, Seafood Gala, Halo Hawaiian, Hot Chick, Cheesy Cheese, Very Veggie, Meat Munchers, BBQ Chicken, Pepperoni និង Supremo ជាដើម​។ PEZZO Pizza បើ​ប្រៀប​ទៅ​នឹង Pizza ដទៃ​ទៀត គឺ PEZZO របស់​យើង​ធ្វើ​ឡើង​ដោយ​ដៃ​ជាមួយ​គ្រឿងផ្សំ​សំបូរ​បែប មានគុណ​ភាព​ខ្ពស់ លក់​ជូន​ជា​រៀងរាល់ថ្ងៃ ដោយ​យើង​រំពឹង​ថា ប្រជាពលរដ្ឋ​ខ្មែរ​ទូ​ទាំង​ប្រទេស​នឹង​ទទួលយក​គំនិត​ថ្មី​មួយ​នេះ (Pizza ចំណិត​) ហើយ​ពួក​គាត់​មាន​លទ្ធភាព​គ្រប់គ្រាន់​ទិញ​យក​ទៅ​បរិភោគ​ជាមួយ​ក្រុម​គ្រួ​សារបាន​គ្រប់ពេលវេលា»​។

បើ​តាម​លោកនាយក​ប្រតិបត្តិ​ទូទៅ​នៃ​ក្រុមហ៊ុន Star Food Enterprise Co., Ltd បាន​ឲ្យ​ដឹង​ថា បន្ទាប់​ពី​ដាក់​ឱ្យ​ដំណើរការ PEZZO Pizza Cambodia មា​នទី​តាំងនៅ​ជាន់​ទី​២ ផ្សារ​ទំនើប​អ៊ី​អន​ម៉​ល​សែន​សុខ​ស៊ី​ធី (​ជាប់​រោង​ភាពយន្ត​) ហើយ​នៅ​ថ្ងៃ​ខាង​មុខ​ក្រុមហ៊ុន​មាន​គម្រោង​ពង្រីក​សាខា​បន្ថែម ពី​២​ទៅ​៣​សា​ខាង​នៅ​ផ្សារ​ទំនើប​ផ្សេង​ទៀត​ក្នុងឆ្នាំនេះ​ដែរ​៕