ខេត្តឧត្តរមានជ័យ ៖ រថយន្តស៊េរីទំនើបពណ៌សមួយគ្រឿង គ្មានផ្លាកលេខ បើកបរតាមដងផ្លូវខ្សែបន្ទាត់ព្រំដែនកម្ពុជា-ថៃ ស្រាប់តែឆ្លងចរន្តភ្លើងឆាបឆេះហ្មត់ កាលពីវេលាម៉ោង១១និង៣០នាទីព្រឹក ថ្ងៃទី១៥ ក្នុងថ្ងៃចូលឆ្នាំប្រពៃណីជាតិខ្មែរ ហេតុការណ៍នេះកើតឡើងនៅក្នុងភូមិចាន់ក្រហមសែនជ័យ…
ខេត្តឧត្តរមានជ័យ ៖ រថយន្តស៊េរីទំនើបពណ៌សមួយគ្រឿង គ្មានផ្លាកលេខ បើកបរតាមដងផ្លូវខ្សែបន្ទាត់ព្រំដែនកម្ពុជា-ថៃ ស្រាប់តែឆ្លងចរន្តភ្លើងឆាបឆេះហ្មត់ កាលពីវេលាម៉ោង១១និង៣០នាទីព្រឹក ថ្ងៃទី១៥ ក្នុងថ្ងៃចូលឆ្នាំប្រពៃណីជាតិខ្មែរ ហេតុការណ៍នេះកើតឡើងនៅក្នុងភូមិចាន់ក្រហមសែនជ័យ ឃុំអម្ពឹល ស្រុកបន្ទាយអម្ពឹល ខេត្តឧត្តរមានជ័យ ។ ម្ចាស់រថយន្តឈ្មោះ ឡៃ ឌី ភេទប្រុស អាយុ៣៦ឆ្នាំ រស់នៅសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
នគរបាលស្រុកបន្ទាយអម្ពឹល បានឱ្យដឹងថា នៅក្នុងថ្ងៃចូលឆ្នាំប្រពៃណីជាតិខ្មែរ កងកម្លាំងនគរបាលបានចេញល្បាតនៅគ្រប់គោលដៅ ខណៈនោះបានប្រទះឃើញរថយន្តលុចស៊ីសមួយគ្រឿង អគ្គិភ័យកំពុងឆាបឆេះយ៉ាងសន្ធោសន្ធៅ ហើយកម្លាំងសមត្តកិច្ចបានជួយពន្លត់អគ្គិភ័យដែរ តែទោះជាបែបណារនោះ អគ្គិភ័យបានលេបត្របាក់ហ្មត់ ចំណែកម្ចាស់រថយន្ត និងអ្នករួមដំណើ៥នាក់ ស្រី២នាក់ បានឡើងជិះរថយន្តមួយគ្រឿងផ្សេងទៀតបន្តទៅកាន់លំនៅឋានវិញ ៕
ចែករំលែកព័តមាននេះ