ខេត្តកំពង់ធំ ៖ ក្មេងប្រុសម្នាក់លង់ទឹកស្រះក្រោយផ្ទះ ខណៈឪពុកម្ដាយមិនបានយកចិត្តទុកដាក់មើលថែទាំកូនឲ្យបានដិតដល់បណ្ដោយឲ្យកូនចុះលេងទឹកស្រះលង់ស្លាប់យ៉ាងអាណោចអាធម៌ហេតុការណ៍នេះបានកើតឡើងកាលពីវេលាវេលាម៉ោង០៣និង៣០នាទីរសៀលថ្ងៃទី១០ ខែធ្នូ ឆ្នាំ២០១៧ ស្ថិតនៅភូមិក្រសាំងជ័យ ឃុំបារាយណ៍ ស្រុកបារាយណ៍ ខេត្តកំពង់ធំ…
ខេត្តកំពង់ធំ ៖ ក្មេងប្រុសម្នាក់លង់ទឹកស្រះក្រោយផ្ទះ ខណៈឪពុកម្ដាយមិនបានយកចិត្តទុកដាក់មើលថែទាំកូនឲ្យបានដិតដល់បណ្ដោយឲ្យកូនចុះលេងទឹកស្រះលង់ស្លាប់យ៉ាងអាណោចអាធម៌ហេតុការណ៍នេះបានកើតឡើងកាលពីវេលាវេលាម៉ោង០៣និង៣០នាទីរសៀលថ្ងៃទី១០ ខែធ្នូ ឆ្នាំ២០១៧ ស្ថិតនៅភូមិក្រសាំងជ័យ ឃុំបារាយណ៍ ស្រុកបារាយណ៍ ខេត្តកំពង់ធំ ។
ព័ត៌មានពីលោកនាយរងប៉ុស្តិ៍នគរបាលឃុំបារាយណ៍បានឲ្យដឹងថា ក្មេងរងគ្រោះឈ្មោះហ៊ិន ដេវីត ភេទប្រុស អាយុ២ឆ្នាំ មានឪពុកឈ្មោះហ៊ិន សុភ័ក្ត និងម្តាយឈ្មោះកៅ ស្រីលីន រស់នៅក្នុងភូមិឃុំកើតហេតុខាងលើ ។
មុនពេលកើតហេតុដោយសារតែឪពុកម្តាយកុមារារងគ្រោះជាប់រវល់ការងារក៏បានទុកកូនឲ្យរត់លេងក្បែរផ្ទះ ដោយមិនបានចាប់អារម្មណ៍មួយសន្ទុះបាត់កូន ក៏នាំគ្នាដើររកតែមិនឃើញ ហើយដើររកតាមមាត់ស្រះឃើញស្នាមជើងកូនចុះទឹកក៏នាំគ្នាចុះរៀវរកស្រាប់ប្រទះឃើញកូនប្រុសបានលង់ទឹកស្លាប់បាត់ក៏នាំគ្នាស្រង់យកមកធ្វើចលនាជួយសង្គ្រោះតែមិនអាចជួយបាន ។
ក្រោយកើតហេតុសមត្ថកិច្ចបានចុះធ្វើកោសល្យវិច្ច័យ រួចសន្និដ្ឋានថាក្មេងប្រុសស្លាប់ដោយសារលង់ទឹកស្រះក្រោយផ្ទះពិតប្រាកដមែន រួចក៏ប្រគល់សពឲ្យឪពុកម្ដាយយកទៅធ្វើបុណ្យតាមប្រពៃណី និងអំពាវនាវសុំឲ្យឪពុកម្ដាយ ឬអាណាព្យាបាលត្រូវមានការប្រុងប្រយ័ត្នខ្ពស់ចំពោះ កូនជាទីស្រលាញ់របស់ខ្លួនកុំឲ្យមានការធ្វេសប្រហែសដូចនេះទៀត ៕
ចែករំលែកព័តមាននេះ