រាជធានីភ្នំពេញ ៖ ក្នុងចំណោមពលរដ្ឋខ្មែរដែលត្រូវបានរដ្ឋាភិបាលសហរដ្ឋអាមេរិកបញ្ជូនមកចំនួន៤៣នាក់ ត្រូវបានសាច់ញាត្តិមកទទួលយកអស់ចំនួន២១នាក់ហើយ ខណៈដែលអ្នកមួយចំនួនកំពុងសាច់ញាត្តិមកយកបណ្តើរ និងអ្នកផ្សេងទៀត មិនមានសាច់ញាត្តិនោះទេ ។ នេះ បើតាមនាយកអង្កការគាំពារពលរដ្ឋខ្មែរគ្មានទីពឹង…
រាជធានីភ្នំពេញ ៖ ក្នុងចំណោមពលរដ្ឋខ្មែរដែលត្រូវបានរដ្ឋាភិបាលសហរដ្ឋអាមេរិកបញ្ជូនមកចំនួន៤៣នាក់ ត្រូវបានសាច់ញាត្តិមកទទួលយកអស់ចំនួន២១នាក់ហើយ ខណៈដែលអ្នកមួយចំនួនកំពុងសាច់ញាត្តិមកយកបណ្តើរ និងអ្នកផ្សេងទៀត មិនមានសាច់ញាត្តិនោះទេ ។
នេះ បើតាមនាយកអង្កការគាំពារពលរដ្ឋខ្មែរគ្មានទីពឹង ។ ក្នុងកិច្ចសម្ភាសន៍ជាមួយកោះសន្តិភាពលោកតាន់ សូនិច នាយកប្រតិបត្តិអង្កការគាំពារពលរដ្ឋខ្មែរ គ្មានទីពឹងដែលមានទីតាំងស្ថិតក្នុងសង្កាត់ទឹកថ្លាសែនសុខ រាជធានីភ្នំពេញ នៅថ្ងៃទី០៦ ខែមេសា ឆ្នាំ២០១៨ បានឲ្យដឹង ថាពលរដ្ឋខ្មែរដែលសហរដ្ឋអាមេរិកបញ្ជូនមកនោះមានចំនួន២២នាក់ ត្រូវបានសាច់ញាត្តិមកទទួល ហើយអ្នកខ្លះទៀតក៏សាច់ញាត្តិមកទទួលបណ្តើរៗផងដែរ ។ ប៉ុន្តែក៏មានអ្នកខ្លះគ្មានសាច់ញាត្តិនោះទេ ។
លោកបន្តក្នុងរយៈពេល១៥ឆ្នាំ អង្កការទទួលបានពលរដ្ឋខ្មែរដែលត្រូវបរទេសបញ្ជូនមកខ្មែរវិញមានចំនួនជាង៦៣០នាក់ ប៉ុន្តែក្នុងការបញ្ជូនមកនោះមិនមែនករណីច្រើនដូចឆ្នាំ២០១៨ នេះទេ គឺមានចំនួន៤៣នាក់ ក្នុងនោះមានស្រី១៦នាក់ ។
លោកក៏បានឲ្យដឹងថា ខាងអង្កការរបស់លោកបានធ្វើការណែនាំដល់ពលរដ្ឋខ្មែរដែលបញ្ជូនមកនេះពីវប្បធម៌ខ្មែរ និងជួយរកការងារឲ្យធ្វើផ្ទះស្នាក់នៅបណ្តោះអាសន្ន និងជួបធ្វើការបំពេញបែបបទ ដើម្បីធ្វើអត្តសញ្ញាណបនជាតិខ្មែរ ហើយអ្នកដែលគ្មានសាច់ញាត្តិពេលឈើវិញ អង្កការក៏បានជួលបញ្ជូនទៅក្រសួងសុខាភិបាល ក្នុងការទទួលបានថ្នាំក៏មាន ។
លោក តាន់ សូនិចក៏បានលើកឡើងថា ពលរដ្ឋខ្មែរដែលបញ្ជូនមកហើយ មិនទាន់មានសាច់ញាត្តិមកយក ឬគ្មានសាច់ញាត្តិអង្កការបានផ្តល់ផ្ទះ ស្នាក់នៅបណ្តោះអាសន្ន និងធ្វើការបង្ហាត់បង្រៀន និងជួយរកការងារឲ្យធ្វើ ដើម្បីចិញ្ចឹមខ្លួន ។
លោកគូសបញ្ជាក់ថា«ត្រឹមថ្ងៃនេះចេញអស់២១នាក់ ហើយនៅសល់២២នាក់ ហើយក៏នឹងចេញថ្ងៃនេះ និងថ្ងៃស្អែកជាបន្តបន្ទាប់ ហើយប្រសិនបើអ្នកណាមិនទាន់បងប្អូនឃើញអង្កការនឹងជួយរកប្អូន ហើយបើអត់មានបងប្អូនយើងជួយគាត់ស្នាក់ នៅបណ្តោះអាសន្ន និងម្ហូបអាហារជាដើម» ។
