ខេត្តសៀមរាប ៖ នៅវេលាម៉ោង១០និង៥០នាទី ថ្ងៃទី០៩ ខែមីនា ឆ្នាំ២០១៨ កម្លាំងការិយាល័យប្រឆាំងគ្រឿងញៀនខេត្តបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគមចុះបង្ក្រាបករណីចាត់ចែងឱ្យប្រើប្រាស់ដោយខុសច្បាប់នូវសារធាតុញៀនស្ថិតនៅភូមិតាច្រនៀង ឃុំកំពង់ឃ្លាំង ស្រុកសូទ្រនិគម ខេត្តសៀមរាប…
ខេត្តសៀមរាប ៖ នៅវេលាម៉ោង១០និង៥០នាទី ថ្ងៃទី០៩ ខែមីនា ឆ្នាំ២០១៨ កម្លាំងការិយាល័យប្រឆាំងគ្រឿងញៀនខេត្តបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគមចុះបង្ក្រាបករណីចាត់ចែងឱ្យប្រើប្រាស់ដោយខុសច្បាប់នូវសារធាតុញៀនស្ថិតនៅភូមិតាច្រនៀង ឃុំកំពង់ឃ្លាំង ស្រុកសូទ្រនិគម ខេត្តសៀមរាប ឈានដល់ធ្វើការឃាត់ខ្លួនបានជនជាតិយួនម្នាក់ ខណៈដែលលួចដាក់ថ្នាំញៀនក្នុងក្បាលមេក្រូហ្វូន រួចនាំយកធ្វើការសួរនាំនៅការិយាល័យជំនាញដើម្បីរៀបចំកសាងសំណុំរឿងបញ្ជូនបន្តទៅតុលាការខេត្ត ។
ជនសង្ស័យមានឈ្មោះ ង្វៀង យ៉ាំងទៀង ភេទប្រុស អាយុ២៦ឆ្នាំ ជនជាតិវៀតណាម មុខរបរជាងជួសជុលម៉ាស៊ីនត្រជាក់ មានទីលំនៅស្នាក់នៅឃុំកំពង់ឃ្លាំង ស្រុកសូទ្រនិគម ខេត្តសៀមរាប (ចាត់ចែងគ្មានសារធាតុញៀនក្នុងខ្លួន) ។ បន្ទាប់ពីឃាត់ខ្លួនកម្លាំងជំនាញបានធ្វើការដកហូតបានវត្ថុតាងរួមមានម្សៅមេតំហ្វេតាមីនប្រភេទទឹកកកចំនួន០១កញ្ចប់ ស្មើនឹងទំងន់០,២ក្រាមទាំងសំបក និងទូរស័ព្ទដៃ០១គ្រឿង ។ បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញរៀបចំកសាងសំណុំរឿងបញ្ចូនទៅសាលាដំបូងដើម្បីចាត់ការតាមនីតិវិធី ៕
ចែករំលែកព័តមាននេះ