ឥទ្ធិពលខ្យល់កន្ត្រាក់រលំផ្ទះ១៥ខ្នងនៅខេត្តព្រះសីហនុ
- ព្រះវិហារ
ព្រះសីហនុ ៖ នៅថ្ងៃទី១៧ ខែធ្នូ ឆ្នាំ២០១៧ ប្រជាពលរដ្ឋចំនួន៣ឃុំ គឺឃុំសាមគ្គី ឃុំទិកល្អក់ និងឃុំទឹកថ្លា ឃុំទាំង៣នេះនៅតាមដងផ្លូវជាតិលេខ៣…
ព្រះសីហនុ ៖ នៅថ្ងៃទី១៧ ខែធ្នូ ឆ្នាំ២០១៧ ប្រជាពលរដ្ឋចំនួន៣ឃុំ គឺឃុំសាមគ្គី ឃុំទិកល្អក់ និងឃុំទឹកថ្លា ឃុំទាំង៣នេះនៅតាមដងផ្លូវជាតិលេខ៣…
ព្រះសីហនុ ៖ នៅថ្ងៃទី១៧ ខែធ្នូ ឆ្នាំ២០១៧ ប្រជាពលរដ្ឋចំនួន៣ឃុំ គឺឃុំសាមគ្គី ឃុំទិកល្អក់ និងឃុំទឹកថ្លា ឃុំទាំង៣នេះនៅតាមដងផ្លូវជាតិលេខ៣ (វាលរេញ-កំពត) ក្នុងស្រុកព្រៃនប់ បានទទួលរងនូវឥទ្ធិពលខ្យល់កន្ត្រាក់ បណ្ដាលឲ្យសំណង់សាធារណៈមួយចំនួនរងគ្រោះខូចខាត និងមានផ្ទះប្រជាពលរដ្ឋជាច្រើនខ្នងបានរងនូវការខូចខាតប៉ើងដំបូល និងរលំផ្ទះ ។
តាមសេចក្តីរាយការណ៍ពីអាជ្ញាធរស្រុកព្រៃនប់ លោក សរ កក្កដា អភិបាលស្រុកបានឲ្យដឹងថាខ្យល់កន្ត្រាក់ (ជាខ្យល់រដូវ) បានបក់បោកមកលើលំនៅឋានប្រជាពលរដ្ឋឃុំទាំង៣ កាលពីថ្ងៃទី១៧ ខែធ្នូ ឆ្នាំ២០១៧ នេះ ធ្វើឲ្យមានការខូចខាតលំនៅដ្ឋានរបស់ប្រជាពលរដ្ឋ ដែលភាគច្រើនធ្វើពីឈើ ប្រក់ស័ង្កសីបានប៉ើងដំបូល និងរលំ ។ តាមរបាយការណ៍សាខាកាកបាទក្រហម និងអាជ្ញាធរជំហានដំបូង បានឱ្យដឹងថា ចំនួន១៥ខ្នងផ្ទះរងគ្រោះធ្ងន់ នេះមិនទាន់គិតប៉ើងដំបូលបន្តិចបន្ទូចរបរយផ្ទះនោះទេ ។ ខូចខាតដោយបាក់រលំប៉ើងដំបូល និងជញ្ជាំង ហើយសាលារៀនមួយ១ខ្នងនៅក្នុងឃុំសាមគ្គី ក៏រងនូវកាប៉ើងដំបូលផងដែរ ។ ទោះជាយ៉ាងនេះក្តីមិនមាន ការប៉ះពាល់ដល់អាយុជីវិតមនុស្ស និងសត្វនោះទេ ។
ក្រោយពីកើតហេតុនៅពេលកន្ត្រាក់ មន្ត្រីអាជ្ញាធរខេត្តស្រុកឃុំ និងអង្គភាពពាក់ព័ន្ធមួយចំនួនទៀត ពិសេសសាខាកាកបាទក្រហមកម្ពុជាខេត្ត បានផ្ដល់ជំនួយចុះទៅពិនិត្យ និងវាយតម្លៃអំពីការខូចខាត ដើម្បីរៀបចំជាគោលការណ៍សង្គ្រោះជាបន្ទាន់ផងដែរ ។
