ខេត្តបន្ទាយមានជ័យ ៖ ដើរបាញ់កណ្តុរមានគ្នាបីនាក់ នៅពេលយប់ដើរទាក់ខ្សែលួសឆក់កណ្តុរ បណ្តាលឲ្យស្លាប់ភ្លាមៗម្នាក់ ដែលកើតឡើងកាលពីថ្ងៃទី០៦ ខែមីនា ឆ្នាំ២០១៨ នៅចំណុចវាលភូមិ-ឃុំរហាលស្រុកព្រះនេត្រព្រះ ។…
ខេត្តបន្ទាយមានជ័យ ៖ ដើរបាញ់កណ្តុរមានគ្នាបីនាក់ នៅពេលយប់ដើរទាក់ខ្សែលួសឆក់កណ្តុរ បណ្តាលឲ្យស្លាប់ភ្លាមៗម្នាក់ ដែលកើតឡើងកាលពីថ្ងៃទី០៦ ខែមីនា ឆ្នាំ២០១៨ នៅចំណុចវាលភូមិ-ឃុំរហាលស្រុកព្រះនេត្រព្រះ ។
មន្ត្រីនគរបាលស្រុកព្រះនេត្រព្រះបានប្រាប់ថា ជនរងគ្រោះដែលត្រូវខ្សែលួសឆក់កណ្តុរឆក់ស្លាប់ឈ្មោះ ប៉ាល់ បូរ៉ុង ភេទប្រុស អាយុ១៧ឆ្នាំ រស់នៅភូមិបន្ទាត់បោះ ឃុំទានកាំ ស្រុកព្រះនេត្រព្រះ ។
តាមសំដីសាច់ញាតិបានប្រាប់ថា ជនរងគ្រោះដើរបាញ់កណ្តុររាល់យប់ឲ្យសាច់ញាតិលក់ ហើយនៅថ្ងៃជួបគ្រោះថ្នាក់កើតឡើង គឺទៅជាមួយអ្នកភូមិជិតខាង៣នាក់ ពេលដើរបាញ់កណ្តុរពេលយប់បានដើរទាក់ខ្សែលួស ដែលកំពុងដាក់ឆក់កណ្តុរស៊ីស្រូវ បណ្តាលឲ្យដួលស្លាប់ភ្លាមៗជាប់នឹងខ្សែលួស ។
ក្រោយពេលឆក់ដែលជាប់ខ្សែរលួសឆក់កណ្តុរហើយអ្នកទៅជាមួយបានជួយដោះ ហើយតែជួយមិនទាន់ បណ្តាលស្លាប់ជនរងគ្រោះនៅនិងកន្លែង ។
មន្ត្រីនគរបាលរូបនោះបានបញ្ជាក់ថា ក្រោយពេលដែលជនរងគ្រោះត្រូវបានខ្សែលួសឆក់កណ្តុរ បណ្តាលឆក់ស្លាប់ត្រូវបានធ្វើការត្រួតពិនិត្យ ហើយប្រគល់ឲ្យសាច់ញាតិធ្វើបុណ្យតាមប្រពៃណី ។
គួររំលឹកថា ករណីជនរងគ្រោះដែលស្លាប់ដោយខ្សែលួសឆក់កណ្តុរស៊ីស្រូវ បណ្តាលឲ្យស្លាប់នៅក្នុងខេត្តបន្ទាយមានជ័យមានច្រើនករណីមកហើយ ហើយមានករណីខ្លះត្រូវបានក្រុមគ្រួសារប្តឹងម្ចាស់ស្រែ ដែលដាក់ រាយខ្សែលួសឆក់កណ្តុរការពារស៊ីស្រូវ ដែលបណ្តាលឲ្យស្លាប់នោះបានប្តឹងទៅតុលាការក៏មានដែរ ៕
ចែករំលែកព័តមាននេះ