ខេត្តក្រចេះ ៖ អ្នកភូមិនៅឃុំចង្ក្រង់ ស្រុកចិត្របុរី ហាក់មិនសម្តែងការចាប់អារម្មណ៍ទៅនឹង រូបស្ពាន់ធំៗចំនួន២សម្រាប់ដែលមានរចនាបថបែបចិន-វៀតណាមនៅពេលបុរសនៅ ក្នុងភូមិម្នាក់អះអាងថា រូបស្ពាន់ទាំងនេះជាវត្ថុបុរាណដែលគាត់រកឃើញនៅគល់ឈើមួយ នៅខោងក្រោយផ្ទះតាមការយល់សប្តិនោះ ។…
ខេត្តក្រចេះ ៖ អ្នកភូមិនៅឃុំចង្ក្រង់ ស្រុកចិត្របុរី ហាក់មិនសម្តែងការចាប់អារម្មណ៍ទៅនឹង រូបស្ពាន់ធំៗចំនួន២សម្រាប់ដែលមានរចនាបថបែបចិន-វៀតណាមនៅពេលបុរសនៅ ក្នុងភូមិម្នាក់អះអាងថា រូបស្ពាន់ទាំងនេះជាវត្ថុបុរាណដែលគាត់រកឃើញនៅគល់ឈើមួយ នៅខោងក្រោយផ្ទះតាមការយល់សប្តិនោះ ។ តែអ្នកភូមិចាត់ទុកថា នេះការភូតកុហកបោក ប្រាស់របស់បុរសនៅក្នុងភូមិរូបនេះតែប៉ុណ្ណោះ ។
រូបឃ្លោក និងរូបគីង្គក់ ធ្វើពីស្ពាន់មានរចនាបថតាមបែបបុរាណចិន-វៀតណាម មានទំហំធំៗចំនួន២សម្រាប់ ត្រូវបានបុរសម្នាក់ឈ្មោះ ញិះ អឿន ហៅជាតិ អាយុ៥១ឆ្នាំ រស់ នៅចំណុចត្រពាំងត្រាំង ក្នុងភូមិកសាង ឃុំចង្ក្រង់ ស្រុកចិត្របុរី បានយកមកបង្ហាញអ្នកនៅក្នុងភូមិក៏ដូចជាអាជ្ញាធរ ដោយអះអាងថា រូបស្ពាន់ទាំងនេះជាវត្ថុបុរាណដែលរូបគាត់បានរកឃើញនៅក្នុងគល់ឈើនៅព្រៃខាងក្រោយភូមិ ។
អ្នកភូមិបានសម្រង់សម្តីបុរសដែលអះអាងថា បានរកឃើញវត្ថុបុរាណរូបនេះទៀតថា ក្រោយពេលដែលគាត់ដេកយល់សប្តិថា មានគេប្រាប់ឲ្យទៅជីកដីគល់ឈើនៅខាងក្រោយផ្ទះ បុរសរូបនេះក៏ទៅជីកតាមទាំងយប់ និងបានឃើញវត្ថុបុរាណទាំងបីនេះ ។ ក្នុងនោះមានឃ្លោក ១ និងគីង្គគ់ចំនួន២ ។ ជាមួយនឹងការអះអាងពីការប្រទះឃើញនេះអ្នកភូមិក៏ដូចជាអាជ្ញាធរហាក់មិនចាប់អារម្មនោះទេ ។
ដោយពួកគាត់គិតថា ប្រហែលជាបុរសរូបនេះចាញ់បោកគេរឿងទិញលក់វត្ថុបុរាណ និងក៏បានយកវត្ថុទាំងនេះធ្វើជាវត្ថុបុរាណដើម្បីលក់បន្ត ។ មួយវិញទៀតពួកគាត់គិតថា បុរស រូបនេះអាចទៅទិញរបស់ទាំងនេះពីកន្លែងណាមួយ និងបានយកមកធ្វើរូបភាពជារកឃើញ វត្ថុបុរាណដើម្បីលក់បន្តក្នុងតម្លៃថ្លៃ ។
មន្ត្រីនគរបាលប៉ុស្តិ៍រដ្ឋបាលចង្ក្រង់បានឲ្យដឹងថា ក្រោយពីមានការនិយាយតៗគ្នាខាង មន្ទីរវប្បធម៌ក៏បានចាត់ឲ្យមន្ត្រីរបស់ខ្លួនមកមើលវត្ថុទាំងនេះកាលបីថ្ងៃចុងសប្តាហ៍ ។ បើតាម មន្ត្រីនៃមន្ទីរវប្បធម៌បានវាយតម្លៃថា វត្ថុទាំង៣នេះមិនមែនជាវត្ថុបុរាណដូចតាមការលើក ឡើងរបស់បុរសនេះនោះទេ ។ ដោយក្រុមមន្ត្រីបានសំអាងលើហេតុផលច្រើនទើបឈានឲ្យ មានក៏សន្និដ្ឋានបែបនេះ ។
មន្ត្រីប៉ុស្តិ៍នគរបាលរដ្ឋបាលបានឲ្យដឹងទៀតថា អាជ្ញាធរស្រុកបាន ចាត់ឲ្យមន្ត្រីជំនាញទៅពិនិត្យមើលហើយប្រសិនបើរបស់នោះជារបស់វត្ថុបុរាណមែនគឺខាង អាជ្ញាធរ និងជាវក្នុងតម្លៃណាមួយដើម្បីយកទៅរក្សាទុកនៅវត្ត ។ តែក្រោយពិនិត្យឃើញថាវត្ថុ ទាំងនេះមិនមែនជាវត្ថុបុរាណទៅវិញនោះក៏មិនមានការជាវនោះដែរ ៕
ចែករំលែកព័តមាននេះ