ផ្លូវមួយខ្សែទទឹង២៦ម៉ែត្រកំពុងតែបើកការដ្ឋានសាងសង
ខេត្តបន្ទាយមានជ័យ ៖ ផ្លូវជាតិដែលធំមួយមានទទឹង២៦ម៉ែត្រ នៅទិសពាយព្យនៃប្រទេសកម្ពុជា បាននឹងកំពុងស្ថាបនាជាបណ្ដើរៗ ដោយក្រុមហ៊ុនជប៉ុន ក្នុងខេត្តបន្ទាយមានជ័យ ។ លោក រ័ត្ន…
ខេត្តបន្ទាយមានជ័យ ៖ ផ្លូវជាតិដែលធំមួយមានទទឹង២៦ម៉ែត្រ នៅទិសពាយព្យនៃប្រទេសកម្ពុជា បាននឹងកំពុងស្ថាបនាជាបណ្ដើរៗ ដោយក្រុមហ៊ុនជប៉ុន ក្នុងខេត្តបន្ទាយមានជ័យ ។
លោក រ័ត្ន ដាស៊ីណង់ អភិបាលស្រុកមង្គលបូរី បានប្រាប់ថា អាជ្ញាធរស្រុករួមជាមួយមន្ត្រីគណៈកម្មការបានណែនាំ និងជំរុញឲ្យក្រុមហ៊ុនអគ្គិសនី និងបណ្ដាញខ្សែកាប និងសំណង់ប៉ះពាល់ជួយសម្រួលដល់ការងារស្ថាបនាផ្លូវមួយនេះ ។
លោកបានបញ្ជាក់ថា ក្រោយពេលដែលមានការណែនាំ ហើយក្រុមហ៊ុនឯកជន និងប្រជាពលរដ្ឋបាននាំគ្នាកំពុងរុះរើរៀបចំជាបណ្ដើរៗហើយ ឲ្យក្រុមហ៊ុនក៏កំពុងតែស្ថានាផ្លូវមួយខ្សែនេះ ជាពិសេសនៅចំណុចដែលមិនប៉ះពាល់ ។
លោក គឹម សុវណ្ណ ប្រធានមន្ទីសាធារណៈការ និងដឹកជញ្ជូនខេត្តបន្ទាយមានជ័យ បានបញ្ជាក់ថា ផ្លូវជាតិលេខ៥ ដែលកំពុងស្ថាបនាថ្មីនេះ ដោយក្រុមហ៊ុនជប៉ុន គឺកសាងពីខេត្តបាត់ដំបងដល់ខេត្តបន្ទាយមានជ័យ និងក្រុងប៉ោយប៉ែត ជាប់ព្រំដែនជាង១០០គីឡូម៉ែត្រ ដែលកសាងផ្លូវជា៦កន្លង ៣ទៅ ៣មក ដែលមានសួន ឬរបាំងផ្លូវ ដាក់កណ្តាលដែលមានទទឹង២៦ម៉ែត្រ ម្ខាង១៣ម៉ែត្រ ម្ខាងមានផ្លូវកន្លងថយន្ត២ និងផ្លូវសម្រាប់ម៉ូតូ និងកង១កន្លង ។
លោកបានបញ្ជាក់ថា ផ្លូវជាតិលេខ៥ ដែលកំពុងស្ថាបនាថ្មីនេះ ជាជំនួយថវិកាជប៉ុន និងដោះស្រាយផលប៉ះពាល់ដោយរាជរដ្ឋាភិបាលកម្ពុជា ដែលត្រូវបានដោះស្រាយ ហើយកំពុងស្ថាបនាជាបណ្ដើរៗ នៅខេត្តបាត់ដំបង និងខេត្តបន្ទាយមានជ័យ ស្រុកមង្គលបូរី ជាជំហានដំបូងកសាងស្ពាន និងប្រព័ន្ធលូ ៕
ចែករំលែកព័តមាននេះ