ខេត្តកំពង់ធំ ៖ មួយរយៈកន្លងមកនេះឃើញថាមានករណីគ្រោះធម្មជាតិកើតឡើងជាបន្តបន្ទាប់ជាក់ស្តែងករណីគ្រោះធម្មជាតិទី១បានកើតឡើងនៅវេលាម៉ោង០៤និង៣០នាទីល្ងាច ថ្ងៃទី១៩ ខែឧសភា ឆ្នាំ២០១៨ ស្ថិតនៅក្នុងភូមិស្វាយ ឃុំស្រើង ស្រុកប្រាសាទសំបូរ ខេត្តកំពង់ធំ មានករណីរន្ទះបាញ់ចំដើមដូងមួយដើមដែលនៅមុខផ្ទះឈ្មោះ យិន យីន មេភូមិស្វាយ ឃុំស្រើង បណ្តាលឱ្យរបួសធ្ងន់ស្រាលមនុស្សចំនួន៣នាក់ ក្នុងនោះកូនស្រីរបស់លោកប្រធានភូមិចំនួនពីរនាក់ ទី១-ឈ្មោះ យីន វ៉ាន់នី ភេទស្រី អាយុ២៥ឆ្នាំ របួសធ្ងន់, ទី២-ឈ្មោះ យីន ស៊ីណា ភេទស្រី អាយុ១៥ឆ្នាំ របួសធ្ងន់ និងទី៣-ឈ្មោះ មាស រ៉ាម៉ាញ ភេទប្រុស អាយុ២៧ឆ្នាំរបួសស្រាល ត្រូវបានក្រុមគ្រួសារដឹកយកទៅព្យាបាលនៅមន្ទីពេទ្យខេត្តកំពង់ធំ ។
ករណីទី២-នៅថ្ងៃទី១៩ ខែឧសភា ឆ្នាំ២០១៨ ដដែលមានករណីរន្ទះបាញ់១លើក និងខ្យល់កន្ត្រាក់ នៅភូមិនីពេជ្រ(ក) ឃុំនីពេជ្រ ស្រុកកំពង់ស្វាយ បណ្តាលឲ្យស្លាប់គោចំនួនពីរក្បាល និងខូចខាតសម្ភារៈមួយចំនួន ។ ករណីទី៣-ខ្យល់កន្ត្រាក់វេលាម៉ោង៥និង០០នាទីល្ងាច នៅភូមិឈើទាល ឃុំត្បែង ស្រុកកំពង់ស្វាយ ដដែល បណ្តាលឲ្យខូចខាតផ្ទះ១ខ្នងរបស់ម្ចាស់ឈ្មោះ ចេង ចិន្តា ភេទប្រុស អាយុ៣០ឆ្នាំ របើកសំយ៉ាបស័ង្កសីខាងមុខអស់ទាំងស្រុង ៕
ចែករំលែកព័តមាននេះ