សហរដ្ឋអាមេរិក ៖ ប្រធានាធិបតីអាមេរិក លោកដូណាល់ ត្រាំ អះអាងកាលពីយប់ថ្ងៃទី១១ ធ្នូ ពីឆន្ទៈរបស់សហរដ្ឋអាមេរិកបញ្ជូនបណ្តាអ្នកអវកាសទៅកាន់ភពព្រះចន្ទជាលើកដំបូងចាប់តាំងពីឆ្នាំ១៩៧២មក ដើម្បីរៀបចំបេសកកម្មរបស់មនុស្សមួយទៅកាន់ភពព្រះអង្គារ ។…
សហរដ្ឋអាមេរិក ៖ ប្រធានាធិបតីអាមេរិក លោកដូណាល់ ត្រាំ អះអាងកាលពីយប់ថ្ងៃទី១១ ធ្នូ ពីឆន្ទៈរបស់សហរដ្ឋអាមេរិកបញ្ជូនបណ្តាអ្នកអវកាសទៅកាន់ភពព្រះចន្ទជាលើកដំបូងចាប់តាំងពីឆ្នាំ១៩៧២មក ដើម្បីរៀបចំបេសកកម្មរបស់មនុស្សមួយទៅកាន់ភពព្រះអង្គារ ។
ក្នុងពិធីមួយឯសេតវិមាន លោកត្រាំ ថ្លែងថា លើកនេះគេពុំត្រឹមតែដោតទង់ជាតិរបស់យើង និងទុកស្នាមជើងយើងលើភពព្រះចន្ទឡើយ តែយើងនឹងកសាងមូលដ្ឋានមួយនៅទីនោះសម្រាប់បេសកកម្មទៅកាន់ភពព្រះអង្គារនាថ្ងៃណាមួយ ។
ប្រធានាធិបតីអាមេរិកបានចុះហត្ថលេខាលើការណែនាំមួយដែលស្នើដល់អង្គការ NASA បង្កើនការខិតខំប្រឹងប្រែងរបស់ខ្លួនលើបណ្តាបេសកកម្មរបស់មនុស្សទៅកាន់ភពឆ្ងាយៗ ។ ទោះបីយ៉ាងណា លោកនៅពុំទាន់សម្រេចលើការផ្តល់ហិរញ្ញវត្ថុ ឬកាលបរិច្ឆេទនៃការផ្តួចផ្តើមគំនិតបែបនេះឡើយ ។
បណ្តាអ្នកជំនាញការមានការឯកភាពគ្នាថាការទៅកាន់ភពព្រះអង្គារដែលស្ថិតនៅចម្ងាយដល់២២៥លានគីឡូម៉ែត្រ ពីដែនដីចាំបាច់ត្រូវការបច្ចេកវិទ្យាពិសេសមួយ ព្រមទាំងថវិកាយ៉ាងធំសម្បើមមួយ ។
ដោយសម្តែងការអបអរសាទរចំពោះលោក HARRISON SCHMITT ដែលជាជនជាតិអាមេរិកម្នាក់ក្នុងចំណោមជនជាតិអាេមរិកដែលបានទៅកាន់ភពព្រះចន្ទ កាលពី៤៥ឆ្នាំមុន លោកត្រាំ លើកឡើងថា ពេលនេះយើងសន្យាថា លោក HARRISAN នឹងពុំមែនជាមនុស្សចុងក្រោយគេទៅកាន់ឋានព្រះចន្ទឡើយរួច យើងស្រមៃដែលអាចឱ្យអាមេរិកនៅតែជាអ្នកនាំមុខគេក្នុងការស្រាវជ្រាវអវកាស ៕
ចែករំលែកព័តមាននេះ