រាជធានីភ្នំពេញ ៖ យុវជនវ័យម្នាក់ ត្រូវបានកម្លាំងកងរាជអាវុធហត្ថខណ្ឌច្បារអំពៅ ធ្វើការឃាត់ខ្លួននៅចំណុចផ្ទះគ្មានលេខមួយកន្លែង ត្រង់ចំណុចភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ កាលពី
វេលាម៉ោង៨ និង៣០នាទីព្រឹកថ្ងៃទី០៣ មេសា ពាក់ព័ន្ធការបង្ហោះលក់ថ្នាំញៀននៅលើបណ្តាញសង្គម
ហ្វេសបុក ។ យុវជនរូបនេះឈ្មេាះ លីម លីហេង ហៅអាខ្មៅ អាយុ១៧ឆ្នាំ ស្នាក់នៅចំណុចឃាត់ខ្លួន ។
មន្ត្រីអាវុធហត្ថឱ្យដឹងថា កាលពីវេលាម៉ោង០៩ និង២៥នាទីយប់ថ្ងៃទី០២ មេសា ជននេះបានបង្ហោះដោយសរសេរជាលាយល័ក្ខអក្សរ រួមជាមួយរូបភាពថ្នាំញៀននៅលើគណនេយ្យហេ្វសបុកផ្ទាល់ខ្លួនរបស់គេថា
«ខ្ញំុមានលក់ទឹកកក នៅច្បារអំពៅ ទីតាំងផ្ទះបងរុំ» ។ ក្រោយការបង្ហោះរួច នៅវេលាព្រឹកថ្ងៃខាងលើ ក៏កម្លាំងជំនាញផ្នែកគ្រឿងញៀននៃមូលដ្ឋានអាវុធហត្ថខណ្ឌច្បារអំពៅ បានចុះទៅស្រាវជ្រាវរហូតឃាត់ខ្លួនបាននៅផ្ទះរូបគេតែម្តង ។
សូមបញ្ជាក់ថា ក្នុងការឃាត់ខ្លួន កម្លាំងជំនាញ ពំុមានរកឃើញវត្ថុតាងគ្រឿងញៀនឡើយ ។ យ៉ាងណាមិញ បច្ចុប្បន្ន យុវជនដដែលត្រូវបានបញ្ចូនទៅកាន់ការិយាល័យប្រឆាំងបទល្មើសគ្រឿងញៀន នៃទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីសាកសួរនាំបន្ថែម។
ចែករំលែកព័តមាននេះ