បង់ក្លាដេស ៖ តាមប្រភពព័ត៌មាន Metro បានឲ្យដឹងថា ក្មេងស្រីជំទង់អាយុ១៦ឆ្នាំម្នាក់ ត្រូវបានចាប់ខ្លួន ក្រោយពេលជះទឹកអាស៊ីតទៅលើមនុស្សដែលខ្លួនស្រលាញ់។ ជនរងគ្រោះជាក្មេងប្រុសអាយុ១៧ឆ្នាំ ឈ្មោះ…
បង់ក្លាដេស ៖ តាមប្រភពព័ត៌មាន Metro បានឲ្យដឹងថា ក្មេងស្រីជំទង់អាយុ១៦ឆ្នាំម្នាក់ ត្រូវបានចាប់ខ្លួន ក្រោយពេលជះទឹកអាស៊ីតទៅលើមនុស្សដែលខ្លួនស្រលាញ់។
ជនរងគ្រោះជាក្មេងប្រុសអាយុ១៧ឆ្នាំ ឈ្មោះ Mahmudul Hasan Maruf រស់នៅទីក្រុង Dhaka ប្រទេសបង់ក្លាដេស។ តាមការរាយការណ៍បានឲ្យដឹងថា Mahmudul ទទួលរងទឹកអាស៊ីតនៅពេលឈ្លោះគ្នាជាមួយនឹងមនុស្សស្រីម្នាក់ ដែលចេះតែតាមញ៉ែរូបគេមិនចេះចប់មិនចេះហើយ ទោះបីជាខំបដិសេធយ៉ាងណាក៏ដោយ។ ខាងស្រីម្នាក់នោះ តាមអូសក្រឡា Mahmudul ជាច្រើនខែ ហើយតែងតែខឹងនឹងរូបគេ ពេលទទួលបានការបដិសេធ។ នៅយប់ថ្ងៃកើតហេតុ ជនរងគ្រោះកំពុងដើរតម្រង់មកផ្ទះ ក្រោយពេលជប់លៀងជាមួយនឹងមិត្តភក្តិ។ រូបគេក៏បានជួបនឹងស្រីជាជនល្មើស។ នាងបានឈ្លោះគ្នាជាមួយនឹង Mahmudul ហើយក៏យកទឹកអាស៊ីតជះលើមុខក្នុងគោលបំណង «បើជ្រុលជាស្រលាញ់មិនបានហើយ បំផ្លាញចោលតែម្តងទៅ»។
នៅថ្ងៃបន្ទាប់ពីកើតហេតុមួយថ្ងៃ នាង និងម្តាយបង្កើតត្រូវបានចាប់ខ្លួន។ ចំណែកឯ Mahmadul ត្រូវបានគេបញ្ជូនទៅមន្ទីរពេទ្យសម្រាកព្យាបាល។ គ្រូពេទ្យប្រាប់ថា ស្នាមរបួសដោយទឹកអាស៊ីតនេះនឹងមិនបាត់នោះទេ។ គេត្រូវរស់នៅជាមួយនឹងស្នាមនេះអស់មួយជីវិត៕
ចែករំលែកព័តមាននេះ