ក្មេងៗរៀនតាមគំរូ ដែលជាញឹកញាប់ចម្លងអាកប្បកិរិយារបស់មនុស្សពេញវ័យ ជាពិសេស គឺឪពុកម្តាយនេះតែម្តង ។
ឪពុកម្តាយភាគច្រើនតែងតែមានកំហុសដោយផ្ទាល់ ឬដោយប្រយោល នៅពេលកូនៗរបស់ពួកគេប្រើប្រាស់ទូរស័ព្ទ លេងហ្គែម មើលទូរទស្សន៍ ឬលេងអ៊ីនធើរណេតច្រើនម៉ោងក្នុង មួយថ្ងៃៗ ជំនួសឲ្យការប្រាស្រ័យទាក់ទងជាមួយពិភពលោកពិតប្រាកដ និងមនុស្សនានាជុំវិញខ្លួន។ ការប្រើប្រាស់ប្រព័ន្ធឌីជីថលលើសកម្រិតអាចប៉ះពាល់ដល់ការរីកចម្រើនខាងសង្គម ផ្លូវចិត្ត និងបញ្ញារបស់កុមារ ។
អ្នកជំនាញផ្នែកអភិវឌ្ឍកុមារជាច្រើនបានជំរុញឲ្យឪពុកម្តាយទាំងអស់គួរស្វែងរកវិធីការពារ ឬដោះស្រាយចំពោះបញ្ហានេះឲ្យបានឆាប់រហ័ស ។
ក្នុងនាមជាឪពុកម្តាយ យើងមានឱកាសណែនាំ កូនៗរបស់យើង ដើម្បីឲ្យពួកគេអាចផ្លាស់ប្តូរទម្លាប់ អាក្រក់ៗចោល ។
កុមារ តូចៗមិនគួរមានទូរស័ព្ទ ឬទូរទស្សន៍ផ្ទាល់ខ្លួននៅក្នុងបន្ទប់គេងរបស់ពួកគេទេ ហើយសូម្បីតែក្មេងជិតជំទង់ក៏ដោយ ។
ដំណោះស្រាយចំបងដែលអ្នកអ្នកធ្វើបាន គឺធ្វើជាគម្ររបស់កូន ។ ចូរកាត់បន្ថយការប្រើប្រាស់ទូរស័ព្ទ កុំព្យូទ័រ និងការមើលទូរទស្សន៍នៅចំពោះមុខកូន ៕
ស្រង់ពីគេហទំព័រសុខភាព
ចែករំលែកព័តមាននេះ