រាជធានីភ្នំពេញ ៖ យុវជនមួយក្រុមបាននាំគ្នាចេញពីក្លឹប រួចដេញវាយគ្នាតាមផ្លូវសារធារណៈបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមូលដ្ឋានដេញតាមបង្ក្រាបព្រមទាំងឃាត់ខ្លួនបាន០៦នាក់ កាលពីម៉ោង០១និង៣០នាទីទាបភ្លឺឈានចូលថ្ងៃទី១៧ ខែធ្នូ ឆ្នាំ២០១៧នៅលើកំណាត់ផ្លូវវ៉េងស្រេង ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ។
ប្រភពព័ត៌មានប្រាប់ថា មុនកើតហេតុស្រាប់តែមានយុវជនចំនួន២ក្រុម ក្នុងដៃមានប្រដាប់ខ្សែរក្រវ៉ាត់ ថុំថ្ម និងមួកសុវត្តិភាពបានជិះម៉ូតូប្រដេញវាយគ្នា តាមដងផ្លូវសារធារណៈបង្កភាពភ្ញាក់ផ្អើលដល់ប្រជាពលរដ្ឋ និងសមត្ថកិច្ចមូលដ្ឋានដេញតាមបង្ក្រាបព្រមទាំងឃាត់ខ្លួនបានមនុស្ស០៦នាក់យកមកធ្វើការសាកសួរ ។ ក្រុមយុវជនឈាមរាវខាងលើ មិនត្រូវបានស្គាល់អត្តសញ្ញាណឡើយ ។
សមត្ថកិច្ចបានប្រាប់ថា ក្រុមក្មេងទំនើងដែលឃាត់នេះ សុទ្ធតែមកតាមបណ្តាលខេត្តធ្វើជាកម្មកររោងចក្រ ក្រោយពីសាកសួរនៅប៉ុស្តិ៍ ហើយបានធ្វើការអប់រំ និងហៅអ្នកមកធានាឲ្យត្រឡប់ទៅផ្ទះវិញ ៕
ចែករំលែកព័តមាននេះ