ប្រទេសវេណេស៊ុយអេឡា ៖ ការបោះឆ្នោតប្រធានាធិបតីវេណេស៊ុយអេឡា ប្រព្រឹត្តទៅកាលពីថ្ងៃទី២០ ឧសភា ខណៈប្រទេសនៅអាមេរិកឡាទីននេះ ជួបប្រទះការលំបាកខាងសេដ្ឋកិច្ចធ្ងន់ធ្ងរបំផុត វិបត្តិនយោបាយ និងការគាបសង្កត់នានាក្ដី។ លោក…
ប្រទេសវេណេស៊ុយអេឡា ៖ ការបោះឆ្នោតប្រធានាធិបតីវេណេស៊ុយអេឡា ប្រព្រឹត្តទៅកាលពីថ្ងៃទី២០ ឧសភា ខណៈប្រទេសនៅអាមេរិកឡាទីននេះ ជួបប្រទះការលំបាកខាងសេដ្ឋកិច្ចធ្ងន់ធ្ងរបំផុត វិបត្តិនយោបាយ និងការគាបសង្កត់នានាក្ដី។
លោក នីកូឡាស់ ម៉ាឌូរ៉ូ ដែលក្លាយជាប្រធានាធិបតីប្រទេសនេះ ចាប់តាំងពីលោកហ៊ូហ្គោឆាវេស ទទួលមរណភាពក្នុងឆ្នាំ២០១៣មក នឹងអាចជាប់ឆ្នោតទៀត ទោះបីជាគូប្រជែងលោក HENRI FALCON ក្នុងការស្ទាបស្ទង់មតិនានា អាចមានវាសនាឈ្នះក្ដី។
ការបោះឆ្នោតនេះប្រព្រឹត្តទៅក្រោមការព្រួយបារម្ភ និងការគំរាមកំហែងរបស់មហាអំណាចមួយចំនួន ដោយបារាំងក៏ដួចជាប្រទេសជាសមាជិកសហភាពអឺរ៉ុបឯទៀតៗ ព្រមទាំងសហរដ្ឋអាមេរិក បានដាក់ទណ្ឌកម្មខាងហិរញ្ញវត្ថុប្រឆាំងវេណេស៊ុយអេឡា ដើម្បីចាប់បង្ខំលោកម៉ាឌូរ៉ូ ឲ្យចាប់ផ្ដើមចរចាជាមួយពួកប្រឆាំង។ ពួកប្រឆាំងមួយចំនួនធំអំពាវនាវឲ្យធ្វើពហិការដល់ការបោះឆ្នោតនេះ តែយុទ្ធសាស្ត្រនោះហាក់ពុំបានផលឡើយ៕
ចែករំលែកព័តមាននេះ