ទាក់ទិននឹងអ្នកដែលត្រូវបានបញ្ជូនមកខ្មែរនេះ ត្រូវបានលោកនាយកអង្កការឲ្យដឹងថា អ្នកទាំងនោះបានប្រព្រឹត្តបទល្មើស ទាំងបទល្មើសឧក្រិដ្ឋ និងមជ្ឈិម និងអ្នកខ្លះបានអនុវត្តទោសរួ ចហើយ តែគេនៅតែបញ្ជូនមក ។ អ្នកទាំងនោះភាគីច្រើនជាមនុស្សចាស់ គឺចាប់ពីអាយុជាង ៣០ឆ្នាំឡើងទៅ ។ អ្នកទាំងនោះសុទ្ធតែអ្នកបានប្រឹព្រិត្តបទល្មើសដូចជា ប្រើប្រាស់កញ្ឆារ ដែលជាសារធាតុញៀន និងបទល្មើសផ្សេងទៀត ។
បើតាមលោកនាយកប្រតិបត្តិការអង្កការបានឲ្យដឹងពលរដ្ឋខ្មែរ ដែលមិនមានសាច់ញ្ញាត្តិនោះអង្កការបានជួយអប់រំអំពីវប្បធម៌ខ្មែរដូចជា ការនិយាយស្តីការហូបចុក ការស្លៀកពាក់ជាដើម ។ ជាងនេះក្នុងរយៈពេល១៥ឆ្នាំកន្លងមក អ្នកដែលត្រូវបានអង្កការជួយនោះអង្កការក៏បានបញ្ជូនទៅធ្វើការសម្ភាសន៍ឲ្យចូលធ្វើគ្រូបង្រៀនផ្នែកភាសាមានជាង១០០នាក់ អ្នកខ្លះទៀតក៏រត់តុតុ និងអ្នកខ្លះទៀតក៏បានធ្វើការនៅតាមក្រុមហ៊ុននានា ។
ក្នុងវ័យប្រមាណជាង៤០ឆ្នាំ ពលរដ្ឋខ្មែរម្នាក់ក្នុងចំណោមអ្នកផ្សេងទៀតដែលត្រូវបានអាមេរិកបញ្ជូនមកនោះបានផ្តល់បទសម្ភាសន៍បាននិយាយថា លោកបានទៅរស់នៅសហអាមេរិក តាំងពីឆ្នាំ១៩៨៨ ហើយមិនទាន់មានគ្រួសារនោះទេ ។ យ៉ាងណាក្តីទោះបីជាអ្នកសារព័ត៌មានចង់ដឹងពីជីវប្រវត្តិនោះ គាត់មិនបានប្រាប់នោះទេ ដោយមានការលាក់លាមយ៉ាងខ្លាំង ។ បុរសរូបនេះបានឆ្លើយនឹងសំណួរជាមួយអ្នកសារព័ត៌មានយ៉ាងខ្លី គឺមិនចង់និយាយអ្វីទាំងអស់ ។
លោក Arend Zwartjes អ្នកនាំពាក្យ និងមន្ត្រីទទួលបន្ទុកកិច្ចការសាធារណៈនៃស្ថានទូតអាមេរិកប្រចាំនៅព្រះរាជាណាចក្រកម្ពុជាបានបញ្ជាក់ថា ពលរដ្ឋខ្មែរសញ្ជាតិអាមេរិកចំនួន៤៣នាក់ ត្រូវបានបញ្ជូនមកដល់កម្ពុជានៅថ្ងៃទី០៥ ខែមេសា ឆ្នាំ២០១៩នេះពិតមែន តែលោកថា មិន ច្បាស់ទេថា មានស្ត្រីចំនួនប៉ុន្មាននាក់នៅឡើយទេ ។
លោកបានថ្លែងថា ៖ ខ្ញុំបានដឹងថាមានពលរដ្ឋខ្មែរសញ្ជាតិអាមេរិក៤៣នាក់ មានត្រូវបានបញ្ជូនមកដល់កម្ពុជាពិតមែន ។ តែខ្ញុំមិនច្បាស់ទេថា មានស្ត្រីចំនួនប៉ុន្មាននាក់ ។ លោកថា ពលរដ្ឋខ្មែរសញ្ជាតិអាមេរិកទាំង៤៣នាក់ ត្រូវបានក្រសួងសន្តិជាតិអាមេរិក (US Department of Homeland Security ) ត្រឡប់មកប្រទេសកម្ពុជាវិញ ។ នេះបើតាមសារដែលកោះសន្តិភាពទទួលជាភាសាអង់គ្លេសប្រែក្រៅផ្លូវការ ។
