ប្រទេសម៉ុងតេណេហ្គ្រោ ៖ រដ្ឋាភិបាលម៉ុងតេណេហ្គ្រោប្រកាសនាថ្ងៃទី២២ កុម្ភៈ ថា ជនមិនស្គាល់អត្តសញ្ញាណម្នាក់បានគប់គ្រាប់បែក១គ្រាប់ចូលស្ថានទូតសហរដ្ឋអាមេរិកប្រចាំក្រុងប៉ូដហ្គោរីកា រដ្ឋធានីម៉ុងតេណេហ្គ្រោ មុនពេលសម្លាប់ខ្លួនឯង ដោយបំផ្ទុះគ្រាប់បែក ។…
ប្រទេសម៉ុងតេណេហ្គ្រោ ៖ រដ្ឋាភិបាលម៉ុងតេណេហ្គ្រោប្រកាសនាថ្ងៃទី២២ កុម្ភៈ ថា ជនមិនស្គាល់អត្តសញ្ញាណម្នាក់បានគប់គ្រាប់បែក១គ្រាប់ចូលស្ថានទូតសហរដ្ឋអាមេរិកប្រចាំក្រុងប៉ូដហ្គោរីកា រដ្ឋធានីម៉ុងតេណេហ្គ្រោ មុនពេលសម្លាប់ខ្លួនឯង ដោយបំផ្ទុះគ្រាប់បែក ។
តាម TWITTER រដ្ឋាភិបាលម៉ុងតេណេហ្គ្រោ បញ្ជាក់ថា ការវាយប្រហារនេះកើតមានកាលពីយប់ថ្ងៃទី២១ កុម្ភៈ ក្រោយពាក់កណ្តាលអធ្រាត្របន្តិច ។ រដ្ឋាភិបាលរៀបរាប់ទៀតថា មនុស្សមិនស្គាល់អត្តសញ្ញាណនេះបានធ្វើអត្តឃាតជាមួយគ្រឿងផ្ទុះមួយ ។ មុនពេលធ្វើអត្តឃាតមនុស្សនោះបានគប់គ្រាប់បែកមួយគ្រាប់សំដៅលើប្លុកអគារស្ថានទូតសហរដ្ឋអាមេរិក ។
អ្នកថតរូបម្នាក់របស់រ៉យទ័រកត់សម្គាល់ឃើញថា វិថីកាត់មុខស្ថានទូតត្រូវបិទ ប៉ុន្តែមើលពុំឃើញមានការខូចខាតណាមួយឡើយ ។ តាមវ៉េបសាយរបស់ខ្លួន ស្ថានទូតអាមេរិកស្នើដល់បណ្តាជនជាតិអាមេរិកចៀសវាងកុំទៅកាន់ទីនោះរហូតដល់មានបទបញ្ជាថ្មី ៕
ចែករំលែកព័តមាននេះ