ខេត្តតាកែវ ៖ កម្លាំងនគរបាលស្រុកគីរីវង់ បានធ្វើការឃាត់ខ្លួនក្រុមក្មេងទំនើងចំនួន០៤នាក់ កាលពីវេលាម៉ោង១៦និង៤០នាទី ថ្ងៃទី០៤ ខែកុម្ភះ ឆ្នាំ២០១៨ រួមជាមួយវត្ថុតាង រួចកសាងសំណុំរឿងបញ្ជូនបន្ត…
ខេត្តតាកែវ ៖ កម្លាំងនគរបាលស្រុកគីរីវង់ បានធ្វើការឃាត់ខ្លួនក្រុមក្មេងទំនើងចំនួន០៤នាក់ កាលពីវេលាម៉ោង១៦និង៤០នាទី ថ្ងៃទី០៤ ខែកុម្ភះ ឆ្នាំ២០១៨ រួមជាមួយវត្ថុតាង រួចកសាងសំណុំរឿងបញ្ជូនបន្ត មកការិយាល័យព្រហ្មទណ្ឌកម្រិតស្រាលខេត្តចាត់ការបន្ត ។
លោកវរសេនីឯក យុគ សារ៉ាត់ អធិការនគរបាលស្រុកគីរីវង់បានឲ្យដឹងថា ក្រុមក្មេងទំនើងដែលបានឃាត់ខ្លួននោះ មាន ទី១- ឈ្មោះ ង៉ែត ធូ (ហៅពៀច) ភេទប្រុស អាយុ២៦ឆ្នាំ រស់នៅភូមិផ្សារ ឃុំភ្នំដិន ស្រុកគិរីវង់ (មុខសញ្ញាជួញដូរគ្រឿងញៀន និងបង្កការអុកឡុកក្នុងកម្មវិធីផ្សេងៗ ហើយពូកែដើរលួចស្រូវរបស់អាជីករដែលដឹកយកទៅលក់ឲ្យយួន ទី២- ឈ្មោះ សឿង សុបាន (ហៅកុង) ភេទប្រុស អាយុ២១ឆ្នាំ រស់នៅភូមិផ្សារ ឃុំភ្នំដិន ស្រុកគិរីវង់ (មុខសញ្ញាជួញដូរគ្រឿងញៀន និងបង្ករការអុកឡុកក្នុងកម្មវិធីផ្សេងៗ និងធ្លាប់ជាប់គុកនៅព្រែស រយៈពេល៦ខែ ពីបទចែកចាយគ្រឿងញៀន ទី៣- ឈ្មោះ មេន បូផា (ហៅកន្តុរ) ភេទប្រុស អាយុ២០ឆ្នាំ រស់នៅភូមិទទឹង ឃុំភ្នំដិន ស្រុកគិរីវង់ (មុខសញ្ញាជួញដូរគ្រឿងញៀន និងបង្កការអុកឡុកក្នុងកម្មវិធីផ្សេងៗ) ទី៤- ឈ្មោះ ឯម ភារម្យ ហៅតុង) ភេទប្រុស អាយុ១៦ឆ្នាំរស់នៅភូមិផ្សារ ឃុំភ្នំដិន ស្រុកគិរីវង់ ។
លោកអធិការនគរបាលស្រុកបានបន្តទៀតថា មុនពេលកើតក្រុមក្មេងទំនើងទាំងនេះ បានជិះម៉ូតូ០២គ្រឿង ទៅកាស៊ីណូ(ថ្នល់ដាច់)ក្នុងភូមិផ្សារ ឃុំភ្នំដិន ស្រុកគិរីវង់ ដោយនៅក្នុងម៉ូតូពួកគេមានលាក់ដាវ និងកាំបិតក្នុងបំណងបង្កការអុកឡុក ឬក៏អាចឈានដល់បង្កបទល្មើស ។
ក្រោយមកក្រុមសន្តិសុខកាស៊ីណូតាកែវ បានឃើញក៏រាយការណ៍ជូនសមត្ថកិច្ច រួចបានធ្វើការឃាត់ខ្លួនមកកាន់អធិការដ្ឋានគរបាលស្រុកគិរីវង់សាកសួ ។
ចំពោះមុខប៉ូលិសក្រុមក្មេងទំនើងបាននិយាយសារភាពថា ពួកគេពិតជាមានបំណងអុកឡុកពិតប្រកដមែន ។ លោកវរសេនីឯក យុង ញីវ នាយការិយាល័យព្រហ្មទណ្ឌកម្រិតស្រាលខេត្តបានឲ្យដឹងថា ក្រុមក្មេងទំនើងត្រូវបញ្ជូនមកដល់ការិយាល័យរបស់លោកហើយ យោងតាមរបាយការខាងប៉ូលិសស្រុកគីរីវង់ក្រុមក្មេងទំនើងទាំង៤នាក់នេះ ពិតជាក្មេងទំនើងមិនធម្មតាមែន ហើយបានកសាងសំណុំរឿង ដើម្បីបញ្ជូនក្រុមក្មេងទំនើងទាំង៤នាក់ និងវត្ថុងតាងទៅសាលាដំបូងខេត្តនៅព្រឹកថ្ងែទី០៦ ខែកុម្ភៈនេះចាត់ការទៅតាមច្បាប់ ៕
ចែករំលែកព័តមាននេះ