រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានរថយន្តមួយគ្រឿងដឹកអ្នកដំណើររបស់ក្រុមហ៊ុន អិលធីស៊ី បានបើកបោះពួយជ្រុលចង្កួតទៅបុកប៉ុស្តិ៍យាមរបស់សិប្បកម្មលីប៉ាក់ផលិតសង្ក័សី បណ្តាលឲ្យបុកប៉ុស្តិ៍យាមតែម្តង កាលពីវេលាម៉ោង១២ថ្ងៃត្រង់នេះ នៅចំណុចផ្លូវលេខ៥៩៨ នៅសង្កាត់ទួលសង្កែទី២…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានរថយន្តមួយគ្រឿងដឹកអ្នកដំណើររបស់ក្រុមហ៊ុន អិលធីស៊ី បានបើកបោះពួយជ្រុលចង្កួតទៅបុកប៉ុស្តិ៍យាមរបស់សិប្បកម្មលីប៉ាក់ផលិតសង្ក័សី បណ្តាលឲ្យបុកប៉ុស្តិ៍យាមតែម្តង កាលពីវេលាម៉ោង១២ថ្ងៃត្រង់នេះ នៅចំណុចផ្លូវលេខ៥៩៨ នៅសង្កាត់ទួលសង្កែទី២ ខណ្ឌឬស្សីកែវ ។
បន្ទាប់ពីកើតមានហេតុការណ៍នេះអ្នកបើកបរបានរត់គេចខ្លួនបាត់ ដែលរថយន្តបង្កពណ៌ខៀវ ស្លាកលេខសៀបរាប ៣A-០៧៧៤ ចំណែកអ្នកបើកមិនស្គាល់អត្តសញ្ញាណឡើយ ។
មុនពេលកើតហេតុ គេឃើញរថយន្តដឹកអ្នកដំណើរតាមផ្លូវ៥៩៨ ក្នុងទិសដៅពីត្បូងទៅជើង លុះដល់ចំណុចកើតហេតុមិនដឹងជាមូលហេតុអី ក៏បានរេចង្កួតមកស្តាំដៃប៉ះផ្លាកកំណត់ល្បឿន បណ្តាលឲ្យបាក់ដល់ដី ហើយរថយន្តជ្រុលទៅបុកប៉ុស្តិ៍យាមសិប្បកម្មខាងលើតែម្តង នៅក្នុងហេតុការណ៍នោះដែរសន្តិសុខដែលនៅកន្លែងយាមបានភ័យស្លន់ស្លោណាស់ តែសំណាងល្អដែលរត់គេចខ្លួនចេញ ដោយសារគាត់មើលពីចម្ងាយឃើញរថយន្តនោះសម្តៅមករកបុកគាត់ហើយរួចក៏ប្រឹងរត់ចេញយ៉ាងលឿន ។
ពេលនេះសមត្ថកិច្ចកំពុងធ្វើការវាស់វែង ត្រួតពិនិត្យទៅតាមហេតុការណ៍ និងបន្តទៅតាមវិធីច្បាប់ ៕
ចែករំលែកព័តមាននេះ