រាជធានីភ្នំពេញ ៖ កាលពីព្រឹកថ្ងៃទី២២ មេសា ២០១៨ ឪពុកតារាសម្ដែងលោករក្សា ដែលមានជំងឺប្រចាំកាយជាយូរមកហើយនោះបានទទួលមរណភាព ។ ការស្លាបនោ់ះតែប៉ុន្មានម៉ោងប៉ុណ្ណោះមុនពេលលោករក្សាត្រូវឡើងយន្តហោះទៅកាន់ប្រទេសសិង្ហបុរី ដើម្បីព្យាបាលជំងឺ…
រាជធានីភ្នំពេញ ៖ កាលពីព្រឹកថ្ងៃទី២២ មេសា ២០១៨ ឪពុកតារាសម្ដែងលោករក្សា ដែលមានជំងឺប្រចាំកាយជាយូរមកហើយនោះបានទទួលមរណភាព ។ ការស្លាបនោ់ះតែប៉ុន្មានម៉ោងប៉ុណ្ណោះមុនពេលលោករក្សាត្រូវឡើងយន្តហោះទៅកាន់ប្រទេសសិង្ហបុរី ដើម្បីព្យាបាលជំងឺ ។
លោករក្សា និយាយថា លោកបានកក់សំបុត្រយន្តហោះ និងរៀបចំឯកសារដើម្បីទៅពិនិត្យសុខភាពនៅក្នុងប្រទេសសិង្ហបុរី ក្រោមការជ្រោមជ្រែងពីបងប្អូនធម៌ប្រមាណជាជិតមួយខែមកហើយ ។ លោកត្រៀមឡើងយន្តនៅវេលាម៉ោង៨ព្រឹកថ្ងៃទី២៣ មេសា ។
សប្បុរសជនដែលអាណិតលោកចង់ជួយលោកឱ្យបានទៅពិនិត្យជំងឺប្រហោងបេះដូង និងជំងឺរលាកស្រោមខួរ ។ ពិតជាពិបាកដោះស្រាយខ្លាំងណាស់ ដែលឪពុករបស់នាងត្រូវលោកអាចារ្យកំណត់ឱ្យបូជានៅព្រឹកថ្ងៃទី២៣ មេសា ម៉ោង៧ព្រឹក គឺចំម៉ោងលោកត្រូវឡើងយន្តហោះ ។ ជារឿងពិបាកដោះស្រាយ គឺបើចោលគម្រោងចាកចេញទៅសិង្ហបុរី ស្មើនឹងឱ្យអ្នកជួយជ្រោមជ្រែងចោលលុយ និងខូចគម្រោងទាំងស្រុង ប៉ុន្តែបើត្រូវចេញទៅ គឺត្រូវចោលពិធីបុណ្យបូជាឪពុក និងអត់បាននៅចាត់ចែងពិធីបុណ្យ៧ថ្ងៃជាមួយគ្រួសារឡើយ ។
លោករក្សា ថា«ខ្លួនតាំងពីកើតមកអត់ដែលបានសប្បាយម្ដងទេ ដោយរំពឹងថានឹងបានដើរកម្សាន្ត និងទៅត្រួតពិនិត្យសុខភាពក្រោមការស្រឡាញ់រាប់អានពីមនុស្សម្នាក់ដែលស្រឡាញ់អាណិតខ្ញុំនោះហើយ ប៉ុន្តែចុងក្រោយបែរជាស្ថិតក្នុងស្ថានភាពចេញទៅក៏ពិបាក បើចោលក៏ពិបាកដែលខ្ញុំអត់ដឹងដោះស្រាយយ៉ាងម៉េច ។បើសុំលើកថ្ងៃ គឺស្មើនឹងធ្វើឱ្យលុយកាក់ដែលបានកក់ទុករបស់អ្នកជួយជ្រោមជ្រែងបោះចោលទាំំងអស់ ហើយមិនដឹងថាបើទោះជាគេអ្នករាប់អាននោះយោគយល់ តើនឹងមានឱកាសស្ពុនស័៊រឱ្យទៅស្គាល់ប្រទេសសិង្ហបុរី និងម៉ាឡេស៊ី ជាលើកទី២ ឬក៏អត់ »។
រក្សាឲ្យដឹងថាឪពុករបស់គេត្រូវបូជានៅថ្ងៃអាទិត្យ ដោយមិនអាចពន្យារពេលទេ ដើម្បីកុំឱ្យខុសក្បួនអាចារ្យ និងមិនចង់តម្កល់យូរផង ។
មុនពេលឪពុកស្លាប់ប៉ុន្មានម៉ោង លោករក្សាបានទទួលការឧបត្ថម្ភពីអ្នកនាងឈួន សុវណ្ណឆៃ ចំនួន២០ម៉ឺនរៀល៕
ចែករំលែកព័តមាននេះ