ខេត្តព្រះសីហនុ ៖ នៅរសៀលថ្ងៃទី០៧ ខែកុម្ភៈ ឆ្នាំ២០១៨ នេះ នៅសាលប្រជុំសាលាខេត្តព្រះសីហនុ មានប្រារព្ធពិធីប្រកាសទទួលស្គាល់សមាគមន៍ភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ ដែលក្រសួងមហាផ្ទៃបានចេញប្រកាសទទួលស្គាល់ជាផ្លូវការ កាលពីថ្ងៃទី១៨…
ខេត្តព្រះសីហនុ ៖ នៅរសៀលថ្ងៃទី០៧ ខែកុម្ភៈ ឆ្នាំ២០១៨ នេះ នៅសាលប្រជុំសាលាខេត្តព្រះសីហនុ មានប្រារព្ធពិធីប្រកាសទទួលស្គាល់សមាគមន៍ភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ ដែលក្រសួងមហាផ្ទៃបានចេញប្រកាសទទួលស្គាល់ជាផ្លូវការ កាលពីថ្ងៃទី១៨ ខែមករា ឆ្នាំ២០១៨ កន្លងមក ។
ពិធីនេះប្រព្រឹត្តិទៅក្រោមអធិបភាព លោក ថោង ខុន រដ្ឋមន្ត្រីក្រសួងទេសចរណ៍ និងលោក យន្ត មីន អភិបាលខេត្តព្រះសីហនុ ព្រមទាំងវត្តមានមន្ត្រីអ្នកមុខអ្នកការតាមមន្ទីរអង្គភាពស្ថាបនរដ្ឋ និងខាងវិសយ័ឯកជនជាច្រើនទៀតក្នុងខេត្ត ។ សមាគមន៍ភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ ត្រូវបានរដ្ឋបាលខេត្តបង្កើតឲ្យមានសមាគមន៍នេះឡើង ដោយចងក្រងឲ្យក្រុមហ៊ុនទូកទេសចរណ៍ទាំងអស់នៅខេត្តព្រះសីហនុចូលជាសមាគមន៍មួយ ដើម្បីធ្វើសហប្រតិបត្តិការណ៍ជាមួយអជ្ញាធរខេត្ត និងផ្នែកពាក់ព័ន្ធ ក្នុងគោលបំណងធ្វើឲ្យសេវាកម្មដឹកជញ្ជូនទេសចរណ៍តាមផ្លូវទឹកក្នុងខេត្តព្រះសីហនុ ប្រព្រឹត្តិទៅដោយរលូន និងមានតម្លាភាព ស្របតាមផ្លូវច្បាប់ និងរក្សាបានល្អនូវសុវត្ថិភាពជូនភ្ញៀវទេសចរណ៍ជាតិ និងទេសចរណ៍បរទេស ក្នុងនោះតាមរយៈការបោះឆ្នោតនៅសាលាខេត្តព្រះសីហនុ លោកឧកញ៉ា ទៀ វិចិត្រ ប្រធានក្រុមហ៊ុនដឹកជញ្ជូនតាមនាវា (GTVC) បានជាប់ឆ្នោតជាប្រធានសមាគមន៍ភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ ។
ក្រោយទទួលបានប្រសាសន៍ផ្តាំផ្ញើពី លោកអភិបាលខេត្តព្រះសីហនុ និងប្រសាសន៍ផ្តាំផ្ញើពីរ លោករដ្ឋមន្ត្រីក្រសួងទេសចរណ៍ រួចមក លោកឧកញ៉ា ទៀ វិចិត្រ ក៏បានថ្លែងនូវការប្តេជ្ញាចិត្តក្នុងការដឹកនាំសកម្មភាពសមាគមន៍ភ្នាក់ងារដឹកជញ្ជូនទេសចរណ៍ជលយានខេត្តព្រះសីហនុ ឲ្យមានដំណើរល្អទទួលបានផលប្រយោជន៍ទាំងផ្នែកអាជីវកម្មផង និងផលប្រយោជន៍ជារួមសម្រាប់ខេត្តព្រះសីហនុក៍ដូចជាសង្គមជាតិទាំងមូលផងដែរ ៕
ចែករំលែកព័តមាននេះ