ចោរប្លន់ចិត្តសឿង ពេលប៉ូលិសព័ទ្ធបានធ្វើឯងចង់ស្លា.ប់
- ត្បូងឃ្មុំ
ខេត្តត្បូងឃ្មុំ ៖ ជនមុខសញ្ញាជួញដូរគ្រឿងញៀនម្នាក់ឈ្មោះ ឈួនពីន ហៅយោនកាពីន ភេទប្រុស អាយុ២៩ឆ្នាំ បានធ្វើសកម្មភាពប្លន់ផ្ទះវេរលុយវីងយីហោ ស្រី ពេជ្រ…
ខេត្តត្បូងឃ្មុំ ៖ ជនមុខសញ្ញាជួញដូរគ្រឿងញៀនម្នាក់ឈ្មោះ ឈួនពីន ហៅយោនកាពីន ភេទប្រុស អាយុ២៩ឆ្នាំ បានធ្វើសកម្មភាពប្លន់ផ្ទះវេរលុយវីងយីហោ ស្រី ពេជ្រ…
ខេត្តត្បូងឃ្មុំ ៖ ជនមុខសញ្ញាជួញដូរគ្រឿងញៀនម្នាក់ឈ្មោះ ឈួនពីន ហៅយោនកាពីន ភេទប្រុស អាយុ២៩ឆ្នាំ បានធ្វើសកម្មភាពប្លន់ផ្ទះវេរលុយវីងយីហោ ស្រី ពេជ្រ នៅចំណុចផ្លូវបំបែកក្រែកក្នុងភូមិពើក ឃុំក្រែក ស្រុកពញាក្រែក វេលាម៉ោង៧និង៣០នាទីព្រឹកថ្ងៃទី៥ មីនា យកបានតែម៉ាស៊ីនATMធុនតូចមួយគ្រឿងសម្រាប់ដកលុយ ហើយបានរត់ទៅពួនសម្ងំនៅផ្ទះស្រីស្នេហ៍របស់ខ្លួន ។
លោកឧត្តមសេនីយ៍ត្រី ប្រាក់ ប៊ុនណុន ស្នងការរងនគរបាលខេត្តទទួលផែនព្រហ្មទណ្ឌប្រាប់ថានៅមុនពេលកើតហេតុ មុខសញ្ញាប្លន់ខាងលើនេះ បានជិះម៉ូតូ១គ្រឿងមកដល់ចតនៅមុខហាង ហើយដើរទៅឈរនៅអែបទូរលើកកាំភ្លើងខ្លីស្រែកសំឡុតឱ្យយកលុយឱ្យខ្លួន ។ ពេលនោះអ្នកវេរលុយគ្រាន់តែឮបែបនេះ ភ័យពេកក៏បានអោនក្បាលចុះខ្លាចចោរបាញ់ត្រូវ ។ សកម្មភាពប្លន់នេះបានកើតឡើងប្រមាណតែ២នាទីប៉ុណ្ណោះ ចោរប្លន់យកបានម៉ាស៊ីនដកលុយATMយកចេញទៅទាំងប្រញាប់ប្រញាល់ ព្រោះខ្លាចសមត្ថកិច្ចមកទាន់ ។
លោកឧត្តមសេនីយ៍ត្រីបន្តថា បន្តិចក្រោយមកសមត្ថកិច្ចគ្រប់លំដាប់ថ្នាក់បានមកដល់ និងបានបង្កឱ្យមានការភ្ញាក់ផ្អើលត្រូវបានលោកឧត្តមសេនីយ៍ទោ បែន រ័ត្ន ស្នងការនគរបាលខេត្តដាក់បទបញ្ជាឱ្យតាមប្រមាញ់ចោរប្លន់រូបនេះភ្លាម ។
តាមការស្រាវជ្រាវរបស់សមត្ថកិច្ចបានស្គាល់អត្តសញ្ញាណមុខសញ្ញាចោរប្លន់ ជាក្រុមចោរ២នាក់បានជិះម៉ូតូយកម៉ាស៊ីនATM ទៅកាន់កន្លែងវេរលុយមួយនៅត្រពាំងផ្លុង ដើម្បីដកយកលុយ តែម្ចាស់ទីតាំងនោះមិនបានដកឱ្យនោះទេ ដោយសារម៉ាស៊ីនវេរលុយមានសរសេរឈ្មោះជាកម្មសិទ្ធិរបស់ស្ត្រីជាម្ចាស់ដែលគេស្គាល់ថាចែពិដោ ដែលអ្នករកស៊ីដូចគ្នាបានស្គាល់ ។ បន្ទាប់ពីដកលុយមិនបានក៏មកសម្ងំនៅផ្ទះស្រីស្នេហ៍ម្នាក់នៅភូមិពើក ដែលមានចំងាយប្រមាណជិត២គីឡូម៉ែត្រពីកន្លែងប្លន់ ក៏សម្ងំនៅទីនោះ ដោយបានដោះដូរខោអាវចេញចៀសវាងកុំឱ្យសមត្ថកិច្ចស្គាល់ ។លោកស្នងការរងនគរបាលខេត្តបញ្ជាក់ថា ក្រោមការតាមប្រមាញ់គ្រប់ច្រកល្ហកនោះនាព្រឹកថ្ងៃដដែល ដោយមានការបំភ្លឺពីសាក្សីនោះក៏ដឹងថា មុខសញ្ញាប្លន់បានទៅផ្ទះស្រីស្នេហ៍របស់ខ្លួន ទើបសមត្ថកិច្ចបានធ្វើការឡោមព័ទ្ធពីខាងក្រៅ ។ ដោយសារតែទាល់ច្រកគ្មានផ្លូវរត់ ជនឈ្មោះពីន ជាមុខសញ្ញាប្លន់នេះបានលេបថ្នាំប៉ងធ្វើអត្តឃាត តែមិនបានសម្រេច ព្រោះពេលដែលសមត្ថកិច្ច ឡើងទៅឆែករកកាំភ្លើងលើផ្ទះ បានឃើញក៏ដឹកមកសង្រេ្គោះនៅមន្ទីរពេទ្យ ។
សូមបញ្ជាក់ថា ផ្ទះវេរលុយវីងខាងលើដែលចោរបានចូលទៅប្លន់នោះ គឺជាផ្ទះរបស់បងស្រីបង្កើតរបស់ឈ្មោះ ពីន ហើយជននេះត្រូវបានឪពុកម្តាយកាត់កាល់ចោល ដោយសារតែបំផ្លាញទ្រព្យសម្បត្តិនៅក្នុងផ្ទះអស់ជាច្រើន ហើយជននេះក៏មិនដែលចូលផ្ទះផងដែរ ។ លោកស្នងការនគរបាលខេត្តកំពុងតែឱ្យសមត្ថកិច្ច តាមប្រមាញ់បក្សពួកម្នាក់ទៀត ដែលបានយកកាំភ្លើងខ្លីទៅជាមួយនឹងកំពុងរត់គេចខ្លួន ៕
ចែករំលែកព័តមាននេះ