ខេត្តឧត្តរមានជ័យ ៖ ទឹកភ្លៀងធ្លាក់លាយឡំទៅដោយផ្លេកបន្ទោល ស្រាប់តែរន្ទះបាញ់ស្ត្រីវ័យក្មេងម្នាក់ស្លាប់បាត់បង់ជីវិតយ៉ាងអាណោចអាធ័ម ហេតុការណ៍នេះកើតឡើងកាលពីម៉ោង១២និង៣០នាទីរសៀល ថ្ងៃទី២៦ ឧសភា ស្ថិតនៅឯវាលស្រែចំការដំឡូង ក្នុងភូមិបន្ទាយចាស់ ឃុំព្រះប្រឡាយ…
ខេត្តឧត្តរមានជ័យ ៖ ទឹកភ្លៀងធ្លាក់លាយឡំទៅដោយផ្លេកបន្ទោល ស្រាប់តែរន្ទះបាញ់ស្ត្រីវ័យក្មេងម្នាក់ស្លាប់បាត់បង់ជីវិតយ៉ាងអាណោចអាធ័ម ហេតុការណ៍នេះកើតឡើងកាលពីម៉ោង១២និង៣០នាទីរសៀល ថ្ងៃទី២៦ ឧសភា ស្ថិតនៅឯវាលស្រែចំការដំឡូង ក្នុងភូមិបន្ទាយចាស់ ឃុំព្រះប្រឡាយ ស្រុកត្រពាំងប្រាសាទ ។
ជនរងគ្រោះខាងលើឈ្មោះ កែវ ស្រីនិច អាយុ១៤ឆ្នាំ រស់នៅក្នុងភូមិ-ឃុំកើតហេតុខាងលើ។
យោងតាមឪពុកម្តាយស្ត្រីជនរងគ្រោះបានឱ្យដឹងថា មុនពេលកើតហេតុ ស្ត្រីរងគ្រោះបានទៅស្រែចំការដាំដំឡូងមី លុះនៅពេលរសៀលមេឃឡើងខ្មៅបន្តិច ក្រោយមកមានទឹកភ្លៀងធ្លាក់លាយឡំទៅដោយផ្លេក បន្ទោលយ៉ាងខ្លាំង ហើយកូនស្រីគាត់ឃើញផ្លេកបន្ទោលញាប់ពេក ក៏រត់ចូលទៅជ្រកក្រោមម្លប់ដើមត្រសេក ស្រាប់តែរន្ទះបាញ់បណ្តាលឱ្យកូនស្រីគាត់ដេកដួលស្លាប់បាត់បង់ជីវិតគួឱ្យសោកស្តាយជាទីបំផុត។
តាមប៉ូលិសព្រហ្មទណ្ឌ័ស្រុកបានឱ្យដឹងថា ក្រោយពីទទួលព័ត៌មានពីឪពុកម្តាយជនរងគ្រោះ កម្លាំងជំនាញបានចុះទៅដល់នឹងកន្លែងកើតហេតុ ដើម្បីពិនិត្យឃើញថា ជនរងគ្រោះពិតជារន្ទះបាញ់ស្លាប់ដោយពិតប្រាកដមែន ។ ក្រោយសមត្ថកិច្ចប្រគល់សពទៅឱ្យក្រុមគ្រួសារយកទៅធ្វើបុណ្យទៅតាមប្រពៃណី។
គួរំលឹកថា តាំងពីដើមឆ្នាំ២០១៨ រហូតមកទល់ខែឧសភានេះ មានចំនួន៣លើកហើយ មនុស្សប្រុសស្រីចំនួន៤នាក់ត្រូវបានស្លាប់បាត់បង់ជីវិតដោយគ្រោះធម្មជាតិនេះ៕
ចែករំលែកព័តមាននេះ