រាជធានីភ្នំពេញ ៖ សេចក្តីរាយការណ៍បន្តថា គិតត្រឹមម៉ោង០៩ និង៣០នាទីព្រឹកថ្ងៃទី១៩ មីនា នេះ ជនសង្ស័យជាឃាតករ ត្រូវបានកម្លាំងនគរបាលនាំមកដល់ទីតាំងផ្ទះជួល(កន្លែងកើតហេតុសម្លាប់) ស្ថិតក្នុងភូមិដីថ្មី…
រាជធានីភ្នំពេញ ៖ សេចក្តីរាយការណ៍បន្តថា គិតត្រឹមម៉ោង០៩ និង៣០នាទីព្រឹកថ្ងៃទី១៩ មីនា នេះ ជនសង្ស័យជាឃាតករ ត្រូវបានកម្លាំងនគរបាលនាំមកដល់ទីតាំងផ្ទះជួល(កន្លែងកើតហេតុសម្លាប់) ស្ថិតក្នុងភូមិដីថ្មី សង្កាត់ភ្នំពេញថ្មី ខណ្ឌសែនសុខ ដែលជាកន្លែងជននេះ បានធ្វើសកម្មភាពសម្លាប់នារីរងគ្រោះយ៉ាងព្រៃផ្សៃបំផុតរួចទើបយកសពដាក់ក្នុងធុងទឹកកកទម្លាក់ចោលនៅជិតស្ពានព្រែកតាម៉ាក់ ។ ទន្ទឹមនឹងនោះ កម្លាំងនគរបាលក៏បានចុះស្វែងរកវត្ថុតាងដូចជាខ្សែភ្លើង និងកំប៉ុងស្ព្រាយ ដែលជននេះប្រើសម្លាប់នារីរងគ្រោះ។
គួររំលឹកថា ព្រឹកថ្ងៃទី១៩ មីនា ជនសង្ស័យជាឃាតករកាប់សម្លាប់នារីម្នាក់យកសពដាក់ក្នុងធុងទឹកកក នឹងត្រូវនាំមកធ្វើត្រាប់ពីសកម្មភាពរបស់ខ្លួននៅចំណុចផ្ទះជួល (កន្លែងកើតហេតុ) ដែលជាកន្លែងឆក់ និងសម្លាប់នាង ស្ថិតក្នុងភូមិដីថ្មី សង្កាត់ភ្នំពេញ ខណ្ឌសែនសុខ ដែលការនាំខ្លួនជនសង្ស័យ គឺកម្លាំងនគរបាលខេត្តកណ្តាល សហការនគរបាលព្រហ្មទណ្ឌកម្រិតធ្ងន់ក្រសួងមហាផ្ទៃ ។
ជនសង្ស័យឈ្មោះ សឿង សុខផេង អាយុ៣១ឆ្នាំ ស្នាក់នៅផ្ទះជួលក្នុងភូមិថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ បើតាមមន្ត្រីនគរបាលព្រហ្មទណ្ឌបានឱ្យដឹងពីចម្លើយជនសង្ស័យជំហានដំបូងថា ករណីខាងលើនេះ ជាអំពើសម្លាប់ប្លន់យកទ្រព្យសម្បត្តិរបស់ជនរងគ្រោះ ។
ព័ត៌មានលម្អិតនឹងមានផ្សាយជូនបន្តទៀត ។
គួររំលឹកថា ៖
ចាំមើល៍សកម្មភាពជនជាឃាតករធ្វើត្រាប់ថាព្រៃ.ផ្សៃបែបណា នាបន្តិចទៀតនេះ
ចែករំលែកព័តមាននេះ