រាជធានីភ្នំពេញ ៖ បុរសម្នាក់ជាអតីតកងកាយរិទ្ធ នៅវិទ្យាល័យ ឥន្ត្រទេវី បានជិះម៉ូតូមួយគ្រឿងចេញពីផឹកស៊ីនៅផ្ទះមិត្តភក្តិក្នុងល្បឿនលឿនពេកមកដល់ចំណុចផ្លូវកោងជ្រុលទៅបុកដើមលុយ និងរបងផ្ទះប្រជាពលរដ្ឋបណ្តាលឱ្យបាក់.កស្លាប់យ៉ាងអាណោចអាធម៌ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១០និង១០នាទីយប់ ថ្ងៃទី០៧ ខែមីនា…
រាជធានីភ្នំពេញ ៖ បុរសម្នាក់ជាអតីតកងកាយរិទ្ធ នៅវិទ្យាល័យ ឥន្ត្រទេវី បានជិះម៉ូតូមួយគ្រឿងចេញពីផឹកស៊ីនៅផ្ទះមិត្តភក្តិក្នុងល្បឿនលឿនពេកមកដល់ចំណុចផ្លូវកោងជ្រុលទៅបុកដើមលុយ និងរបងផ្ទះប្រជាពលរដ្ឋបណ្តាលឱ្យបាក់.កស្លាប់យ៉ាងអាណោចអាធម៌ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១០និង១០នាទីយប់ ថ្ងៃទី០៧ ខែមីនា ឆ្នាំ២០១៨ ត្រង់ចំណុចខាងលិចវិទ្យាល័យ ឥន្ត្រទេវី ប្រមាណ៣០ម៉ែត្រ តាមបណ្តោយផ្លូវ២៣៧ ស្ថិតក្នុងសង្កាត់បឹងកក់ទី២ ខណ្ឌទួលគោក ។
សពជនរងគ្រោះត្រូវបានគេស្គាល់ថា ជាអតីតកងកាយរិទ្ធនៅវិទ្យាល័យ ឥន្ត្រទេវី មានឈ្មោះ ខែប រស្មី ភេទប្រុស អាយុ២៣ឆ្នាំ សព្វថ្ងៃជាបុគ្គលិកនៅរោងកុនមួយកន្លែង ស្នាក់នៅភូមិទួលគោក សង្កាត់ទួលសង្កែ ខណ្ឌឬស្សីកែវ មានស្រុកកំណើតនៅភូមិញ៉ែងញ៉ង ស្រុកតាំកក់ ខេត្តតាកែវ ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគេឃើញបុរសរងគ្រោះខាងលើជិះម៉ូតូមួយគ្រឿងម៉ាកហុងដាGB ពណ៌កណ្តុរប្រមេះ ពាក់ផ្លាកលេខ ភ្នំពេញ ១DC-៤០១១ ធ្វើដំណើរតាមបណ្តោយផ្លូវ៣២៧ ក្នុងទិសដៅពីលិចទៅកើត និងក្នុងល្បឿនយ៉ាងលឿន ។ លុះមកដល់ចំណុចកើតហេតុដែលជាផ្លូវកោងស្រាប់តែម៉ូតូរងគ្រោះបត់មិនទាន់ជ្រុលចង្កូតឡើងទៅលើខឿនបណ្តាលឲ្យបុរសរងគ្រោះបោកក្បាលទៅនឹងដើមលុយស្លាប់ភ្លាមៗយ៉ាងអាណោចអាធម៌ រីឯម៉ូតូជ្រុលទៅបុកររបងស័ង្កសីរបស់ប្រជាពលរដ្ឋដែលនៅជាប់នោះបណ្តាលឱ្យក្រពឹត ចំណែកឯម៉ូតូរងការខូចខាតបន្តិចបន្តួច ។
បើតាមសម្តីពីបុរសម្នាក់ដែលជាសន្តិសុខនៅវិទ្យាល័យ ឥន្ត្រទេវី និងជាអ្នកស្គាល់គ្នាជាមួយនឹងបុរសរងគ្រោះបានរៀបរាប់ប្រាប់ឱ្យដឹងថា នៅមុនពេលកើតហេតុគាត់ និងបុរសរងគ្រោះបានទៅផឹកស៊ីនៅផ្ទះរបស់មិត្តភក្តិនៅម្តុំផ្សារដីហ៊ុយ មានគ្នាប្រាំនាក់ផឹកអស់ស្រាបៀរចំនួនកន្លះកេស ។ បន្ទាប់មកគាត់ និងជនរងគ្រោះក៏បានជិះម៉ូតូត្រលប់ទៅផ្ទះវិញជាមួយគ្នាដោយជិះម៉ូតូម្នាក់មួយគ្រឿង លុះមកដល់ចំណុចកើតហេតុគាត់ក៏បានជិះម៉ូតូទៅមុន ហើយមិនដឹងថា យ៉ាងម៉េចទើបបានជាបុរសខាងលើជិះម៉ូតូទៅបុករបងផ្ទះគេបណ្តាលឱ្យស្លាប់បែបនេះទេ ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ និងបានទាក់ទងទៅសមត្ថកិច្ចអោយចុះមកធ្វើការវាស់វែងយកម៉ូតូខាងលើទៅរក្សាទុកនៅអធិការដ្ឋាននគរបាលខណ្ឌទួលគោក ។ ដោយឡែកសពបុរសខាងលើត្រូវបានសមត្ថកិច្ចប្រគល់ទៅឱ្យសាច់ញាតិដឹកយកទៅតម្កល់ទុកនៅវត្តញាណរង្សីដើម្បីធ្វើបុណ្យទៅតាមប្រពៃណី ៕
ចែករំលែកព័តមាននេះ