រាជធានីភ្នំពេញ ៖ ក្រុមហ៊ុន Sony បានរៀបចំព្រឹត្តិការណ៍ពិព័រណ៍ផលិតផលស៊េរីថ្មីច្រើនម៉ូឌែល Sony Alpha Festival ឆ្នាំ២០១៨ រយៈពេល៣ថ្ងៃគិតចាប់ពីថ្ងៃទី២៦-២៨ ខែមករា ឆ្នាំ ២០១៨នេះ នៅផ្សារទំនើបអ៊ីអនម៉ល ទីតាំងនៅ Daylight plaza ជាមួយនឹងការផ្ដល់នូវប្រម៉ូសិនកប់ស៊េរី ថែមអស់ស្ទះពិសេសជាងពេលណាណាទាំងអស់ សម្រាប់អ្នកស្រឡាញ់ចូលចិត្តកាមេរ៉ា និងការថតរូប ។
ក្នុងព្រឹត្តិការណ៍ដ៏ពិសេសរយៈពេល៣ថ្ងៃពេញនោះ ក៏មានការអញ្ជើញវាគ្មិនជំនាញលើវិស័យថតរូបចំនួន ៥ នាក់ រួមមានលោក ពូ ស៊ែម លោក គឹម សុវណ្ណា លោក សួង ម៉ាឌី លោក មាស រស្មី និងលោក ឆេង សុភ័ក្រ ឡើងមកធ្វើបទបង្ហាញអំពីប្រធានបទផ្សេងៗគ្នាសម្រាប់ចែកជូនអ្នកចូលរួម ដើម្បីទទួលបានបទពិសោធន៍ និងចំណេះដឹងបន្ថែម ពីគន្លឹះនៃការថត ការចាប់ប្លង់ របៀបប្រើប្រាស់កាមេរ៉ា និងការកំណត់ពណ៌ជាដើម។
តំណាងក្រុមហ៊ុន Sony មួយរូបបានអោយដឹងថា រាល់ការបញ្ជាទិញកាមេរ៉ាម៉ូដែលណាមួយ នឹងទទួលបានសាច់ប្រាក់មកវិញរហូតដល់ ៣០០ដុល្លារភ្លាមៗ រួមនឹងកាដូរជាច្រើនទៀតទៅតាមម៉ូឌែល ដែលបានជ្រើសរើស។ អ្វីដែលពិសេស រាល់ការជាវកាមេរ៉ា Sony គ្រប់ម៉ូដែល និងឡែន G-Master (G-master Lenses) លោកអ្នកនឹងមានទទួលបានឱកាសឈ្នះទាំងអស់គ្នា រង្វាន់មានដូចជា ទូរទស្សន៍ Sony 32 អ៊ីញ ទូរស័ព្ទដៃ Xperia XA ឧបករណ៍បំពងសំឡេង Sony XB7 កាសស្ដាប់ត្រចៀកគ្មានខ្សែ EX 750BT កាបូបស្ពាយ និងរង្វាន់ផ្សេងៗជាច្រើនទៀត សរុបជាង 9,999 ដុល្លារ ។
មួយវិញទៀត លោកអ្នកអាចធ្វើការសាកសួរសំណួរទាក់ទងនឹងម៉ាស៊ីនថតរូប កម្មវិធីពិសេស ឬធ្វើតេស្តសាកល្បងម៉ាស៊ីនថតរូប និងសាកសួរព័ត៌មាន ដើម្បីទទួលព័ត៌មានបន្ថែម និងងាយស្រួលសម្រេចចិត្តទិញ។ ជាមួយគ្នានេះ អ្នកចូលរួមក៏នឹងទទួលបានសេវាកម្មលាងសម្អាតសេនស័រកាមេរ៉ា (Sensor) ដោយឥតគិតថ្លៃផងដែរ ។
គួរបញ្ជាក់ថា ក្រៅពីកាមេរ៉ា ក្រុមហ៊ុនក៏មានដាក់បង្ហាញ និងលក់នូវស៊េរីទូរស័ព្ទ Sony Xperia និងឧបករណ៍បំពង់សំឡេងអត់ខ្សែ Extra Bass ជាច្រើនម៉ូដែល។ ជាពិសេសចុងក្រោយ គឺអ្នកដែលមានចូលរួមក្នុងកម្មវិធីនេះ ក៏មានឱកាសទទួលបានរង្វាន់ ដូចជាកាបូប និងកាសជាច្រើនរង្វាន់ផងដែរ ៕
ចែករំលែកព័តមាននេះ