ខេត្តកំពង់ស្ពឺ ៖ បុរសកំហូចម្នាក់ត្រូវបានសមត្ថកិច្ចស្រាវជ្រាវតាមចាប់ខ្លួនបន្ទាប់ពីបុរសរូបនេះប៉ុនប៉ងរំលោភបងប្អូនជីដូន១ឯងតែមិនបានសម្រេច ព្រោះស្ត្រីរងគ្រោះដឹងខ្លួនហើយស្រែកឱ្យអ្នកស្រុកជួយ ។ ក្រោយឃាត់ខ្លួនជនសង្ស័យសារភាពថា មូលហេតុដែលរូបគេធ្វើបែបនេះព្រោះខានរួមរ័កច្រើនថ្ងៃមកហើយ ព្រោះតែប្រពន្ឋគេឈឺដេកពេទ្យ ។ លោកវរសេនីយ៍ទោ…
ខេត្តកំពង់ស្ពឺ ៖ បុរសកំហូចម្នាក់ត្រូវបានសមត្ថកិច្ចស្រាវជ្រាវតាមចាប់ខ្លួនបន្ទាប់ពីបុរសរូបនេះប៉ុនប៉ងរំលោភបងប្អូនជីដូន១ឯងតែមិនបានសម្រេច ព្រោះស្ត្រីរងគ្រោះដឹងខ្លួនហើយស្រែកឱ្យអ្នកស្រុកជួយ ។ ក្រោយឃាត់ខ្លួនជនសង្ស័យសារភាពថា មូលហេតុដែលរូបគេធ្វើបែបនេះព្រោះខានរួមរ័កច្រើនថ្ងៃមកហើយ ព្រោះតែប្រពន្ឋគេឈឺដេកពេទ្យ ។
លោកវរសេនីយ៍ទោ ប៊ុត ប៊ុនធឿន អធិការនគរបាលស្រុកឱរ៉ាល់បានប្រាប់នៅរសៀលថ្ងៃទី១០ ខែកុម្ភៈ ឆ្នាំ២០១៨ ថាមានករណីប៉ុនប៉ងរំលោភនេះកើតឡើងកាលពីថ្ងៃទី០៨ ខែកុម្ភៈ ឆ្នាំ២០១៨ កណ្តាលយប់រំលងអធ្រាត្រនៅចំណុចភូមិ ស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ។ ជនសង្ស័យឈ្មោះ សរ អំណត់ ភេទប្រុស អាយុ៤៩ឆ្នាំ រស់នៅភូមិតាកោង ឃុំអមលាំង ស្រុកថ្ពង ខេត្តកំពង់ស្ពឺ ចំណែកស្ត្រីរងគ្រោះឈ្មោះ ហ.ស.ម អាយុ៣២ឆ្នាំ រស់នៅភូមិ-ឃុំកើតហេតុខាងលើ ។
ប្រភពពីនគរបាលប៉ុស្តិ៍ត្រពាំងជោរតាមការសាកសួរស្ត្រីរងគ្រោះបានបំភ្លឺថា រាល់ថ្ងៃនាងរស់នៅជាមួយកូន២នាក់ដោយមានលក់ចាប់ហួយ និងកាតទូរស័ព្ទបន្តិចបន្ទួចគ្រាន់ដោះស្រាយជីវភាពព្រោះប្តីនាងទៅធ្វើមេការនៅចំការអំពៅមិនសូវបានមកផ្ទះនោះទេ ។ ប្រភពបន្តថា មុនពេលកើតហេតុរូបនាង និងកូនកំពុងដេកលង់លក់នៅក្នុងបន្ទប់ក្រោមផ្ទះស្រាប់តែមានមនុស្សចូលមកចាប់នាងរំលោភតែដោយនាងរើទាន់ហើយស្រែកហៅអ្នកភូមិទើបជននោះរត់គេចខ្លួនបាត់ទៅ ។ ក្រោយសមត្ថកិច្ចឃាត់ខ្លួនទើបនាងដឹងថា បុរសសង្ស័យគឺជាបងប្អូនរបស់នាងហើយក៏ធ្លាប់ចេញចូលផ្ទះនាងញឹកញាប់ដែរ ។
ដោយឡែកជនសង្ស័យសារភាពថា រូបគេបានចេញពីផ្ទះទៅរករងារធ្វើ និងបានស្នាក់នៅជិតផ្ទះរបស់ស្ត្រីរងគ្រោះដែរ ។ មុនពេលបង្ករូបគេបានចេញចូលទៅរកទិញកាតទូរស័ព្ទនៅផ្ទះស្ត្រីរងគ្រោះ២ទៅ៣ដងចេញចូលញឹកញាប់ធ្វើឱ្យគេសម្លឹងឃើញស្ត្រីរងគ្រោះគួរឱ្យស្រលាញ់ទើបរូបគេកើតមានបំណងចង់រួមភេទណាមួយប្រពន្ធរបស់គេកំពុងឈឺដេកនៅពេទ្យផងក៏កើតគំនិតគិតថាយប់ឡើងនឹងមកដេកជាមួយស្ត្រីរងគ្រោះដើម្បីបន្ឋូរអារម្មណ៍ចេញម្តង តែពេលលបចូលផ្ទះបានហើយប្រុងធ្វើសកម្មភាពស្រាប់តែស្ត្រីរងគ្រោះធាក់រូបគេមួយជើងហើយស្រែកឱ្យគេជួយធ្វើឱ្យរូបគេភ័យក៏រត់គេចខ្លួនតែម្តង ៕
ចែករំលែកព័តមាននេះ