ខេត្តព្រះសីហនុ ៖ គយចល័តសាខាខេត្តព្រះសីហនុ ដឹកនាំដោយលោក ឡុច ស៊ីផេន ប្រធានគយចល័តខេត្ត សហការណ៍ជាមួយសមត្ថកិច្ចពាក់ព័ន្ធ បានចាប់ឃាត់រថយន្តធុនធំសណ្តោងរ៉ឺម៉ក ចំនួន៣គ្រឿង ដើម្បីឲ្យម្ចាស់បង់ពន្ធអាករពិសេស និងតម្លៃបន្ថែមតាមច្បាប់។ សមត្ថកិច្ចបញ្ជាក់ក្នុងរបាយការណ៍ថា ១-រ៉ឺម៉កសណ្តោងមានក្បាលលេខ ៣A-១១១៤ របស់ក្រុមហ៊ុន Cambodia ,for transport Co,.LTD ពុំមានបង្កាន់ដៃគយតំណាងដោយឈ្មោះ ឡេវ ឈុនឡាយ មានទីលំនៅ ភូមិស្វាយឧត្ដម ឃុំសំរោងលើ ស្រុកអង្គស្នួល ខេត្តកណ្តាល។
២-រ៉ឺម៉កសណ្តោងដែលមានក្បាលលេខ កំពង់ស្ពឺ ៣A-១០៧៥ តំណាងដោយឈ្មោះ កេត វីនដា មានទីលំនៅ ភូមិក្រាំងស្យា ឃុំក្រាំងស្យា ស្រុកភ្នំស្រួច ខេត្តកំពង់ស្ពឺ ពុំមានបង្កាន់ដៃគយ ៣-រ៉ឺម៉កសណ្តោងដែលមានលេខ ភ្នំពេញ ៣D-២៤៦២ តំណាងដោយឈ្មោះ សឹង ហែន មានទីលំ ភូមិឈ្លៀងលាង ឃុំឈ្លៀងលាង ខេត្តតាកែវ ពុំមានបង្កាន់ដៃគយ។ សកម្មភាពឃាត់រថយន្តនេះ ធ្វើឡើងនៅថ្ងៃទី១២ ខែមករា ២០១៨នេះ វេលាម៉ោងជិត១១ថ្ងៃត្រង់ តាមផ្លូវជាតិលេខ៣ ភូមិបឹងវែង ឃុំ វាលរេញ ស្រុកព្រៃនប់ ខេត្តព្រះសីហនុ។ រថយន្តទាំងបីគ្រឿងសមត្ថកិច្ចបានយកទៅរក្សាទុក នៅសាខាគយ ខេត្តព្រះសីហនុដើម្បីបន្តនីតិវិធី៕
ចែករំលែកព័តមាននេះ