រាជធានីភ្នំពេញ ៖ ដោយទទួលបានការគាំទ្រពីអតិថិជនយ៉ាងខ្លាំងក្លា ហាងហ្គាឌៀន (Guardian) បានបង្ហាញសេចក្តីសោមនស្សរីករាយ ប្រកាសបើកហាងលក់ផលិតផលថែទាំសុខភាព និងសម្ផស្ស សាខា ទី៨ របស់ខ្លួននៅរាជធានីភ្នំពេញ ដែលមានទីតាំង ស្ថិតនៅលើផ្លូវប៉ាស្ទ័រ ក្នុងសង្កាត់បឹងកេងកង១ ដែលជាតំបន់ពាណិជ្ជកម្ម មានភាពមមាញឹក និងបរិយាកាស អ៊ូ អរ សម្រាប់ភ្ញៀវទាំងឡាយ រួមមានសិស្ស និស្សិត អ្នកធ្វើការងារភ្ញៀវទេសចរ និងជនបរទេស ។
ហ្គាឌៀន (Guardian) ជា ក្រុមហ៊ុន បុត្រសម្ព័ន្ធ របស់ក្រុមហ៊ុនដែលឈានមុខគេក្នុងវិស័យលក់រាយនៅទ្វីប អាស៊ីឈ្មោះថា Dairy FarmInternational ដែលបានបង្កើតឡើងដំបូងបង្អស់នៅប្រទេសម៉ាឡេស៊ី តាំងពីជាង៥០ឆ្នាំមុនមកម្ល៉េះ។
បច្ចុប្បន្ន នេះ Guardian មាន ហាងលក់ទំនិញជាង១,៧០០កន្លែង ប្រតិបត្តិការនៅតាមបណ្តាប្រទេសមួយចំនួន ដូចជា កម្ពុជា សិង្ហបូរី ម៉ាឡេស៊ី ឥណ្ឌូនេស៊ី ចិន ហុងកុង ម៉ាកាវវៀតណាម ព្រុយណេ និងហ្វីលីពីន រួមជាមួយនឹងបុគ្គលិកបម្រើការសរុបប្រមាណជាង១៦,០០០ នាក់ ។
ផ្សារលក់ទំនិញសុខភាព និងសម្ផស្សហ្គាឌៀន (Guardian) និងផ្សារទំនើបឡាក់គី(Lucky Supermarket) ជាផ្នែកមួយរបស់ក្រុមហ៊ុន DFI Lucky Group ។
ចក្ខុវិស័យរបស់ហ្គាឌៀន (Guardian) គឺផ្តល់ជូននូវបទពិសោធន៍ប្រើប្រាស់ផលិតផលថែទាំសុខភាព និងសម្ផស្សដែលល្អផ្តាច់គេ រួមទាំងសេវាកម្ម និងភាពរួសរាយរាក់របស់បុគ្គលិកដែលយកចិត្តទុកដាក់ទៅលើការបម្រើអតិថិជន។
ហ្គាឌៀន (Guardian) មានគោលបំណងផ្តោតសំខាន់ទៅលើតម្រូវការថែទាំសុខភាព ថែទាំខ្លួន និងសម្ផស្សរបស់ប្រជាជនកម្ពុជា។ បន្ទាប់ពីបានបើកហាងដំបូងរបស់ខ្លួ នៅ កម្ពុជា នៅចុងឆ្នាំ២០១៣ ហ្គាឌៀន (Guardian) បន្តជាហាងលក់ផលិតផលថែទាំសុខភាព និងសម្ផស្សលំដាប់អន្តរជាតិតែមួយគត់នៅកម្ពុជា។
លោក Ian Law ប្រធានផ្នែកអាជីវកម្មហ្គាឌៀន (Guardian) ប្រចាំនៅកម្ពុជាបានមានប្រសាសន៍ថា៖ «ទន្ទឹមនឹងការកើនឡើងនូវតម្រូវការផលិតផល ថែទាំសុខភាព និងសម្ផស្សនៅក្នុងស្រុក ការបើកសម្ភោធនូវសាខាថ្មីមួយនេះបានបង្ហាញអោយឃើញពីការឆ្លើយតប និងឆន្ទ:ក្នុងការផ្គត់ផ្គង់របស់ពួកយើងទៅកាន់តម្រូវការអតិថិជន។ ដោយសារពួកយើងដាក់តាំងលក់ផលិតផលម៉ាកល្បី និងពេញនិយមជាច្រើន និងជាម៉ាកផ្ដាច់មុខមានដូចជា Botaneco Garden ជាផលិតផលថែរក្សាសក់ និងរាងកាយ និង Crystal Moist ដែលជាផលិតផលថែរក្សាស្បែកពេញនិយមយ៉ាងខ្លាំងដែលផលិតនៅប្រទេសកូរ៉េ ទើបអតិថិជនបន្តមកជាវជារឿយៗ»។
លោកក៏បានបន្តទៀតថា «ហ្គាឌៀន (Guardian) មានសេចក្តីរំភើបក្នុងការផ្តល់ជូននួវបទពិសោធន៍ដ៏ប្រណីតក្នុងការដើរទិញទំនិញរបស់អតិថិជន ទន្ទឹមនឹងនេះដែរយើងក៏លើក
កំពស់ស្តង់ដានៃវិស័យលក់រាយលើទីផ្សារទំនើបក្នុងស្រុក»។ ក្រៅពីផលិតផលដែលមានគុណភាព ហ្គាឌៀន (Guardian) ក៏មានមោទនភាពក្នុងការផ្តល់ជូនសេវាកម្មដ៏ល្អតាមរយៈបុគ្គលិកបម្រើការងារ និងឱសថការីដែលមានជំនាញ។ កត្តារួមនៃផលិតផលដែលមានគុណភាព និងបុគ្គលិកដែលទទួលការបង្វឹកបង្ហាត់ខ្ពស់ បានធ្វើអោយ ហ្គាឌៀន (Guardian) បំពេញនូវការរំពឹងទុករបស់អ្នកអតិថិជន ដោយស្របទៅនឹងចក្ខុវិស័យ គោលបំណង និងគុណតម្លៃរបស់ខ្លួន។
ពេលនេះ ហ្គាឌៀន (Guardian) សាខាបឹងកេងកង១ ស្វាគមន៍អតិថិជនចូលមកជាវផលិតផលជាច្រើនប្រភេទដូចជា ផលិតថែរក្សាស្បែក គ្រឿងសម្អាង ផលិតផលថែទាំសុខភាព ផលិតផលថែទាំខ្លួន និងផលិតផលថែទាំកុមារ ។
ខាងក្រោមនេះ គឺជាហាងលក់ផលិតផល របស់ហ្គាឌៀន (Guardian) នៅក្នុងរាជធានី ភ្នំពេញ ៖
១. ហ្គាឌៀន (Guardian) វិថីព្រះសីហនុ
២. ហ្គាឌៀន (Guardian) ផ្សារទំនើបសូរិយា សេនធ័រ ភ័នធ៍
៣. ហ្គាឌៀន (Guardian) ផ្សារទំនើប ស៊ីធីម៉ល
៤. ហ្គាឌៀន (Guardian) ផ្សារទំនើប រតនាផ្លាហ្សា
៥. ហ្គាឌៀន (Guardian) ធីខេ អេវិនញូ
៦. ហ្គាឌៀន (Guardian) ផ្សារទំនើប Exchange Square
៧. ហ្គាឌៀន (Guardian) ទួលទំពូង
៨. ហ្គាឌៀន (Guardian) បឹងកេងកង 1
ចែករំលែកព័តមាននេះ