ព្រះអង្គម្ចាស់ត្រូវដោះលែង ក្រោយដោះស្រាយរឿងប្រាក់
ប្រទេសអារ៉ាប៊ី សាអ៊ូឌីត ៖ មហាសេដ្ឋីអារ៉ាប៊ី សាអ៊ូឌីត ព្រះអង្គម្ចាស់ AL WALID BEN TALAL…
ប្រទេសអារ៉ាប៊ី សាអ៊ូឌីត ៖ មហាសេដ្ឋីអារ៉ាប៊ី សាអ៊ូឌីត ព្រះអង្គម្ចាស់ AL WALID BEN TALAL…
ប្រទេសអារ៉ាប៊ី សាអ៊ូឌីត ៖ មហាសេដ្ឋីអារ៉ាប៊ី សាអ៊ូឌីត ព្រះអង្គម្ចាស់ AL WALID BEN TALAL ត្រូវបានដោះលែងកាលពីថ្ងៃទី២៧ មករា បន្ទាប់ពីការស្រុះស្រួលគ្នារឿងបង់ប្រាក់ជាមួយអាជ្ញាធរ ក្រោយការចាប់ខ្លួនទ្រង់កាលពីជិត៣ខែមុន ក្នុងក្របខណ្ឌនៃយុទ្ធនាការប្រឆាំងអំពើពុករលួយធំមួយពុំធ្លាប់មានពីមុនមកក្នុងប្រទេសនេះ ។
ព្រះជន្ម៦២ព្រះវស្សា ព្រះអង្គម្ចាស់មហាសេដ្ឋីអង្គនេះជាឥស្សរជនកំពូលមួយក្នុងចំណោមឥស្សរជនប្រមាណជា៣៥០រូប ក្នុងនោះមានបណ្តាព្រះអង្គម្ចាស់ រដ្ឋមន្ត្រី អតីតរដ្ឋមន្ត្រី និងពាណិជ្ជករក្រាក់ៗ ដែលឃុំខ្លួន ពិសេសនៅសណ្ឋាគារទំនើប RITZ CARLTON ក្រុងរីយ៉ាដ ក្នុងក្របខណ្ឌនៃយុទ្ធនាការមួយប្រកាសចាប់ផ្តើមកាលពីថ្ងៃទី៤ វិច្ឆិកា មក ដោយព្រះអង្គម្ចាស់រជ្ជទាយាទ HOHAMMED BEN SALMANE បុត្រាព្រះមហាក្សត្រ និងជាបុរសខ្លាំងរបស់ប្រទេស ។
ប្រភពរដ្ឋាភិបាលមួយអះអាងប្រាប់ AFP ថា អគ្គរដ្ឋអាជ្ញាបានអនុម័តការសម្របសម្រួលគ្នាមួយជាមួយព្រះអង្គម្ចាស់ AL WALID BEN TALAL ហើយព្រះអង្គម្ចាស់អង្គនេះបន្ទាប់មកអាចវិលទៅផ្ទះវិញ ។
រយៈពេលប៉ុន្មានសប្តាហ៍ចុងក្រោយនេះ ឥស្សរជនច្រើនរូបដែលត្រូវចាប់ខ្លួនត្រូវបានដោះលែងវិញ ហើយអគ្គរាជអាជ្ញាអារ៉ាប៊ី សាអ៊ូឌីត លោក CHEIKH SAOUL AL MOJEB ប្រកាសកាលពីខែធ្នូ ថា អ្នកជាប់ឃុំឃាំងភាគច្រើនយល់ព្រមបង់ប្រាក់ជាថ្នូរនឹងការដោះលែងពួកគេ ។
អគ្គរាជអាជ្ញារូបនេះធ្លាប់និយាយថា ការបង់ប្រាក់សម្រាប់បញ្ចូលក្នុងថវិការដ្ឋ ព្រោះអាជ្ញាធរយល់ថា ប្រាក់ទាំងនេះពួកគេប្រមូលតាមផ្លូវមិនល្អ ។ ក្នុងចំណោមឥស្សរជនត្រូវដោះលែងមានព្រះអង្គម្ចាស់ METAB BEN ABDALLAH បុត្រាអតីតព្រះមហាក្សត្រអាប់ដាល់ឡាហ៍ ។ ព្រះអង្គម្ចាស់ METAB ត្រូវបង់ប្រាក់ដល់ជាង១ពាន់លានដុល្លារ ដើម្បីបានរួចខ្លួន ៕
ចែករំលែកព័តមាននេះ