ខេត្តកំពង់ធំ ៖ គ្រោះថ្នាក់ចរាចរ២ករណីបន្តបន្ទាប់គ្នាំ ករណីទី១.រ៉ឺម៉កបុកជាមួយគល់ឈើ បណ្ដាលឲ្យស្លាប់ម្នាក់ និងរបួសធ្ងន់ម្នាក់ បានកើឡើងកាលពីរសៀលថ្ងៃទី០១ ខែមីនា ឆ្នាំ២០១៨ នៅលើកំណាត់ផ្លវជាតិលេខ៦ ស្ថិតក្នុងភូមិជីអាប់ ឃុំចំណារក្រោម ស្រុកស្ទោង ខេត្តកំពង់ធំ ករណីគ្រោះថ្នាក់ចរាចរខាងលើនេះ បង្កឡើងដោយខ្លួនឯង ។
លោកអនុសេនីយ៍ឯក តាន់ ឆេងនឿន អធិការរងនគរបាលស្រុងស្ទោង ទទួកផ្នែកសណ្តាប់ធ្នាប់ បានឲ្យដឹងថា គ្រោះថ្នាក់ចរាចរខាងលើ បង្កឡើងដោយខ្លួនឯង ដោយម៉ូតូសណ្តោងរ៉ឺម៉ក ពណ៌ក្រហម ពាក់ផ្លាកលេខ ភ្នំពេញ ១GW-១១៧២ បើកបរនៅក្នុងទឹសដៅពីត្បូងទៅជើង ដោយឈ្មោះ និល សុធន ភេទប្រុស អាយុ៣២ឆ្នាំ នៅភូមិណូទោង ឃុំកំពង់កុង ស្រុកកោះធំ ខេត្តកណ្តាល ខណៈកំពុងតែបើកបរស្រាបតែរេចង្កូតទៅបុកដើមឈើដែលនៅក្បែរចិញ្ចើមថ្នល់ បណ្ដាលឲ្យអ្នកបើកបរស្លាប់នៅកន្លែងកើតហេតុ មានពាក់មួកសុវត្ថិភាព និងអ្នករួមដំណើរជាមួយឈ្មោះ លី តឹកឆេង ភេទប្រុស អាយុ២៩ឆ្នាំ នៅភូមិកំពង់ស្វាយ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ រងរបួសធ្ងន់ ត្រូវបានបញ្ជូនទៅសង្គ្រោះសពប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។
ករណីគ្រោះថ្នាក់ចរាចរទី២.បានកើតឡើងកាលពីវេលាម៉ោង០៧និង២០នាទីយប់ ថ្ងៃទី០១ ខែមីនា នៅលើផ្លូវជាតិលេខ០៦ ស្ថិតក្នុងភូមិថ្មី ឃុំប្រឡាយ ស្រុកស្ទោង ដែលបង្កឡើងរវាងម៉ូតីវេវ ពណ៌ខ្មៅ ពាក់ផ្លាកលេខ កំពង់ធំ ១G-៣១៦៤ បើកបរក្នុងទិសដៅពីជើងទៅត្បូងដោយឈ្មោះ ខូយ ឃាម ភេទប្រុស អាយុ២៩ឆ្នាំ រស់នៅភូមិឃុំកើតហេតុខាងលើ លុះមកដល់ចំណុចកើតហេតុខាងលើ ក៏បានជ្រុលចង្កូតទៅបុកជាមួយនឹងរថយន្តតូយោតា ពណ៌ស ពាក់ផ្លាកលេខ ភ្នំពេញ ២AJ-៦៣០២ យ៉ាងពេញទំហឹង ខណៈរថយន្តកំពុងតែមានល្បឿនលឿន បណ្តាលឲ្យអ្នកបើលបរម៉ូតូរបួសធ្ងន់ ឃើញដូច្នោះអ្នកបើករថយន្តក៏ចុះរត់គេចខ្លួនបាត់ ករណីនេះបណ្ដាលមកពីម៉ូតូបើកបរខ្វះការប្រុងប្រយ័ត្ន គួបផ្សំជាមួយនឹងរថយន្តដឹកអ្នកដំណើររបស់ក្រុមហ៊ុនទេសចរបើកលឿនបុកគ្នាតែម្តង ។ វត្ថុតាងត្រូវបាននាំយកមករក្សាទុកនៅអធិការដើម្បីចាត់ការតាមផ្លូវច្បាប់ ៕
ចែករំលែកព័តមាននេះ