រាជធានីភ្នំពេញ ៖ កម្លាំងរដ្ឋបាលសាលាខណ្ឌដង្កោ និងការិយាល័យសាធារណៈការខណ្ឌ បានចុះពិនិត្យទីតាំង ចតរថយន្តមួយកន្លែង ស្ថិតនៅភូមិជើងឯក សង្កាត់ជើងឯក។ កាលពីវេលាម៉ោង៩ព្រឹក ថ្ងៃទី១៩…
រាជធានីភ្នំពេញ ៖ កម្លាំងរដ្ឋបាលសាលាខណ្ឌដង្កោ និងការិយាល័យសាធារណៈការខណ្ឌ បានចុះពិនិត្យទីតាំង ចតរថយន្តមួយកន្លែង ស្ថិតនៅភូមិជើងឯក សង្កាត់ជើងឯក។ កាលពីវេលាម៉ោង៩ព្រឹក ថ្ងៃទី១៩ ខែកុម្ភៈ ឆ្នាំ២០១៨ ដោយក្នុងនោះបានត្រួតពិនិត្យ និងវាស់វែងរថយន្តធុនយក្ស ដែលកំពុងចតនៅក្នុងនោះជាច្រើនគ្រឿង។ ប៉ុន្តែខណៈនោះ មិនមានការរឹបអូស ឬកាត់ទ្រុងសូម្បីតែមួយគ្រឿងឡើយ ព្រោះរថយន្តទាំងនោះត្រឹមត្រូវតាមបទដ្ឋានបច្ចេកទេស និងមានឯកសារគ្រប់គ្រាន់ទាំងអស់។ លោក ម៉ុក ពុទ្ធា នាយករដ្ឋបាលសាលាខណ្ឌដង្កោបានប្រាប់ឲ្យដឹងថា ពេលចុះទៅដល់ទីតាំងខាងលើនោះបានប្រទះឃើញមានរថយន្តវែងៗចំនួន១២គ្រឿងកំពុងចតត្រៀបត្រានៅក្នុងយានដ្ឋានមួយនោះ។ ពេលនោះកម្លាំងមិនបានរារែកនោះទេ បានធ្វើការវាស់វែងទៅតាមបច្ចេកទេស និងជំនាញភ្លាមៗដើម្បីចង់ដឹង ថាតើត្រឹមត្រូវឬអត់។ ប៉ុន្តែក្រោយពីមន្ត្រីជំនាញវាស់គ្រប់រថយន្តរួច និងផ្ទៀងផ្ទាត់ទៅនឹងឯកសារច្បាប់ឃើញថា មានភាពត្រឹមត្រូវទាំងអស់ទើបមិនមានការរឹបអូស ឬកាត់ទ្រុងចេញសូម្បី១គ្រឿងឡើយ។
គ្រាន់តែរដូវចូលឆ្នាំខាងម្ចាស់ រថយន្តបានយករថយន្តទៅចតទុកចោលនៅទីនោះសិនប៉ុណ្ណោះ ហើយកាលណាមិនមានឯកសារគ្រប់គ្រាន់ទេ ពួកគាត់មិនអាចចេញទៅរកទទួលទានបានទេ ដោយសារតែគាត់ជាឡានដឹក អីចឹងកាលណាបើលើស ឬខុសច្បាប់មិនមែនតែត្រឹមថ្នាក់ខណ្ឌដង្កោទេ ដែលត្រូវចាប់នោះ។ ខេត្តកណ្ដាល ខេត្តតាកែវ ខេត្តកំពត ឬខេត្តណាដែលគាត់ធ្វើចរាចរណ៍ឆ្លងកាត់គេឃាត់ដូចតែគ្នានឹង ចឹងគេបានអនុវត្តន៍អស់ហើយ មិនតែប៉ុណ្ណោះពេលកម្លាំងទៅដល់ចុចលេខកូដតាមទូរស័ព្ទគឺចេញព័ត៌មានរថយន្តនោះត្រឹមត្រូវទាំងអស់នឹង។ លោកនាយករដ្ឋបាលខាងលើបានអនុវត្តន៍ច្បាប់ចរាចរណ៍ផ្លូវគោកជាពិសេសបទបញ្ជាសម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទប់ស្កាត់ការធ្វើចរាចរណ៍ របស់ក្រុមរថយន្តធុនយក្សទាំងនោះជាបន្តបន្ទាប់។
ដោយចាប់ពីយប់ថ្ងៃទី០៩ រហូតដល់ ថ្ងៃទី១៩ ខែកុម្ភៈ ឆ្នាំ២០១៨ រយៈពេល១០ថ្ងៃ គណៈបញ្ជាការឯកភាពខណ្ឌដង្កោ បានសហការជាមួយមន្ទីរសាធារណការ និងដឹកជញ្ជូនរាជធានីភ្នំពេញ ដាក់គោលដៅត្រួតពិនិត្យរថយន្តតទ្រុង ខុសលក្ខណៈបច្ចេកទេស នៅគោលដៅមួយតាមផ្លូវជាតិលេខ៣ ត្រង់ចំណុចមុខវត្តស្លែង សង្កាត់ពងទឹក។ ប្រភពដដែលបានបន្តទៀតថា ជាលទ្ធផលត្រួតពិនិត្យរថយន្តដែលបានឆ្លងកាត់គោលដៅចំនួន៦៦៨គ្រឿង ក្នុងនោះបានរកឃើញរថយន្តតទ្រុង ខុសលក្ខណៈបច្ចេកទេសចំនួន ៩១គ្រឿង។ ពេលនោះកម្លាំងបាន ធ្វើការណែនាំ និងកាត់ទ្រុងនៅនឹងកន្លែង ចំនួន ៩០គ្រឿង ព្រមទាំងរឹបអូសយករថយន្តទៅរក្សាទុក នៅសាលាសង្កាត់ពងទឹក ០១គ្រឿងព្រោះអត់មានឯកសារគ្រប់គ្រាន់ និងខុសលក្ខណៈបច្ចេកទេសផង ដើម្បីឲ្យម្ចាស់យកឯកសារ និងកាត់ទ្រុងទើបឲ្យចេញទៅវិញ។ ជាងនេះទៀតអាជ្ញាធរបានអនុវត្តន៍ជាប់ជាប្រចាំមិនឈប់ឡើយរហូតទាល់តែរថយន្តទាំងនោះត្រឹមត្រូវលែងមានខុសតទៅទៀត៕
https://youtu.be/boFivoxBm54
ចែករំលែកព័តមាននេះ