ធ្លាប់តែគិតថា ខ្លួនអស់សង្ឃឹមហើយ និងបណ្តោយទៅតាមព្រេងវាសនាដើម្បីរង់ចាំថ្ងៃ «ស្លាប់» មកដល់ប៉ុណ្ណោះ។ ក៏ប៉ុន្តែផ្ទុយមកវិញ អ្នកជំងឺខ្មែរម្នាក់ គឺលោក T.S ហាក់ដូចជាបានរួចផុតពីក្តីស្លាប់…
ធ្លាប់តែគិតថា ខ្លួនអស់សង្ឃឹមហើយ និងបណ្តោយទៅតាមព្រេងវាសនាដើម្បីរង់ចាំថ្ងៃ «ស្លាប់» មកដល់ប៉ុណ្ណោះ។ ក៏ប៉ុន្តែផ្ទុយមកវិញ អ្នកជំងឺខ្មែរម្នាក់ គឺលោក T.S ហាក់ដូចជាបានរួចផុតពីក្តីស្លាប់ ហើយមានជីវិតរស់ឡើងមកវិញ ក្រោយពេលបានធ្វើការវះកាត់រួចរាល់នូវដុំសាច់ដ៏ធំនៅចុងពោះវៀនដែលកម្រជួបប្រទះ ។
ថ្មីៗនេះ មន្ទីរពេទ្យ FV បានធ្វើការវះកាត់ដុំសាច់នៅចុងពោះវៀន «ដុំសាច់យក្ស» ឱ្យអ្នកជំងឺម្នាក់ឈ្មោះ T.S – មានអាយុ៧០ឆ្នាំ មកពីប្រទេសកម្ពុជា។ លោកវេជ្ជ. Phan Van Thai – ផ្នែកវះកាត់ទូទៅ គឺជាអ្នកធ្វើការវះកាត់ និងព្យាបាលផ្ទាល់បានឱ្យដឹងថា៖ «អ្នកជំងឺកើតជំងឺដុំសាច់នៅចុងពោះវៀនហើយជាប្រភេទកាចទៀត ដុំសាច់ធំពេកបណ្តាលឱ្យលាតស្ទើរពេញមួយតំបន់ត្រកៀកតែម្តង ហើយមានការរាតត្បាតទៅប្លោកនោម បង្កទៅជាបូសអន្ទង់ចូលទៅបំផ្លាញក្រពេញប្រូស្តាត។ ការវះកាត់យកដុំសាច់ទាំងមូល ដោយមានឈ្មោះហៅតាមពាក្យបច្ចេកទេសថា ការវះកាត់តំបន់ត្រកៀកទាំងមូល ព្រោះជាការវះកាត់ធំ មានហានិភ័យ និងប្រតិកម្មផ្សេងៗច្រើន ជាការខិតខំ និងពុះពារយ៉ាងខ្លាំងសម្រាប់ក្រុមវេជ្ជបណ្ឌិតវះកាត់ ក៏ដូចជាអាយុជីវិតរបស់អ្នកជំងឺផងដែរ»។
មុនពេលមកព្យាបាលនៅមន្ទីរពេទ្យ FV លោក T.S បានឱ្យដឹងថា លោកធ្លាប់បានទៅពិនិត្យ និងព្យាបាលនៅមន្ទីរពេទ្យធំមួយនៅប្រទេសថៃ ហើយវេជ្ជបណ្ឌិតនៅទីនេះ បានធ្វើរោគវិនិច្ឆ័យថា លោកកើតជំងឺមហារីកចុងពោះវៀន រួចហើយក៏បានធ្វើការបាញ់កាំរស្មី និងមានវេជ្ជបញ្ជាឱ្យធ្វើការវះកាត់ ដើម្បីព្យាបាល ព្រមទាំងវះកាត់ចុងពោះវៀន – ទ្វារធំទាំងមូល រួចហើយដាក់ទ្វារធំ (រន្ធគូថ) មកខាងក្រៅជាលក្ខណៈសិប្បនិម្មិតរហូតអស់មួយជីវិត ប៉ុន្តែដោយសារក្នុងចិត្តភ័យខ្លាច ហើយបានបដិសេធ រួចហើយក៏ត្រឡប់មកផ្ទះវិញតែម្តង។
រហូតដល់៣ឆ្នាំក្រោយមក ស្ថានភាពជំងឺពីមួយថ្ងៃទៅមួយថ្ងៃកាន់តែទ្រុឌទ្រោមទៅៗធ្វើឱ្យអ្នកជំងឺមានការឈឺចាប់នៅទ្វារធំ នោមពិបាក ការឈឺពោះកាន់តែកើនឡើង ពោះកាន់តែប៉ោងឡើង និងមិនអាចបន្ទោរបង់លាមកបានជាដើម ។ល។ ដូច្នេះលោកក៏បានសម្រេចចិត្តថា មកវៀតណាម ហើយចូលផ្នែកសង្គ្រោះបន្ទាន់របស់មន្ទីរពេទ្យ FV តែម្តង។ នៅទីនេះ លោកក៏ទទួលការពិនិត្យ និងការធ្វើរោគវិនិច្ឆ័យដោយលោកវេជ្ជ. Phan Van Thai ថា ដុំសាច់នៅចុងពោះវៀន ព្រមទាំងមានសភាពរាតត្បាតទៅអវៈយវៈផ្សេងៗនៅតំបន់ត្រកៀក ធ្វើឱ្យមានការស្ទះពោះវៀនទាំងអស់ មានមេរោគឆ្លងតាមផ្លូវនោម និងមានមេរោគឆ្លងក្នុងឈាមទៀតផង។ នេះគឺជាករណីសង្គ្រោះបន្ទាន់ ប្រសិនបើមិនធ្វើការវះកាត់ និងព្យាបាលទាន់ពេលទេ អ្នកជំងឺអាចនឹងស្លាប់បាននៅក្រោយពេលតែប៉ុន្មានថ្ងៃទៀតប៉ុណ្ណោះ។ ការព្យាបាលត្រូវបានចែកចេញជា២ដំណាក់កាល ៖ ដំបូងត្រូវធ្វើការដោះស្រាយបញ្ហាបន្ទាន់នូវការស្ទះពោះវៀន និងមេរោគឆ្លងក្នុងឈាមជាមុនសិន រួចហើយប៉ុន្មានសប្តាហ៍ក្រោយមក នឹងធ្វើការវះកាត់ដុំសាច់នោះទាំងស្រុងតែម្តង។
លោកត្រូវបានធ្វើការវះកាត់ដាក់ទ្វារធំជាសិប្បនិម្មិតមកខាងក្រៅ ដើម្បីដោះស្រាយភាពស្ទះពោះវៀនបន្ទាន់ រួមទាំងការស្តារសុខភាព និងការព្យាបាលមេរោគឆ្លងក្នុងឈាមផងដែរ។ ក្រោយពេលធ្វើការព្យាបាលបានចំនួន១០ថ្ងៃ សុខភាពរបស់លោកក៏បានប្រសើរឡើងមួយភាគដែរ លោកបានឱ្យដឹងថា រូបលោកចំពោះមុខដូចបានរួចផុតក្តីស្លាប់ហើយ តែក្នុងចិត្តនៅខ្វល់ខ្វាយ ព្រោះដុំសាច់យក្សកំពុងនៅក្នុងខ្លួននៅឡើយ ហើយវានឹងធ្វើទុក្ខលោកទៀត។ តែទោះជាយ៉ាងណា ការវះកាត់យកដុំសាច់ទាំងមូលមិនមែនជាបញ្ហាងាយស្រួលទេ អាចបង្កជាហានិភ័យ និងធ្វើឱ្យអ្នកជំងឺស្លាប់បាន ឬអាចយកមិនអស់នូវដុំសាច់នោះក៏ថាបាន រួចហើយត្រូវធ្វើទ្វារធំ (រន្ធគូថ) និងផ្លូវនោមសិប្បនិម្មិតរហូតអស់មួយជីវិត។ រួចហើយលោកក៏សុំចេញពីមន្ទីរពេទ្យត្រឡប់ទៅស្រុកខ្មែរវិញ តែក្នុងចិត្តនៅខ្វល់ខ្វាយ ព្រោះមិនដឹងថា ត្រូវសម្រេចចិត្តយ៉ាងណា តើសុខចិត្តទទួលយកការឈឺចាប់ដោយដុំសាច់ និងក្តីស្លាប់នាពេលប៉ុន្មានខែក្រោយ ឬក៏យល់ព្រមធ្វើការវះកាត់ដោយប្រឈមនឹងហានិភ័យច្រើន?!
