ខេត្តបាត់ដំបង ៖ បុរសម្នាក់ត្រូវក្មេងឃ្វាលគោប្រទះឃើញចង.កសម្លាប់ខ្លួននៅលើដើមឈើខាងក្រោយភូមិឆ្កែខាំប្រើស ឃុំព្រែកជីក ស្រុករុក្ខគិរី កាលពីវេលាម៉ោង0៧ និង២០នាទីព្រឹកថ្ងៃទី១៩ មេសា នេះ ក្រោយចាកចេញបាត់ពីផ្ទះ១យប់មកនោះ ។
សមត្ថកិច្ចបានឲ្យដឹងថា សាកសពបុរសនោះ ឈ្មោះឡេង យុទ្ធដារ៉ា ហៅលាវ អាយុ២៨ឆ្នាំ រស់នៅក្នុងភូមិ,ឃុំខាងលើ ។ បុរសនេះបានយកខ្សែគោចង.កសម្លាប់ខ្លួនលើដើមកកោះ បន្ទាប់ពីមានជម្លោះជាមួយបងប្អូន ហើយចេញបាត់ពីផ្ទះមួយយប់ ដែលគេសង្ស័យថា ដោយសារតែខឹងម្ដាយស្ដីបន្ទោសពីការបង្កជម្លោះនេះ ។ សមត្ថកិច្ចបានបញ្ជាក់ថា សាកសពបុរសនេះត្រូវក្មេងឃ្វាលគោប្រទះឃើញ ហើយក៏រាយការណ៍ប្រាប់អ្នកភូមិដឹងតែម្ដង ។
បើតាមក្រុមគ្រួសារបានឲ្យដឹងថា នៅរសៀលថ្ងៃទី១៨មេសា ជនរងគ្រោះបានផឹកស៊ីស្រវឹងជោកជាំហើយបង្កជម្លោះជាមួយបងប្អូន តែដោយសារជម្លោះនោះរីករាលដាលកាន់តែខ្លាំង ទើបត្រូវម្ដាយស្ដីបន្ទោស ។ ក្រោយពីត្រូវម្ដាយស្ដីបន្ទោស ស្រាប់តែនៅម៉ោងប្រមាណ៥ល្ងាចថ្ងៃដដែល ជនរងគ្រោះក៏ដើរបាត់ពីផ្ទះអស់មួយយប់ លុះព្រឹកឡើងក៏ត្រូវក្មេងឃ្វាលគោប្រទះឃើញបុរសនេះចង.កសម្លាប់ខ្លួនលើដើមកកោះស្លាប់បាត់ទៅហើយ ទើបបង្កឲ្យមានការភ្ញាក់ផ្អើលតែម្ដង ។
ចែករំលែកព័តមាននេះ