ខេត្តកំពត ៖ កម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀនបានសហការជាមួយកម្លាំងអន្តរាគមន៍ឈុតខ្មៅ និងកម្លាំងការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ត បានចុះបង្ក្រាបកន្លែងលួចលាក់ចែកចាយគ្រឿងញៀនមួយកន្លែង កាលពីវេលាម៉ោង២និង៣០នាទីរសៀល ថ្ងៃទី២១
ខែឧសភា ឆ្នាំ២០១៨ នៅចំណុចតូបលក់ដូរមួយកន្លែង ស្ថិតក្នុងភូមិចង្កៀងខាងកើត ឃុំទទុង ស្រុកដងទង់ ខេត្តកំពត ។
សមត្ថកិច្ចការិយាល័យប្រឆាំងបទល្មើសគ្រឿងញៀនបានឲ្យដឹងថា ក្នុងករណីចុះបង្ក្រាបខាងលើកម្លាំងសមត្ថកិច្ចយើងបានចាប់ឃាត់ខ្លួនបានជនសង្ស័យពីរនាក់ប្តីប្រពន្ធ និងដកហូតវត្ថុតាងថ្នាំញៀនប្រភេទម្សៅក្រាម ពណ៌ស ចំនួន២កញ្ចប់ធំ និងថង់សម្រាប់វេចខ្ចប់មួយចំនួន មានដែកកេះចំនួន២ ។
សមត្ថកិច្ចបន្តទៀតថា ជនសង្ស័យទាំងពីរនាក់ប្តីប្រពន្ធដែលប្តីមានឈ្មោះ ខេង វុទ្ធី អាយុ៣៥ឆ្នាំ
និងប្រពន្ឋមានឈ្មោះ សំ ស៊ីផា អាយុ៣៨ឆ្នាំ ស្នាក់នៅ និងលក់ដូរនៅរោងចក្រមួយកន្លែង ។
ជនសង្ស័យទាំងពីរនាក់ប្តីប្រពន្ធក្រោយពីធ្វើការសាកសួររួច សមត្ថកិច្ចបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕
ចែករំលែកព័តមាននេះ