ប្រទេសចិន-សហរដ្ឋអាមេរិក ៖ ក្រសួងពាណិជ្ជកម្មចិនប្រកាសនាថ្ងៃទី២ មេសា ពីបណ្តាវិធានការតបតវិញប្រឆាំងការនាំចូលរបស់អាមេរិក ដោយយកពន្ធគយលើផលិតផលអាមេរិក១២៨មុខ ដែលមានទឹកប្រាក់ប្រមាណជា៣ពាន់លានដុល្លារ ក្រោយពីអាមេរិកប្រកាសយកពន្ធលើការនាំចូលដែកថែប និងអាលុយមីនីញ៉ូម ។…
ប្រទេសចិន-សហរដ្ឋអាមេរិក ៖ ក្រសួងពាណិជ្ជកម្មចិនប្រកាសនាថ្ងៃទី២ មេសា ពីបណ្តាវិធានការតបតវិញប្រឆាំងការនាំចូលរបស់អាមេរិក ដោយយកពន្ធគយលើផលិតផលអាមេរិក១២៨មុខ ដែលមានទឹកប្រាក់ប្រមាណជា៣ពាន់លានដុល្លារ ក្រោយពីអាមេរិកប្រកាសយកពន្ធលើការនាំចូលដែកថែប និងអាលុយមីនីញ៉ូម ។
តាមក្រសួងពាណិជ្ជកម្មចិនថា ចាប់ពីថ្ងៃទី២ មេសា ទៅចិនបញ្ចូលការយកពន្ធគយ ចាប់ពី១៥%ទៅ២៥%លើផលិតផលអាមេរិក១២៨មុខ ជាប្រតិកម្មតបចំពោះទណ្ឌកម្មពាណិជ្ជកម្មប្រកាសដោយក្រុងវ៉ាស៊ីនតោន ។
ក្នុងសេចក្តីប្រកាសមួយក្រសួងនេះគូសបញ្ជាក់ថា ដើម្បីការពារបណ្តាផលប្រយោជន៍របស់ខ្លួន និងដើម្បីប៉ះប៉ូវការខាតបង់ទាំងឡាយមកពីបណ្តាវិធានការអាមេរិក ចិនបញ្ឈប់ចាប់ពីថ្ងៃទី២ មេសា ទៅកាត់បន្ថយពន្ធគយលើផលិតផលនាំចូលអាមេរិក១២៨មុខ ។ សម្រាប់ផលិតផល១២០មុខ ក្នុងនោះរួមមានផ្លែឈើ ពន្ធគយនឹងកំណត់យក១៥% ហើយសម្រាប់ទំនិញ៨មុខ ក្នុងនោះមានសាច់ជ្រូកពន្ធគយកំណត់យក២៥%។
ប្រធានាធិបតីអាមេរិក លោកដូណាល់ ត្រាំ ធ្លាប់ប្រកាសកាលពីថ្ងៃទី២២ មីនា ថា អាមេ
រិកនឹងដាក់ពន្ធថ្មីមានទឹកប្រាក់ប្រមាណជា៦០ពាន់លានដុល្លារការនាំចូលរបស់ចិន ជាការប្រកាសនាំឱ្យរញ្ជួយដល់ទីផ្សារហិរញ្ញវត្ថុ ។ បន្ទាប់ពីនេះចិនបានឆ្លើយតបវិញ ដោយបង្ហាញបញ្ជីផលិតផលអាមេរិក១២៨មុខ ដែលត្រូវយកពន្ធចាប់ពី១៥%ទៅ២៥% ក្នុងករណីបរាជ័យនៃការចរចារវាងប្រទេសទាំង២ ៕
ចែករំលែកព័តមាននេះ