សមាជិកគ្រួសាររបស់លោក T.S ជាវេជ្ជបណ្ឌិតម្នាក់ដែលកំពុងធ្វើការនៅប្រទេសបារាំង។ ក្រោយពេលបានធ្វើការទំនាក់ទំនង និងទទួលបានការបកស្រាយពន្យល់ច្បាស់លាស់អំពីស្ថានភាពជំងឺ និងរបៀបនៃការព្យាបាលរួច ហើយជួយលើកទឹកចិត្តអ្នកជំងឺក្នុងការជ្រើសយកវិធីសាស្ត្រវះកាត់តាមរយៈអ្នកបកប្រែផងដែរ។ ពេលនោះភាពហត់នឿយ ការឈឺចុកចាប់ពេញផ្នែកទ្វារធំ ការបត់ជើងតូច-ធំ មានការលំបាកអស់កាលយូរ នៅទីបំផុតអ្នកជំងឺក៏បានសម្រេចចិត្តវិលត្រឡប់មកមន្ទីរពេទ្យ FV វិញ ដើម្បីបន្តការព្យាបាលទៀត។
រយៈពេលនៃការវះកាត់អស់៨ម៉ោង ដោយបានវេជ្ជបណ្ឌិតរួមគ្នាពីររូប គឺវេជ្ជ. Phan Van Thai (ផ្នែកវះកាត់ទូទៅ ) និងវេជ្ជ. Do Quang Minh ( ផ្នែកវះកាត់តម្រងនោម ឬទឹកម៉ូត្រ ) បានធ្វើការវះកាត់ទាំងស្រុងនូវដុំសាច់ ព្រមទាំងអវៈយវៈផ្សេងទៀតដែលត្រូវរាតត្បាតចូល។ បានសេចក្តីថា ( ការវះកាត់ចុងពោះវៀនទាំងស្រុង ទ្វារធំ ការវះកាត់សាច់ដុំត្រូវរាតត្បាត ការវះកាត់ប្លោកនោមទាំងស្រុង ការវះកាត់ក្រពេញប្រូស្តាតទាំងមូល ) រួចហើយដាក់ផ្លូវលាមក និងផ្លូវនោម មកខាងក្រៅជាបែបសិប្បនិម្មិតរហូតអស់មួយជីវិត ។
អ្នកជំងឺបានចេញពីពេទ្យ និងត្រឡប់ទៅផ្ទះវិញក្រោយពេលវះកាត់រួចបាន៣សប្តាហ៍ ហើយសុខភាពក៏បានល្អប្រសើរ គ្មានប្រតិកម្មអ្វីពិសេសទាំងអស់ ហើយអ្នកជំងឺនឹងត្រឡប់មកបន្តការព្យាបាលវិញដោយការចាក់បញ្ចូលថ្នាំគីមីនៅមន្ទីរពេទ្យ FV ។
បច្ចុបន្ននេះ ស្ថានភាពសុខភាពរបស់លោក T.S បានប្រសើរវិញច្រើនហើយ លោកបានចែករំលែកថា៖ «ការវះកាត់នេះបានជោគជ័យ ហើយខ្ញុំសូមអរគុណ និងដឹងគុណចំពោះលោកវេជ្ជ. Thai ហើយអារម្មណ៍របស់ខ្ញុំនៅពេលនេះ គឺមានតែវេជ្ជ. Thai តែប៉ុណ្ណោះ ។ មុនពេលមកពេទ្យ FV ខ្ញុំក៏មិនទាន់ជឿទុកចិត្តប៉ុន្មានដែរ តែក្រោយពេលទទួលបានការព្យាបាល និងការថែទាំយ៉ាងអស់ពីចិត្តមក រូបខ្ញុំក៏បានផ្លាស់ប្តូរគំនិតវិញភ្លាមតែម្តង» ។
ពេលបានសួរនាំពីមូលហេតុដែលលោកមិនបន្តការព្យាបាលនៅប្រទេសថៃទៀត លោក T.S បានបន្ថែមថា៖ «នៅពេលនោះខ្ញុំខ្លាចពេក ហើយខ្ញុំក៏មិនគិតថា ដុំសាច់នេះវាមានការវិវឌ្ឍន៍លឿន និងរាតត្បាតចូលទៅអវៈយវៈផ្សេងៗដល់ថ្នាក់នេះសោះ។ ម្យ៉ាងទៀត ក្រុមអ្នកបកប្រែភាសាខ្មែររបស់មន្ទីរពេទ្យនៅថៃធ្វើការមិនអស់ពីចិត្ត ហើយយល់ខុសពីអ្វីដែលខ្ញុំចង់និយាយជាមួយវេជ្ជបណ្ឌិតផង។ ទាំងអស់នេះហើយ គឺជាមូលហេតុដែលធ្វើឱ្យខ្ញុំមិនចង់ទៅបន្តការព្យាបាលនៅប្រទេសថៃទៀត» ។
លោកបន្តទៀតថា៖ «ក្រុមគ្រួសារខ្ញុំបានស្គាល់ពេទ្យ FV យូរហើយ ព្រោះកាលមុនកូនប្រុសរបស់ខ្ញុំធ្លាប់បានទទួលការព្យាបាលនៅទីនេះដែរ ។ ក្រោយពេលបានព្យាបាលរួចហើយ ខ្ញុំឃើញថា លោកវេជ្ជ. Thai និងក្រុមបុគ្គលិកបានថែទាំអ្នកជំងឺយ៉ាងយកចិត្តទុកដាក់ និងអស់ពីចិត្តតែម្តង ខ្ញុំមានភាពកក់ក្តៅ និងជឿជាក់មែនទែន។ សូមអរគុណច្រើន!»។
ចែករំលែកព័តមាននេះ