លោកបានបញ្ជាក់សារអេឡិចត្រូនិចបន្តថា ពលរដ្ឋទាំងនោះជាប្រធានបទមួយត្រូវបានសម្រេច បញ្ជូនចេញដោយគោរពតាមច្បាប់ អន្តោប្រវេសន្តដែលសម្រេចដោយដីកាចៅក្រមអាមេរិកបញ្ជាឲ្យបញ្ជូនចេញ ។
លោកបានបញ្ជាក់ថា យើងសូមកោតសសើរដល់រដ្ឋាភិបាលកម្ពុជានៃកិច្ចសហប្រតិបត្តិការក្នុងការទទួលយកអ្នកដែលបានបញ្ជូនមកវិញ និងការស្ម័គ្រចិត្តទទួលយកដែលវា គឺជាកាតព្វកិច្ចដោយមិនមានអ្នកបង្ខំក្រោមច្បាប់អន្តរជាតិ ដើម្បីទទួលយកពលរដ្ឋរបស់ខ្លួនដែលបានត្រឡប់មកវិញ ចំពោះអ្នកគ្មានសិទ្ធិរស់នៅអាមេរិក ។ នៅពេលសួរសំណួរថា តើពលរដ្ឋទាំងនោះបានបញ្ជូនមកពីរដ្ឋណាខ្លួននៃសហរដ្ឋអាមេរិក ហើយអ្នកទាំងនោះបានធ្វើអ្វីខុសច្បាប់អាមេរិកបានជាគេត្រូវបានបញ្ជូនមកកាន់ស្រុកខ្មែរវិញ ? លោកអ្នកនាំពាក្យបដិសេធន៍ក្នុងការឆ្លើយនឹងសំណួរទាំងនេះ ហើយបានច្រានសំណួរតាមទំនាក់សារអេឡិចត្រូនិចឲ្យទៅសួរក្រសួងសន្តិមាតុភូមិអាមេរិក (Department of Homeland Security) វិញ ។
លោកខៀវ សុភ៌គ អ្នកនាំពាក្យក្រសួងមហាផ្ទៃបានឲ្យដឹងថា រដ្ឋាភិបាលកម្ពុជាបានយល់ព្រមទទួលពលរដ្ឋខ្មែរសញ្ជតិអាមេរិកគោរពតាមគោលការណ៍ដែលកម្ពុជាបានចុះហត្ថលេខាជាមួយអាមេរិកនាពេលកន្លងមក ។
លោកថា កម្ពុជានៅតែប្រកាន់ជំហរបស់ខ្លួនក្នុងការទទួលពលរដ្ឋអាមេរិកដើមកំណើតខ្មែរ ទោះបីពីមុននេះអាមេរិកបានរឹតបន្តឹងទិដ្ឋាការសម្រាប់មន្ត្រីជាន់ខ្ពស់ក្រសួងការបរទេសក្តី ។
លោកបានលើកឡើងថា យើងចាំមើលពីជំហររបស់អាមេរិកឡើយវិញមើលថា តើគេត្រូវលុបចោលការរឹតបន្តឹងទិដ្ឋាការចំពោះមន្ត្រីការបរទេសយើងទៀតទេ នៅពេលយើងទទួលយកពលរដ្ឋអាមេរិកដើមកំណើតខ្មែរដូចនេះមកវិញនោះ ។
លោកថា កម្ពុជាចង់មានទំនាក់ទំនងល្អជាមួយអាមេរិក ហើយគ្រាន់តែលោកថា មិនដឹងថាមានពលរដ្ឋអាមេរិកដើមកំណើតខ្មែរប៉ុន្មានត្រូវបានបញ្ជូនមកនៅពេលនេះ ។
សូមជម្រាបថា កាលពីថ្ងៃទី០៥ ខែមេសា ឆ្នាំ២០១៨ កន្លងមកនេះពលរដ្ឋខ្មែរអាមេរិកកាំង ចំនួន៤៣នាក់ បានបញ្ជូនរស់នៅកម្ពុជាវិញក្នុងនោះមានស្រីចំនួន១៦នាក់ ។ អ្នកទាំងនេះត្រូវបានអង្កការគាំពារពលរដ្ឋខ្មែរ គ្មានទីពឹងជាអ្នកទទួលយក ដើម្បីធ្វើការអប់រំ និងស្វែងរកសាច់ ញាត្តិ ៕
ចែករំលែកព័តមាននេះ