សហរដ្ឋអាមេរិក ៖ អ្នកទោស១១នាក់នៃពន្ធនាគារយោធាអាមេរិកហ្គង់តាណាម៉ូកាលពីថ្ងៃទី១១ មករា បានប្តឹងប្រឆាំងប្រធានាធិបតីសហរដ្ឋអាមេរិក លោកដូណាល់ ត្រាំ ដោយអះអាងថា ពួកគេត្រូវជាប់គុកដោយខុសច្បាប់ ព្រោះតែពួកគេជាជនអ៊ិស្លាម…
សហរដ្ឋអាមេរិក ៖ អ្នកទោស១១នាក់នៃពន្ធនាគារយោធាអាមេរិកហ្គង់តាណាម៉ូកាលពីថ្ងៃទី១១ មករា បានប្តឹងប្រឆាំងប្រធានាធិបតីសហរដ្ឋអាមេរិក លោកដូណាល់ ត្រាំ ដោយអះអាងថា ពួកគេត្រូវជាប់គុកដោយខុសច្បាប់ ព្រោះតែពួកគេជាជនអ៊ិស្លាម ។
ដោយលើកពីការអះអាងទាំងឡាយរបស់ពួកអ្នកប្រឆាំងនឹងក្រឹត្យប្រធានាធិបតីប្រឆាំងអន្តោប្រវេសន៍ដែលសំដៅមុនគេតែទៅលើបណ្តាប្រទេសមានអ្នកកាន់សាសនាអ៊ិស្លាមភាគច្រើនអ្នកទោសទាំងនេះបានរៀបរាប់ក្នុងពាក្យបណ្តឹងពួកគេពីបណ្តាសារ TWITTER និងសេចក្តីថ្លែងការណ៍នានាទៀតរបស់លោកត្រាំ ដែលពួកគេថា បង្ហាញពីទោសកំហុសប្រឆាំងអ៊ិស្លាម ។
អ្នកទោសទាំងនោះក៏ធ្វើអត្ថាធិប្បាយផងដែរលើប្រការដែលលោកត្រាំ ថា គ្មានអ្នកទោសហ្គង់តាណាម៉ូណាម្នាក់ ថ្ងៃណាមួយទទួលបានការដោះលែងឡើយ ។ ពួកគេថា នេះជាជំហរខុសពីជំហររបស់រដ្ឋការមុនៗ ដែលយល់ថា សភាពការណ៍អ្នកទោសទាំងនេះ ដែលនៅសល់៤១នាក់ ក្នុងចំណោមអ្នកទោស៧៧៥នាក់នៅហ្គង់តាណាម៉ូកាលពីប៉ុន្មានឆ្នាំមុនត្រូវពិនិត្យឡើងវិញ ឬពួកគេត្រូវនាំទៅកាត់ទោសនៅមុខតុលាការយោធាមួយ ។
ពាក្យបណ្តឹងបន្តថា លោកត្រាំ នាពេលថ្មីៗនេះចង់ឱ្យជនអ៊ិស្លាមដែលសម្លាប់មនុស្សច្រើននាក់នៅក្រុងញូវយ៉កគួរបញ្ជូនទៅហ្គង់តាណាម៉ូ ហើយបាត់បង់ដំណើរការរដ្ឋធម្មនុញ្ញ ខណៈដែលលោកពុំស្នើឱ្យពួកឃាតករស្បែកសត្រូវដកហូតដំណើរការនោះដែរឡើយ ។
ពាក្យបណ្តឹងទាំងនេះត្រូវបានដាក់ជូនតុលាការសហព័ន្ធមួយនៃក្រុងវ៉ាស៊ីនតោននាឱកាសខួបលើកទី១៦នៃការបើកមជ្ឈមណ្ឌលឃុំឃាំងហ្គង់តាណាម៉ូ ។ អ្នកទោសទាំងនេះក៏ទាមទារផងដែរឱ្យពួកអ្នកទោសដែលមួយចំនួនជាប់ឃុំឃាំងចាប់តាំងពីឆ្នាំ២០០២មក គួរទទួលបានការចោទប្រកាន់ ឬត្រូវដោះលែង ។ ពួកគេថា ប្រការដែលរដ្ឋការលោកត្រាំ បញ្ជូនសញ្ញាថា ខ្លួនពុំមានចេតនាថ្ងៃណាមួយដោះលែងពួកគេគឺជាការផ្ទុយទៅនឹងច្បាប់អាមេរិក ព្រមទាំងច្បាប់អន្តរជាតិ ៕
ចែករំលែកព័តមាននេះ