ខេត្តព្រៃវែង ៖ សេចក្តីរាយការណ៍ឱ្យដឹងថា ករណីអគ្គិភ័យមួយកើតឡើង ខណៈម្ចាស់ផ្ទះបើកហ្គាសដាក់ដាំទឹក រួចហ្គាសក៏ផ្ទុះបានបណ្តាលអោយឆាបឆេះផ្ទះអស់មួយចំហៀង រួមនិងទ្រព្យសម្បត្តិមួយចំនួន កាលពីវេលាម៉ោង១២ និង៣០ថ្ងៃទី២៥ ឧសភា ស្ថិតនៅចំណុចភូមិសាលា ឃុំរំចេក ស្រុកព្រះស្តេច ខេត្តព្រៃវែង ។
សមត្ថកិច្ចបានឱ្យដឹងថា ម្ចាស់ផ្ទះរងគ្រោះខាងលើ ឈ្មោះ ធុច ហ៊ន ភេទប្រុស អាយុ៧៣ឆ្នាំ ស្ថិតនៅភូមិ-ឃុំ កើតហេតុខាងលើ ។ ប្រភពដដែលបន្តថា នៅមុនពេលកើតហេតុ លោកតាបានដងទឹកយកដាក់ដាំតាមធម្មតា តែនៅពេលបើកហ្គាសដើម្បីដាំទឹក ស្រាប់តែហ្គាសបានផ្ទុះតែម្តង ក៏បណ្តាលឱ្យឆេះផ្ទះមានទំហំ7mx8m សង់ពីឈើប្រក់ក្បឿងអស់១ចំហៀងផ្ទះ ផ្ទាំងសូឡា១ផ្ទាំង និងសម្ភារចំនួនទៀត ។
នៅពេលកើតហេតុ ប្រជាពលរដ្ឋនិងមានរថយន្តជួយបាញ់ពន្លត់ទាន់ពេលដែរដោយប្រើប្រាស់អស់ទឹក១រថយន្ត ។
ចែករំលែកព័តមាននេះ