តារាសិច នាង អូហ្គើស អេម៉េស (August Ames) ត្រូវបានប្រទះឃើញស្លាប់នៅសួនឧទ្យានសាធារណៈមួយកន្លែង ដែលការស្លាប់របស់នាងត្រូវបានគេសង្ស័យ ជាការ «អត្តឃាតដោយការចង.ក»…
តារាសិច នាង អូហ្គើស អេម៉េស (August Ames) ត្រូវបានប្រទះឃើញស្លាប់នៅសួនឧទ្យានសាធារណៈមួយកន្លែង ដែលការស្លាប់របស់នាងត្រូវបានគេសង្ស័យ ជាការ «អត្តឃាតដោយការចង.ក» ដោយសារតែនាងបានទុកកំណត់ត្រាធ្វើអត្តឃាតក្នុងឡាន ដោយនិយាយសុំទោសដល់ឪពុកម្តាយរបស់នាង។
តារាសិច នាង អូហ្គើស អេម៉េស មានឈ្មោះពិតថា Mercedes Grabowski មានវ័យត្រឹមតែ២៣ឆ្នាំ ត្រូវបានគេរាយការណ៍ថា នាងបានបើកឡានប្រមាណ ២០ នាទីពីផ្ទះរបស់នាងនៅ Camarillo, California សហរដ្ឋអាមេរិក ទៅធ្វើអត្តឃាតនៅសួនឧទ្យានមួយកន្លែង ហើយគេប្រទះឃើញសាកសពនាងនៅព្រឹកថ្ងៃអង្គារ៍នេះ។
តាមរបាយការណ៍នៃការធ្វើកោសល្យវិនិច្ឆ័យ គឺពុំមានភស្តុតាងណាមួយដែលថា ការស្លាប់របស់នាងពាក់ព័ន្ធនឹងការប្រើប្រាស់គ្រឿងញៀន ឬជាតិអាកុលនោះទេ តែសមត្ថកិច្ចនៅបន្តធ្វើតេស្តផ្សេងទៀត។
ប៉ុន្មានសប្តាហ៍មុននឹងការស្លាប់ដ៏សោកសង្រេងរបស់នាង តារាសិចរូបនេះ ធ្លាប់បើកបង្ហាញថា នាងមានជំងឺធ្លាក់ទឹកចិត្តធ្ងន់ធ្ងរ ដោយសារតែរងការបំពានកាលពីកុមារភាព។ ការប្រទះឃើញសាកសពរបស់នាង តារាសិចរូបនេះធ្លាប់រងនូវការវាយប្រហារដោយពាក្យសម្តីតាមប្រព័ន្ធសង្គមយ៉ាងចាស់ដៃ ដោយសារតែនាងបានបដិសេធថតរឿងសិចមួយជាមួយតារាសិចប្រុសម្នាក់ ។
យ៉ាងណាមិញបងប្រុសរបស់នាងបានបន្ទោសទៅដល់អ្នកដែលបានវាយប្រហារពាក្យសម្តីធ្ងន់ធ្ងរលើតារាស្រីរូបនេះ ដែលធ្វើឱ្យនាងគិតខ្លី ដោយការបញ្ចប់ជីវិតខ្លួនឯង។
ការស្លាប់របស់តារាសិចរូបនេះ បានធ្វើឱ្យស្វាមីរបស់នាង គឺលោក Kevin Moore បាត់បង់មនុស្សសំខាន់របស់ខ្លួន។ លោក Kevin Moore ដែលជាផលិតកររឿងសិចដែលតារាស្រីរូបនេះសម្តែងបាននិយាយថា នាង អូហ្គើស គឺជាមនុស្សមានចិត្តល្អណាស់ ដែលលោកបានជួប៕
ចែករំលែកព័តមាននេះ