«Daily Mail»របស់អង់គ្លេសផ្សាយកាលពីពេល ថ្មីៗកន្លងមកថា នាងLiv Yelinជនជាតិចិនទោះបីជាមានអាយុ៥០ឆ្នាំក៏ដោយ ប៉ុន្តែផ្ទៃមុខគ្មានភាពជ្រីវជ្រួញប្រៀបដូចជានារីម្នាក់មានអាយុ២០ឆ្នាំ ។ រូបរាងដ៏លេចធ្លោគួរឱ្យគយគន់ប្រកបដោយលក្ខណៈសិចស៊ីគឺមិនចាញ់នារីទូទៅនៅក្នុងមជ្ឈដ្ឋានសម្តែងឡើយ រហូតទទួលរហស្សនាមថាជា«អ្នកម្តាយវ័យក្មេងបំផុត»នៅលើពិភពលោក ។…
«Daily Mail»របស់អង់គ្លេសផ្សាយកាលពីពេល ថ្មីៗកន្លងមកថា នាងLiv Yelinជនជាតិចិនទោះបីជាមានអាយុ៥០ឆ្នាំក៏ដោយ ប៉ុន្តែផ្ទៃមុខគ្មានភាពជ្រីវជ្រួញប្រៀបដូចជានារីម្នាក់មានអាយុ២០ឆ្នាំ ។ រូបរាងដ៏លេចធ្លោគួរឱ្យគយគន់ប្រកបដោយលក្ខណៈសិចស៊ីគឺមិនចាញ់នារីទូទៅនៅក្នុងមជ្ឈដ្ឋានសម្តែងឡើយ រហូតទទួលរហស្សនាមថាជា«អ្នកម្តាយវ័យក្មេងបំផុត»នៅលើពិភពលោក ។
មានសម្រស់វ័យក្មេងបែបនេះនាងLiv Yelinធ្វើឱ្យមនុស្សទូទៅយល់ច្រឡំថា ជាគូស្នេហ៍របស់កូនប្រុសអាយុ២៣ឆ្នាំរបស់ខ្លួន ។ ស្របពេលជាមួយគ្នានេះYelinបានបង្ហើបឱ្យដឹងពីអាថ៌កំបាំងដែលរំលេចដោយភាពក្មេងជាងវ័យរបស់ខ្លួនថា ព្រោះតែហាត់ប្រាណនៅក្នុងរដូវរងាជារៀងរាល់ថ្ងៃអស់រយៈពេលជាង៣០ឆ្នាំមកហើយ ទើបធ្វើឱ្យខ្លួនមានភាពសិចស៊ី និងរូបរាងដ៏ឆើតឆាយរហូតដល់សព្វថ្ងៃ ។
ជាក់ស្តែងកាលពីពេល ថ្មីៗកន្លងមក Yelinបានធ្វើឱ្យទស្សនិកជនមានភាពភ្ញាក់ផ្អើលក្រោយពីបានចូលក្នុងកម្មវិធីទូរទស្សន៍បង្ហាញភាពមាំមួនរបស់ខ្លួនដោយការហាត់ប្រាណរបៀប«យោគៈ»(Yoga)នៅកណ្តាលព្រិលក្នុងក្រុង«Harbin»ភាគខាងជើងប្រទេសចិន មានរហ្សនាមថាជាក្រុងទឹកកកក្នុងសីតុណ្ហភាព-៤០អង្សាសេ ។ នាងYelinនិយាយថា«ខ្ញុំមិនខ្លាចធាតុពិតខ្ញុំមានអារម្មណ៍ល្អ មានភាពស្រស់ស្រាយបំផុតដែលបានហាត់ប្រាណក្រោមអាកាសធាតុដ៏ត្រជាក់» ។
ក្រៅពីហាត់ប្រាណក្រោមអាកាសធាតុដ៏ត្រជាក់នោះ នាងYelinរមែងបង្ហោះរូបថត ខណៈពេលស្ថិតក្នុងឈុតប៊ីគីនីហែលទឹកក្នុងអាកាសធាតុត្រជាក់នៅជុំវិញខ្លួនបានគ្របដណ្តប់ដោយព្រិល និងទឹកកក ។ ការចេញទៅហែលទឹកនៅក្នុងបឹងនៅរដូវធ្លាក់ទឹកកកគឺជាវត្ថុមួយដែលខ្លួនពេញចិត្តបំផុត និងបានប្រតិបត្តិអស់រយៈពេលជាង៣០ឆ្នាំមកហើយ ៕
ចែករំលែកព័តមាននេះ