រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា របបគ្រប់ប្រទេសនៅក្នុងប្រទេសកម្ពុជាមិនអាចដូរបាននោះទេ ។ ការលើកឡើងនេះបន្ទាប់ពីក្រុមបក្សប្រឆាំងទាមទាឲ្យមានដួររបបគ្រប់គ្រងប្រទេសនៅកម្ពុជា ។ លោកសុខ ឥសានអ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី៨ ខែមេសា…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា របបគ្រប់ប្រទេសនៅក្នុងប្រទេសកម្ពុជាមិនអាចដូរបាននោះទេ ។ ការលើកឡើងនេះបន្ទាប់ពីក្រុមបក្សប្រឆាំងទាមទាឲ្យមានដួររបបគ្រប់គ្រងប្រទេសនៅកម្ពុជា ។ លោកសុខ ឥសានអ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី៨ ខែមេសា យ៉ាងដូច្នេះថា នៅក្នុងរដ្ឋធម្មនុញ្ញនៃព្រះរាជាណាចក្រកម្ពុជា របបដឹកនាំ គឺជារបបប្រជាធិបតេយ្យសេរីពហុបក្សរាជានិយម អាស្រ័យរដ្ឋធម្មនុញ្ញ របបសភានិយម រដ្ឋធម្មនុញ្ញមិនអនុញ្ញាតឲ្យធ្វើវិសោធនកម្ម ដើម្បីផ្លាស់ប្តូររបបដូចសព្វ ថ្ងៃនេះ ជាដាច់ខាត ។
លោកថា រាល់ការបោះឆ្នោត គឺដើម្បីជ្រើសរើសមេដឹកនាំប្រទេស ដែលស្ថិតនៅក្រោមដំបូលនៃរបបគ្រប់គ្រងដដែលដោយគ្មានការកែប្រែឡើយ ។ ដូច្នេះ សូមកុំយល់ច្រឡំពីគោលបំណង និងសំណូមពរនៃការបោះឆ្នោត គ្រប់ប្រភេទនៅកម្ពុជា គឺសម្តៅជ្រើសរើសមេដឹកនាំប្រទេស និងបណ្តាស្ថាប័នរបស់ជាតិ ។
លោកបន្ថែមការបោះឆ្នោតរួមមាន បោះឆ្នោតជ្រើសតាំងតំណាងរាស្ត្រ ដើម្បីបង្កើតស្ថាប័នរដ្ឋសភាជាតិ និងរាជរដ្ឋាភិបាលមួយដែលមាននាយករដ្ឋមន្ត្រីចេញពីតំណាងរាស្ត្រជាប់ឆ្នោត និងជាបេក្ខភាពនាយករដ្ឋមន្ត្រីរបស់គណបក្សឈ្នះឆ្នោត ។ បោះឆ្នោតជ្រើសតាំងសមាជិកព្រឹទ្ធសភា ដើម្បីបង្កើតស្ថាប័នព្រឹទ្ធសភាជាតិ ។
លោកសង្កត់ធ្ងន់ថា ដើម្បីរៀបចំរចនាសម្ព័ន្ធដឹកនាំ និងគ្រប់គ្រងប្រទេសតាំងពីថ្នាក់ជាតិ ដល់ថ្នាក់ក្រោមជាតិ ដែលមានកំណត់ក្នុងច្បាប់ ។ ហេតុនេះសូមកុំយល់ច្រឡំឲ្យសោះថា ការបោះឆ្នោតតាមលទ្ធិប្រជាធិបតេយ្យទាំងសកល និងអសកល គឺជាការផ្លាស់ប្តូររបបនោះមិនមែនទេ វាគ្រាន់ជាការជ្រើសរើសមេដឹកនាំប្រទេស តាមឆន្ទៈរបស់ប្រជាជនតែប៉ុណ្ណោះ មិនមែនដើម្បីផ្លាស់ប្តូររបបទេ ។
គួររឮកថា អតីតគណបក្សសង្គ្រោះជាតិធ្លាប់បានទាមទារឲ្យមានការផ្លាស់ប្តូររបបដឹកនាំនៅកម្ពុជាតាមរយៈការបោះឆ្នោតដោយស៊េរីត្រឹមត្រូវ យុត្តិធម៌ ដោយគេដាក់ពាក្យស្លោកថា បោះឆ្នោតនាំមកនូវការផ្លាស់ប្តូរដោយវិជ្ជមា ៕
ចែករំលែកព័តមាននេះ