សហរដ្ឋអាមេរិក ៖ ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី១៨ ធ្នូ បានលាតត្រដាងពីយុទ្ធសាស្ត្រសន្តិសុខជាតិថ្មីជាលើកដំបូងចាប់តាំងពីលោកឡើងកាន់អំណាចមក ។ លោកត្រាំ…
សហរដ្ឋអាមេរិក ៖ ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី១៨ ធ្នូ បានលាតត្រដាងពីយុទ្ធសាស្ត្រសន្តិសុខជាតិថ្មីជាលើកដំបូងចាប់តាំងពីលោកឡើងកាន់អំណាចមក ។
លោកត្រាំ ចាត់ទុកចិន និងរុស្ស៊ីថាជាសត្រូវសំខាន់ក្នុងកម្រិតពិភពលោក ជាការប្រកួត
ប្រជែងដែលលោកថា គំរាមកំហែងដោយផ្ទាល់ដល់សន្តិសុខ និងភាពរុងរឿងរបស់សហរដ្ឋអាមេរិក ។
ក្នុងឯកសារមួយស្តីពីយុទ្ធសាស្ត្រ ថ្មីរបស់លោកត្រាំ ខាងផ្នែកសន្តិសុខជាតិសេតវិមានវាយតម្លៃជាពិសេសថា តាមរយៈរូបភាពថ្មីៗនៃតាក់ទិកប្រឆាំង រុស្ស៊ីជ្រៀតជ្រែកចូលកិច្ចការនយោបាយរបស់ប្រទេសជាច្រើនលើពិភពលោក ។
ឯកសារនេះពុំលើកចំៗពីការលូកដៃរបស់ក្រុងមូស្គូចូលក្នុងយុទ្ធនាការបោះឆ្នោតប្រធា
នាធិបតីអាេមរិកកាលពីឆ្នាំ២០១៦ឡើយ តែបរិហារពីការវាយប្រហារខាងព័ត៌មានវិទ្យាដែលជះឥទ្ធិពលដល់មតិសាធារណៈលើពិភពលោក ។
ក្នុងសុន្ទរកថាមួយឯអគារខ្ពស់ RONALD REAGAN ក្រុងវ៉ាស៊ីនតោនមុខមនុស្សប្រមាណ៦៥០នាក់ លោកត្រាំ សង្កត់ធ្ងន់លើ «AMERICA FIRST» (គិតដល់អាមេរិកមុនគេ) ជាពាក្យស្លោកក្នុងយុទ្ធនាការឃោសនាបោះឆ្នោតរបស់លោក ។
យុទ្ធសាស្ត្រសន្តិសុខជាតិអាេមរិកនេះចាត់ទុកចិន និងរុស្ស៊ីថាជា «មហាអំណាចសើរើនិយម» ហើយក្នុងសុន្ទរកថារបស់លោក ប្រធានាធិបតីអាេមរិកនិយាយថា ការខិតខំប្រឹងប្រែងសំដៅបញ្ចូលចិនក៏ដូចរុស្ស៊ីក្នុងបណ្តាស្ថាប័នអន្តរជាតិ ដើម្បីឱ្យក្លាយជាតួអង្គល្អ និងជាដៃគូគួរឱ្យជឿទុកចិត្តត្រូវបរាជ័យ ។
យុទ្ធសាស្ត្រ ថ្មីរបស់រដ្ឋការលោកត្រាំ មានជាពិសេស ការពារប្រជាជាតិ និងប្រជាជន ជំរុញភាពរុងរឿងរបស់អាមេរិក ថែរក្សាសន្តិភាពតាមរយៈកម្លាំង និងពង្រីកឥទ្ធិពលរបស់សហរដ្ឋអាមេរិក ៕
ចែករំលែកព័តមាននេះ