ប្រទេសនីហ្សេរីយ៉ា ៖ ប៉ូលិសមូលដ្ឋានរាយការណ៍ថា មនុស្សយ៉ាងតិច៤៥នាក់ត្រូវសម្លាប់កាលពី ថ្ងៃទី៥ ឧសភា ដោយពួកជនមិនស្គាល់មុខនៅភូមិ GWASKA រដ្ឋកាឌូម៉ាភាគខាងជើងនីហ្សេរីយ៉ា។
មេប៉ូលិសម្នាក់លោក AUSTIN IWAR ថ្លែងប្រាប់រ៉យទ័រថា នាថ្ងៃទី៥ ឧសភា យើងបានប្រមូលសាកសពមនុស្ស១២នាក់ ហើយថ្ងៃទី៦ ឧសភា យើងប្រមូលសាកសពបានដល់៣៣នាក់ថែមទៀត។
ភូមិនោះស្ថិតនៅតំបន់ BIRNIN GWARI ជិតតំបន់ព្រៃដែលល្បីថា សម្បូរដោយពួកចោរប្លន់។ ម្យ៉ាងទៀតភាគខាងជើងប្រទេសនេះ មានចលនាបះបោររបស់ពួកអ៊ិស្លាមនិយមក្រុមបូកូហារ៉ាម ទោះបីជាប្រធានាធិបតីលោក MUHAMMADU BUHARI សន្យាកម្ទេចចលនានេះក្ដី៕
ចែករំលែកព័តមាននេះ