នៅថ្ងៃទី១៨ ខែធ្នូ ឆ្នាំ២០១៧ ក្នុងជំហ៊ានដំបូង លោក យន្ត មីន អភិបាល នៃគណៈអភិបាលខេត្តព្រះសីហនុ និងជាប្រធានកិត្តិយសសាខាកាកបាទក្រហមខេត្តព្រះសីហនុ អមដំណើរដោយ លោក សំ សំអាត អនុប្រធានសាខាកាកបាទក្រហមខេត្ត តំណាងលោក លូ គឹមឈន់ ប្រធានគណៈកម្មាធិការសាខាកាកបាទក្រហមខេត្តព្រះសីហនុ បានដឹកនាំមន្ត្រីសាខា និងមន្ត្រីមូលដ្ឋាន និងក្រុមកាងារចុះជួយឃុំនាំយកស្បៀងអាហារសម្ភារ និងថវិកាទៅឧបត្ថម្ភប្រជាពលរដ្ឋរងគ្រោះធ្ងន់ធ្ងរក្នុងជំហ៊ានដំបូង ចំនួន១៥គ្រួសារ ។ ហើយសម្រាប់ឃុំសាមគ្គី លោក ជាម ហ៊ីម ប្រធានក្រុមប្រឹក្សាខេត្តតាមរយៈ លោក នេន ចំរើន នាយខ័ណ្ឌរដ្ឋបាលជលផលកំពង់សោម បានជួយឧបត្ថម្ភជួយជុសជួលឡើងវិញលំនៅឋានចំនួន៤ខ្នងផ្ទះ ក្នុងឃុំសាមគ្គីដែលរងគ្រោះធ្ងន់ និងក្នុងគ្រួសារដែលមានជីវភាពខ្វះខាត ។
អំណោយដែលចែកជូនក្នុងពេលនោះមាន មួយគ្រួសារៗទទួលបានអង្ករ២៥គីឡូ តង់ប្រក់១ កន្ទេល១ និងឃីត១កញ្ចប់ ក្នុងនោះមាន មុង១ ភួយ១ សារុង១ ក្រមា១ ត្រីខ មី និងថវិកា១០ម៉ឺនរៀល ។ ដោយឡែក លោក យន្ត មីន អភិបាលខេត្តព្រះសីហនុ តាមរយៈក្រុមការងារចុះជួយឃុំសាមគ្គីបានជួយគ្រួសារក្រីក្រទទួលរងគ្រោះដោយខ្យល់កន្ត្រាក់នេះមួយគ្រួសារ នៅភូមិបឹងរាំងឃុំសាមគ្គីស្ត្រីមេម៉ាយទើបតែបង្កើតកូនបាន៧ថ្ងៃ ដោយស្វាមីរត់ចោលហើយ នៅជាមួយម្ដាយចាស់ជរាគ្មានទីពឹងផងនោះ តាមរយះក្រុមការងារចុះជួយឃុំសាមគ្គី បានជួយធ្វើផ្ទះជូនគាត់ទាំងស្រុង បន្ទាប់ពីរងគ្រោះនៅខ្យល់កន្ត្រាក់កាលពីថ្ងៃទី១៧ ខែធ្នូ ឆ្នាំ២០១៧ នេះ នៅក្នុងឱកាសនោះ លោក យន្ត មីន បានជួយឧបត្ថម្ភបន្ថែមទៀតនូវថវិកា និងសម្ភារប្រើប្រាស់មួយចំនួនទៀតជូនដល់គ្រួសារនេះផងដែរ ៕
ចែករំលែកព័តមាននេះ