រាជធានីភ្នំពេញ ៖ មានការភ្ញាក់ផ្អើលមួយ កាលពីវេលាម៉ោង៦យប់ថ្ងៃទី២៣ មីនា ស្ថិតក្នុងបន្ទប់ជួលមួយកន្លែង ដោយបុរសម្នាក់បានចាប់នាងជាសង្សារចងដៃចងជើង ហើយចាក់សោឃុំចោលនៅក្នុងបន្ទប់។ ក្រោយមក នារីជាសង្សារ…
រាជធានីភ្នំពេញ ៖ មានការភ្ញាក់ផ្អើលមួយ កាលពីវេលាម៉ោង៦យប់ថ្ងៃទី២៣ មីនា ស្ថិតក្នុងបន្ទប់ជួលមួយកន្លែង ដោយបុរសម្នាក់បានចាប់នាងជាសង្សារចងដៃចងជើង ហើយចាក់សោឃុំចោលនៅក្នុងបន្ទប់។ ក្រោយមក នារីជាសង្សារ ត្រូវបាន អ្នកជិតខាងរាយការណ៍ប្រាប់ទៅសមត្ថកិច្ច ដើម្បីចុះមកអន្តរាគមន៍ និងជួយសង្គ្រោះនាង ។ បុរសជាសង្សាររូបនេះ ឈ្មោះ អឹក សំអាង អាយុ៣០ឆ្នាំ ជាបុគ្គលិកសាលាពេទ្យភូមិក្រាំងដូនទៃ រស់នៅភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។ រីឯនារីរងគ្រោះ ជាបុគ្គលិកក្រុមហ៊ុនម្នាក់ ។
បើតាមនារីរងគ្រោះបានឱ្យសមត្ថកិច្ចដឹងថា រូបនាងនិងបុរសដែលឃុំនាងនោះ គឺជាសង្សារនឹងគ្នា មានទំនាក់ទំនងតាំងពីខែវិច្ឆិកា ២០១៧មក ហើយចាប់ផ្ដើមរស់នៅជាមួយគ្នាក្នុងអំឡុងខែមករា ២០១៨ រហូតមកទល់ពេលនេះ ។ នាងបញ្ជាក់ថា រូបនាងធ្លាប់មានគូដណ្ដឹងម្ដងរួចមកហើយ ហើយបានជ្រុលជ្រួស មានកូនជាមួយគ្នា តែត្រូវយកចេញ ។ ក្រោយមក ក៏មានបញ្ហាជាមួយគូដណ្ដឹងក៏បានបែកផ្លូវគ្នា ។ ខណៈដែលបានជួបបុរសក្រោយនេះ ដែលជាសង្សារខ្លួននេះ នាងបានរៀបរាប់ពីដំណើរជីវិតស្នេហាជាមួយគ្នាដណ្ដឹងនោះ ប្រាប់ទៅបុរសជាសង្សារនេះថា ជីវិតនាងបែបហ្នឹង តើទទួលបានឬទេ? ចំណែកបុរសជាសង្សារនេះ មិនមានការអាក់អន់ស្រពន់ចិត្តអីទេ ហើយបានទទួលនាងព្រមរួមរស់ស្មោះស្មគ្រ័គ្នា ជាគូសង្សាររហូតដល់បច្ចុប្បន្ន។
លុះមកដល់ថ្ងៃកើតហេតុ ស្រាប់តែកើតមានជម្លោះគ្នា ដោយបុរសសង្សារចង់បានកូន តែនាងប្រាប់ថា កាលនាងយកកូនចេញកាលពីលើកមុន គ្រូពេទ្យប្រាប់ថា នាងមិនអាចមានកូនទៀតឡើយ ទើបបង្កជាជម្លោះវាយដំគ្នាតិចតួចនិងបុរសដែលជាសង្សារនេះតែម្តង ដោយគេយកបំពង់ទឹកក្ដៅវាយទៅលើក្បាលនាង។ បន្ទាប់មក បុរសជាសង្សារបានយកក្រមាចង់ដៃនាងទៅក្រោយ និងចងជើង ហើយបុរសនោះបានចេញទៅក្រៅបាត់ទៅ ប៉ុន្តែក្រោយមក បុរសជាសង្សារនោះ ត្រូវសមត្ថកិច្ចឃាត់បាន ។
ចែករំលែកព័តមាននេះ