រាជធានីភ្នំពេញ ៖ ស្ត្រីវ័យក្មេងម្នាក់បានចង.កសម្លាប់ខ្លួនទាំងមានផ្ទៃពោះជិត២ខែទៅហើយ ដោយសារតែខឹងប្តីនាំប្រពន្ធដើមទៅការមិត្តភក្កិនៅស្រុកកំណើតអត់បានប្រាប់ឲ្យដឹងមុន ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៥ល្ងាចថ្ងៃទី២០ ខែកុម្ភៈ ឆ្នាំ២០១៨ នៅបន្ទប់ជួលភូមិព្រៃទា២ សង្កាត់ចោមចៅទី៣…
រាជធានីភ្នំពេញ ៖ ស្ត្រីវ័យក្មេងម្នាក់បានចង.កសម្លាប់ខ្លួនទាំងមានផ្ទៃពោះជិត២ខែទៅហើយ ដោយសារតែខឹងប្តីនាំប្រពន្ធដើមទៅការមិត្តភក្កិនៅស្រុកកំណើតអត់បានប្រាប់ឲ្យដឹងមុន ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៥ល្ងាចថ្ងៃទី២០ ខែកុម្ភៈ ឆ្នាំ២០១៨ នៅបន្ទប់ជួលភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ ។
ស្ត្រីចង.កសម្លាប់ខ្លួនឈ្មោះ មិន សេងហ័រ អាយុ២៣ឆ្នាំ មុខរបរជាងអ៊ុតសក់ ស្នាក់នៅបន្ទប់ជួលភូមិព្រៃទា២ សង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើតនៅភូមិដំបូកធំ ឃុំកញ្ចំ ស្រុកពារាំង ខេត្តព្រៃវែង ។ បុរសជាប្តីមានឈ្មោះ សេក សំរ៉ុង អាយុ៣៥ឆ្នាំ មុខរបរដាក់កនែ្លងផ្ញើម៉ូតូ ស្នាក់នៅភូមិកើតហេតុខាងលើ មានស្រុកកំណើតភូមិត្រោក ឃុំឈើទាល ស្រុកស្វាយជ្រំ ខេត្តស្វាយរៀង ។
ព័ត៌មានពីបុរសជាប្តីបាននិយាយថា រូបគាត់មានប្រពន្ធដើមម្នាក់ជាង១០ឆ្នាំមកហើយ មានកូន២នាក់ ស្រីម្នាក់កូនប្រុសបងអាយុ១៣ឆ្នាំ និងកូនស្រីអាយុ៨ឆ្នាំ និងបានទំនាក់ទំនងជាមួយប្រពន្ធចុងបានប្រមាណជាង១ឆ្នាំមកហើយ តែមិនបានរៀបការត្រឹមត្រូវទេ គឺរស់នៅជាមួយគ្នាដោយមិនបានប្រាប់ឪពុកម្ដាយខាងស្រីដឹងឡើយ សូម្បីតែប្រពន្ធដើមក៏មិនឲ្យដឹងដែរ គឺលាក់មិនឲ្យនរណាម្នាក់ដឹងឡើយ ។
ប្រភពដដែលបានបន្តទៀតថា រាល់ថ្ងៃគាត់រស់នៅជាមួយប្រពន្ធដើមនៅម្តុំផ្សារព្រៃទា ដោយរកស៊ីដាក់កនែ្លងផ្ញើម៉ូតូនៅផ្ទះ ចំណែកប្រពន្ធចុងលួចលាក់បានស្គាល់គ្នាពេលទៅលេងស្រុកកំណើតក៏បានទំនាក់ទំនងរហូតមកដែលកាលពីដើមឡើយ នាងធ្វើការកម្មកររោងចក្រ ហើយឥឡូវរៀនអ៊ុតសក់នៅជិតផ្ទះជួលកើតហេតុខាងលើ គាត់តែងតែលួចទៅជួបមួយយប់ពីរយប់ ឬក៏ទៅមួយភ្លែតៗ ព្រោះខ្លាចប្រពន្ធដើមដឹង ។ បច្ចុប្បន្ននាងប្រពន្ធចុងមានផ្ទៃពោះជិត២ខែហើយ ។ ប្រភពដដែលបានបន្តទៀតថា មុនពេលកើតហេតុនៅថ្ងៃទី១៨ ខែកុម្ភៈនេះរូបគាត់បានទៅការមិត្តភក្តិនៅស្រុកកំណើតជាមួយប្រពន្ធដើម នៅពេលនោះដែរ ប្រពន្ធចុងគាត់បានទូរស័ព្ទសួរនាំ ហើយរូបគាត់បានឆ្លើយប្រាប់ថា រូបគាត់ និងប្រពន្ធដើមបានទៅការមិត្តភក្តិនៅស្រុកកំណើតពេលនោះនាងបានឈ្លោះប្រកែកជាមួយគាត់តាមទូរស័ព្ទដោយនាងបាននិយាយថា ទៅការមិត្តភក្តិនៅស្រុកកំណើតម៉េចមិនប្រាប់គាត់ឲ្យដឹងផង ។
លុះពេលគាត់ត្រឡប់មកវិញនៅល្ងាចថ្ងៃទី១៩ ខែកុម្ភៈ គាត់បានទៅបន្ទប់ជួលប្រពន្ធចុងគោះបន្ទប់២ទៅ៣ដង តែនាងបាននិយាយថា ខ្ញុំគ្មានប្តីទេ និងមិនព្រមបើកទ្វារឲ្យគាត់ចូលទេបានឈរនៅខាងក្រៅបន្ទប់ជាងកន្លះម៉ោងទើបគាត់ត្រឡប់ទៅវិញ ។ ស្អែកឡើងថ្ងៃកើតហេតុរូបគាត់បានទៅបន្ទប់ជួលនាងម្តងទៀត ហើយបានគោះទ្វារបន្ទប់ដូចសព្វដងដោយមិនលឺសំឡេងនិយាយឆ្លើយតប ហើយគាត់បានទូរសព្ទក៏មិនព្រមលើក បន្ទាប់មកគាត់បាននិយាយខ្លាំងៗម្តងទៀតថា បើមិនបើកទ្វារឲ្យបង បង និងប្តឹងប៉ូលិសហើយណា ! ក៏នៅតែមិនឆ្លើយតប ពេលនោះគាត់បានក្រឡេកមើលឥដ្ឋខ្យល់នៅលើបង្អួច ស្រាប់តែឃើញចំណងខ្សែភ្លើងចងនឹងឥដ្ឋខ្យល់ចង.កបាត់ទៅហើយ ។
នៅពេលនោះរូបគាត់បានហៅមិត្តភ័ក្ដិមកជួយមើល ហើយគាស់បង្អួចស្រាប់តែឃើញនាងចង.កស្លាប់បាត់ទៅហើយ នៅពេលនោះដែរ ប្រជាពលរដ្ឋរាប់រយនាក់បានផ្អើលមកមើលតាមបង្អូចយ៉ាងកុះករ ។
បន្ទាប់ពីមានការភ្ញាក់ផ្អើលកម្លាំងនគរបាលប៉ុស្តិ៍ចោមចៅ៣ និងជំនាញខណ្ឌពោធិ៍សែនជ័យសហការជាមួយជំនាញរាជធានីភ្នំពេញ ដើម្បីពិនិត្យសពខាងលើដោយយកឧបករណ៍សម្រាប់គាស់ទ្វារ ដើម្បីចូលពិនិត្យសពឃើញថា ស្ត្រីរូបនេះបានស្លាប់ដោយចង.កពិតប្រាកដមែន ។ ខណៈពេលសមត្ថកិច្ចកំពុងតែពិនិត្យសពក៏ដឹងដល់ប្រពន្ធដើមបានមកដល់ខាងមុខផ្ទះកើតហេតុ ហើយបានស្តីបន្ទោសឲ្យប្តីមួយសន្ទុះរួច ទៅវិញទៅដោយប្រាប់ថា ទៅចង.កសម្លាប់ខ្លួនម្នាក់ទៀតធ្វើឲ្យប្តីមានការភិតភ័យយ៉ាងខ្លាំង ខ្លាចប្រពន្ធដើមចង.កម្នាក់ទៀត ។
ក្រោយពេលកើតហេតុកម្លាំងនគរបាលប៉ុស្តិ៍ និងជំនាញខណ្ឌពោធិ៍សែនជ័យសហការជាមួយជំនាញរាជធានីភ្នំពេញបានធ្វើលិខិតប្រគល់សពឲ្យឪពុកម្ដាយ និងក្រុមគ្រួសារធ្វើបុណ្យតាមប្រពៃណីនៅស្រុកកំណើត ៕
ចែករំលែកព័តមាននេះ