ប្រទេសរុស្ស៊ី ៖ ប្រភពយោធា-ការទូតរុស្ស៊ីមួយរាយការណ៍ប្រាប់ SPITNIK នាថ្ងៃទី៤ មីនា ថា ប្រព័ន្ធមីស៊ីលដ៏ទំនើប ដែលអាចហោះហើរក្នុងល្បឿនលឿនជាងសំឡេងដល់ទៅ២០ដងចាប់ពីពេលនេះទៅត្រូវបានផលិតជាខ្សែសង្វាក់រួចនាពេលបន្តិចទៀតនឹងបំពាក់ឱ្យកងទ័ពរុស្ស៊ី ។
ប្រភពនេះនិយាយថា រុស្ស៊ីជំរុញការផលិតជាខ្សែសង្វាក់ប្រព័ន្ធមីស៊ីល AVANGARD ។ ដល់ពេលដែលបណ្តាដៃគូលោកខាងលិចចាប់អារម្មណ៍ដល់ការពិតថ្មីនេះហើយ ។
ប្រព័ន្ធមីស៊ីលថ្មីនេះអាចហោះហើរកាត់បរិយាកាសក្នុងល្បឿនលឿនបំផុតដែលប្រព័ន្ធការពារអាកាសបច្ចុប្បន្នពុំអាចទប់ទល់បាន ។
កាលពីថ្ងៃទី១ មីនា ប្រធានាធិបតីរុស្ស៊ី លោកវ្ល៉ាឌីមៀរ ពូទីន បានលើកពីប្រព័ន្ធ AVANGARD ក្នុងសារប្រចាំឆ្នាំរបស់លោកមុខសភារុស្ស៊ី ។ ប្រធានាធិបតីរុស្ស៊ីក៏បង្ហាញដែរ អាវុធមហាទំនើបឯទៀតៗ ក្នុងនោះអាវុធ៣ប្រភេទនៅពុំទាន់មានឈ្មោះជាផ្លូវការនៅឡើយ ៕
ចែករំលែកព័តមាននេះ