ប្រទេសអ៊ុយក្រែន ៖ ការធ្វើឃាតអ្នកកាសែតប្រឆាំងរុស្ស៊ី លោក ARKADI BABTCHENKO តាមការពិតទៅជាការរៀបចំឆាកក្លែងក្លាយមួយទេ។ អាជ្ញាធរអ៊ុយក្រែនដែលចោទប្រកាន់ក្រុងមូស្គូថា សម្លាប់អ្នកកាសែតពូកែជេរវិមានក្រឹមឡាំងរូបនេះ កាលពីថ្ងៃទី៣០…
ប្រទេសអ៊ុយក្រែន ៖ ការធ្វើឃាតអ្នកកាសែតប្រឆាំងរុស្ស៊ី លោក ARKADI BABTCHENKO តាមការពិតទៅជាការរៀបចំឆាកក្លែងក្លាយមួយទេ។
អាជ្ញាធរអ៊ុយក្រែនដែលចោទប្រកាន់ក្រុងមូស្គូថា សម្លាប់អ្នកកាសែតពូកែជេរវិមានក្រឹមឡាំងរូបនេះ កាលពីថ្ងៃទី៣០ ឧសភា បានពន្យល់ថា នោះជាការរៀបចំឆាកមួយ ក្នុងគោលបំណងកម្ទេចផែនការធ្វើឃាតមួយរៀបចំដោយរុស្ស៊ី។ លោក BABTCHENKO រហូតដល់បង្ហាញខ្លួននៅមុខសារព័ត៌មាន ដើម្បីបញ្ជាក់ថា លោកពុំត្រូវបានគេធ្វើឃាត ដូចការចេញផ្សាយនាពេលមុននេះឡើយ។
ប្រមុខភ្នាក់ងារសន្តិសុខអ៊ុយក្រែន លោក VASSYL GRYTSAK ថ្លែងទៅកាន់ក្រុមអ្នកកាសែតថា ដោយសារប្រតិបត្តិការនេះ យើងអាចកម្ទេចគម្រោងការបង្កហេតុមួយ ហើយប្រមូលឯកសារនានា ពីការរៀបចំឧក្រិដ្ឋកម្មនេះ ដោយពួកភ្នាក់ងារពិសេសរុស្ស៊ី។លោកបញ្ជាក់ថា ការបង្កហេតុ គឺការសម្លាប់លោក BABTCHENKO ។
មុននេះអ្នកនាំពាក្យប៉ូលិសអ៊ុយក្រែន លោក IAROSLAV TRAKALO ទទួលស្គាល់ថា ភរិយារបស់អ្នកកាសែតពូកែជេរវិមានក្រឹមឡាំង និយាយថា ប្រទះឃើញសាកសពប្ដីលោកស្រី។ ស្ត្រីរូបនេះអះអាងថា គាត់នៅក្នុងបន្ទប់ទឹក ហើយស្ដាប់ឬស្នូរមួយ ពេលចេញពីបន្ទប់ទឹកវិញ ស្រាប់តែប្រទះឃើញប្ដីដេកក្នុងថ្លុកឈាម ហើយស្លាប់ពេលបញ្ជូនតាមរថយន្តសង្គ្រោះមួយ។ ចំណែកប៉ូលិសបញ្ជាក់ភ្លាមៗថា នេះជាឧក្រិដ្ឋកម្មទាក់ទិននឹងវិជ្ជាជីវៈលោក។
ព័ត៌មានពីការធ្វើឃាតអ្នកកាសែតប្រឆាំងរុស្ស៊ីរូបនេះ បណ្ដាលឲ្យមានការក្ដុកក្ដួលជាអន្តរជាតិ រួចឆាកល្ខោនដូចខ្សែភាពយន្តនាំឲ្យគេមានការភ្ញាក់ផ្អើល៕
ចែករំលែកព័តមាននេះ