ខេត្តប៉ៃលិន ៖ ជនសង្ស័យម្នាក់បានសង្កេតឃើញម្ចាស់ផ្ទះដេកលក់មួយភ្លែត ឆ្លៀតឱកាសល្អចូលទៅក្នុងផ្ទះលួចលុយខ្មែរ និងប្រាក់ថៃ ព្រមទាំងទូរស័ព្ទ រួចគេចខ្លួនបាត់ស្រមោល លុះម្ចាស់ផ្ទះភ្ញាក់ដឹងខ្លួនឡើងឃើញជនសង្ស័យដើរចេញពីផ្ទះ ហើយពេលទៅមើលក្នុងបន្ទប់ ស្រាប់តែបាត់អស់លុយ…
ខេត្តប៉ៃលិន ៖ ជនសង្ស័យម្នាក់បានសង្កេតឃើញម្ចាស់ផ្ទះដេកលក់មួយភ្លែត ឆ្លៀតឱកាសល្អចូលទៅក្នុងផ្ទះលួចលុយខ្មែរ និងប្រាក់ថៃ ព្រមទាំងទូរស័ព្ទ រួចគេចខ្លួនបាត់ស្រមោល លុះម្ចាស់ផ្ទះភ្ញាក់ដឹងខ្លួនឡើងឃើញជនសង្ស័យដើរចេញពីផ្ទះ ហើយពេលទៅមើលក្នុងបន្ទប់ ស្រាប់តែបាត់អស់លុយ និងទូរស័ព្ទ ក៏ដាក់ពាក់បណ្តឹងឱ្យចាប់ឃាត់ខ្លួនតែម្តង ។
ហេតុការណ៍ចុះចាប់ឃាត់ខ្លួននេះ បានធ្វើឡើងកាលពីម៉ោង៤និង៣០នាទីរសៀល ថ្ងៃទី២១ ឧសភា ក្រោយពីទទួលពាក្យបណ្តឹងរបស់ស្ត្រីរងគ្រោះឈ្មោះ ឆន ស៊ុននៀនអាយុ២៣ឆ្នាំ រស់នៅភូមិសួនអំពៅលិច សង្កាត់ប៉ៃលិន ។ ហើយស្ត្រីរងគ្រោះបានបាត់លុយចំនួន១លាន១០ម៉ឺនរៀល ប្រាក់ថៃ៦០០បាត និងបាត់ទូរស័ព្ទដៃ០២គ្រឿង (ម៉ាក IPhone6 ១គ្រឿង និងម៉ាក Nokia1280 ១គ្រឿង ) កាលពីម៉ោង១២និង៣០នាទី ថ្ងៃទី២១ ឧសភា រួចក៏ប្រញាប់ដាក់ពាក្យបណ្តឹងឱ្យចុះតាមរកជនសង្ស័យតែម្តង ។
ប្រភពព័ត៌មានឱ្យដឹងថា ក្រោយពីទទួលពាក្យបណ្តឹងពីស្ត្រីរងគ្រោះសមត្ថកិច្ចបានកំណត់មុខសញ្ញា និងឈានទៅធ្វើការហៅជនសង្ស័យម្នាក់មកសាកសួរ ។ នៅចំពោះមុខសមត្ថកិច្ចជនសង្ស័យឈ្មោះ ឈឿន វល័ក្ខ ហៅលីន អាយុ២៦ឆ្នាំ មុខទីលំនៅមិនពិតប្រាកដ សារភាពថា ខ្លួនពិតជាបានចូលទៅលួចលុយរបស់ស្ត្រីរងគ្រោះពេលនាងកំពុងតែដេកលក់ក្នុងផ្ទះ ហើយយកបានប្រាក់ និងទូរស័ព្ទពិតប្រាកដមែន ។
ពាក់ព័ន្ធនឹងករណីនេះ ជនសង្ស័យខាងលើត្រូវបានជំនាញផ្នែកព្រហ្មទណ្ឌនៃអធិការដ្ឋាននគរបាលកសាងសំណុំរឿង ដើម្បីបញ្ជូនទៅការិយាល័យព្រហ្មទណ្ឌនៃស្នងការដ្ឋាននគរបាលខេត្ត ដើម្បីចាត់ការតាមផ្លូវច្បាប់៕
ចែករំលែកព័តមាននេះ