ទីភ្នាក់ងារព័ត៌មាន«AFP» ផ្សាយថា មទីតាំងសំណង់ប្រហែល៦០.០០០ កន្លែងបានរកឃើញក្នុងរយៈពេល២ឆ្នាំកន្លងមក នៅលើផ្ទៃដីដ៏ធំមួយក្នុងតំបន់ «El Petén» ប្រទេសក្វាតេម៉ាឡា ជាប់ព្រំប្រទល់ប្រទេសមុិកសិុក និងបេលី…
ទីភ្នាក់ងារព័ត៌មាន«AFP» ផ្សាយថា មទីតាំងសំណង់ប្រហែល៦០.០០០ កន្លែងបានរកឃើញក្នុងរយៈពេល២ឆ្នាំកន្លងមក នៅលើផ្ទៃដីដ៏ធំមួយក្នុងតំបន់ «El Petén» ប្រទេសក្វាតេម៉ាឡា ជាប់ព្រំប្រទល់ប្រទេសមុិកសិុក និងបេលី ។
ការប្រទះឃើញនេះតម្រូវឲ្យក្រុមអ្នកស្រាវជ្រាវអាចធ្វើផែនទីបានជាច្រើនក្រុងដែលប្រមូលផ្ដុំគ្នានៅក្នុងអាណាចក្រ លាក់ទុកនៅក្នុងព្រៃដ៏ជ្រៅជាច្រើនរយឆ្នាំ ក្រោយពីបោះបង់ចោលដោយមនុស្សពីសម័យដើម ។
លោកMarcello Canuto អ្នកបុរាណវិទ្យាពីមហាវិទ្យាល័យ «Tulane» ក្នុងសហរដ្ឋអាមេរិក មនុស្សម្នាក់ក្នុងក្រុមអ្នកស្រាវជ្រាវដែលរកឃើញក្រុងបុរាណ បង្ហើបឲ្យដឹងថាការប្រទះឃើញថ្មីនៅក្នុងប្រទេសអាមេរិកកណ្ដាល រួមទាំងទីប្រជុំជនក្រុង ព្រះរាជវាំង ពីរ៉ាមីតមានកម្ពស់៣០ម៉ែត្រ ផ្ទះប្រជាជន ដងអូរ ប៉មការពារ និងកំផែងមានបណ្ដោយប្រវែង១៤គីឡូម៉ែត្រ ។
អារ្យធម៌របស់ជនអំបូរ «Maya» ធ្លាប់រីកចម្រើនរុងរឿង នៅក្នុងដែនដីបច្ចុប្បន្ននៅភាគខាងត្បូងប្រទេសមិុកសិុក ប្រទេសក្វាតេម៉ាឡា មួយផ្នែកខ្លះរបស់ប្រទេសបេលី អែលសាល់វ៉ាឌ័រ ហុងឌុយរាស់ ក្នុងរវាងពីឆ្នាំ២៥០ ដល់៩៥០ ប៉ុន្តែអាណាចក្រនៃយុគសម័យដើមបានកសាងតាំងពី១.០០០ឆ្នាំមុនគ្រឹស្តស័ករាជ ៕
ចែករំលែកព័តមាននេះ